靚媽週記 (4/8/14-10/8/14)

到底我啲暗瘡幾時會好﹗已經睇咗 3次醫生，仲做埋 LASER﹗唉﹗以前成日有 PR姐姐搵我做 LASER的時候，啲 PACKAGE 幾千至幾萬都有，不過我見無事無幹，我都唔會做 (膽小嘛)﹗依家要自己大拿拿 $1200/ 次咁做﹗真是好肉赤，不過為咗靚，都無辦法啦﹗

2014-08-04
哈哈﹗今日無化眼妝，只是畫了眼線和用了睫毛液﹗

top & dress: earth music & ecology

2014-08/05
坐1:00的船去澳門，一早起身有大把時間扮靚靚﹗

2014-08-06
哈哈﹗晏咗起身，要趕住落去食早餐，只夠時間化個淡妝﹗

2014-08-07
一個攰樣...去完 2日澳門喪玩，之後一日返工，真是攰到爆，有時連我自己都好懷疑自己的體能點解好似七老八十咁﹗可能朝朝晨運的公公婆婆都叻過我﹗

為了襯返個頭COOL，攞返件 N 年前的衫出來著﹗佢地香港的專門店都好似 CLOSED咗﹗

top: laisse passe

2014-08-08

top: earth music & ecology  pants: uniqlo

大家 like咗我地個 facebook page未呀？未就快啲 like啦﹗多謝支持﹗

優惠情報: COMVITA 40週年免費體驗活動

 

上個星期我在 blog 介紹過 Comvita UMF® 10+ 麥蘆卡蜂蜜嘅 (http://athena-joe.blogspot.hk/2014/08/umf-10.html)？﹗我地都仲有 keep住飲，2個囡都開學，我地希望 keep住飲，可以增強抵抗力啦﹗

原來工人姐姐日日都有沖比大頭妹飲，佢話大頭妹好鍾意飲，放學返屋企就飲一杯﹗見佢早兩日有少少鼻涕，問佢洗唔洗食藥，佢話: 我ok架，無事架﹗之後又真是好返喎﹗

哈哈﹗原來大頭妹覺得 "攪蜜糖" 的過程好好玩，所以每日都叫工人姐姐沖比佢飲﹗

 

小丸子一見到就大叫 "蜜糖水" 呀﹗一支箭衡過嚟飲，飲得勁快﹗

 

飲完仲識自己擰開個蓋，攞手點蜜糖食...唔通佢係 Winnie The Pooh ？﹗最後剛剛沖完涼又要沖多次，成日痴笠笠﹗

 

岩岩上 facebook 仲見到佢地有個慶祝 40週年免費體驗的活動，填份問卷就有麥蘆卡蜂蜜潤喉糖6粒裝1份 (仲有康維他折扣優惠券)，我即刻幫阿旺參加咗啦﹗活動至到 9月17日咋﹗大家都快啲參加啦﹗

 http://bit.ly/comvita_40years

是日晚餐: 餃子、炒烏東、咸蛋魚蛋滾冬瓜湯 (附炒烏東食譜)

最近忽然技癢，心思思自己煮晚餐。另外因為 2個囡岩岩開學，我都想幫輕下工人姐姐﹗我家工人姐姐做野長期 "慢鏡重播"，我已經成日叫佢下午有時間就準備定晚餐的材料，到我返屋企睇住 2個囡，佢就可以開始煮，不過成日都仲係 8:00 - 8:30先有得食，我發現我放工返屋企煮，都仲快過佢﹗洗碗又係...通常我地 9:00食完，佢洗碗洗到 10:30，老實講我真是唔明屋企最多 5-6個人食飯，佢點解可以洗個半鐘碗﹗先 2日我真是忍唔住，企佢後面睇住佢洗，佢 9:30就洗完，但我無可能日日企佢後面睇佢洗碗架﹗我同佢講佢真是要快手少少，依家 2個囡都返學，大家都早咗起身，佢唔可以再日日 12:00瞓架啦﹗

講返我餐飯...一講工人姐姐的工作表現就十日十夜都講唔完﹗星期日準備餃子餡，星期一放工返屋企先包﹗另外仲有魚片炒烏東和咸蛋魚蛋滾冬瓜湯﹗2個囡食烏東食得好滋味﹗第 2日我煮忌廉蘑菇長通粉，2個囡又是食到 lam lam 脷﹗我真是要多啲下廚先得﹗

魚片炒烏東，少少紅蘿白，少少冬菇，再加魚片炒烏東，大頭妹同小丸子都好鍾意食！

自己包餃子，今次是白菜豬肉餃！自從舊工人走咗都未整過，因為以前都是佢預備餡，我負責包，即是2年幾未整過。今次第一次自己預備餡，淡咗少少，不過加辣醬食就差不多啦！

油菜，啲菜心係AEON買$15包，都幾好食喎！

話說我叫阿旺試味，佢一打開個煲蓋「嘩」一聲，然後話：老婆，你落咗幾多粒咸蛋呀？！哈哈！個啲魚旦嚟架！你唔係以為我落8隻咸蛋去滾個冬瓜湯嘛！

蛋片炒烏東
材料:
魚片 半包 (切條)
烏東 3包
甘筍 半條 (切絲)
冬菇 5隻 (浸軟，切絲)

調味料:
老抽/ 糖/ 豉油/ 麻油/ 胡椒粉

做法:
1. 平底鑊加油加熱，先炒甘筍，再加入冬菇。
2. 加入烏東和調味料混合快炒。
3. 加入魚片。

*魚片可以用火腿/ 腸仔代替，雪櫃有什麼就用什麼啦﹗我家就印尼姐姐，所以多數用魚片﹗

同學生日飯@新斗記

最近都好似成日去新斗記，無論是親戚食飯﹑阿旺朋友食飯﹑自己朋友食飯都是去新斗記﹗食物質素好﹑價錢 ok (唔叫海鮮的話)﹑地方 ok，應該是原因吧﹗

今次是 8月份生日之星晚餐﹗其實畢咗業都有 10幾年，仲可以 keep住每個月食飯，真是好難得﹗畢竟大家都工作都好忙碌﹗

皮蛋酸薑，影的時候已經食咗 2件﹗沒有睇價錢﹗不知道抵不抵食，大概不會是鏞記價吧﹗

5個人點了 1/4隻乳豬 $188。

老火湯: 霸王花唐排湯 $118。

蛋白蒜蓉蟹飯 $138，價錢不貴，所以得一隻好細的蟹，不過蟹肉是鮮甜的﹗

啫啫什菜煲 $78，今次唔記得影，用返上次的啫啫生菜煲 $68﹗

生炒骨 $98，好好味喎 (張相又係上次的)﹗

最後仲有紅豆沙﹗

大家 like咗 我地的 facebook page 未呀？ 未就快啲 like啦﹗多謝支持﹗

小丸子上學了！

小丸子終於開學了！

小丸子學校 8月15日（星期五）就開學了，有 3日適應期，家長可以陪小朋友上堂，頭一星期都是上 45分鐘，之後一星期是 1.5小時，等小朋友慢慢適應﹗9月就正式開學，返 9:00 - 12:00﹗諗下第時 2個囡都返 9:00，即是又要再早啲起身預備了 (嗚嗚嗚)﹗

第一日返學，媽媽當然霸頭位啦 (笑)﹗其實都是返去拿書包和校服，參觀一下校舍，另外就是聽老師講解一下開學要留意的地方﹗小丸子的學校真是不錯， 60人一班，班房好大，房中有房，大班房入面，仲有 2個小班房，仲連接著操場﹗

小丸子如常坐唔定，人人都是向著老師坐，她就坐在老師後面，自己 "檢查" 自己的書包﹗又拿著通告自己睇，之後...就開始 "生事" 啦﹗

首先就是不停問我叫咩名，因為前一晚我教她見到其他小朋友要自我介紹，再問人叫咩名﹗佢就不停 "你叫咩名呀？"，我唯有細細聲答 "我叫媽咪"，她又大大聲話 "你叫媽咪？﹗趙xx (我的中文全名)"。我尷尷尬尬話是呀﹗

之後老師開始講通告，我要攞返佢手上的通告，佢就發難﹗不停問 "你比唔比我呀？﹗係我架﹗" ，我唯有比返幾張佢啦﹗之後...佢就開始...唱歌...唱 abc's song...仲越唱越大聲﹗我有不停叫佢細聲啲，最後老師都忍唔住叫佢要細聲啲﹗老師果然有辦法，老師叫佢細聲，佢就真係收聲啦喎﹗之後我地就出去試校服啦﹗

學校有好多玩具比小朋友玩﹗

同小丸子試校服﹗

課室在 2樓，小朋友要自己行樓梯放學...不要以為 2/F是 2層，仲有什麼 1/G，2/G，其實要行 4層樓梯...連少做運動的媽媽我...都覺得辛勞...仲有佢又落幾級又上幾級，真是比佢激c﹗

出門口就影下相啦﹗

好似好叻咁喎﹗到自己返喊唔喊先？﹗

第 2日返學﹗有校服啦﹗

第 3日返學，星期二著運動服﹗

第一日返學之後，老師話要預備有蓋水杯和毛巾盒，我就四圍找找看，上次大頭妹的時候一早就買了，不過大頭妹的學校有提供。可能太遲買的關係，找來找去都找不到同款的 (媽媽好麻煩喔)，最後在 SANRIO 找到﹗不過無 HELLO KITTY/ MELODY了...得返 JEWELPET﹗我都唔識佢...我細個用 HELLO KITTY嘛﹗

之前在快圖美和 JOIN Label，訂了名字貼，終於可以用啦﹗

仲有之前係日本代購買的 DISNEY BABY MINNIE MOUSE "汗巾"﹗

之後星期四就要自己返學啦﹗返同接都是工人姐姐，工人姐姐話佢走的時候小丸子無喊，接佢的時候，老師都話佢無喊﹗每日我返到屋企，佢都開書包比我睇，又要著返學的外套同帽，再揹住書包走來走去，我估佢都幾鍾意返學﹗

有一晚佢要我彈太陽伯伯，我叫佢唱比我聽，真是唱得好好聽喎﹗(hehehe...自己個囡唱咩都好聽架啦﹗)

大家 LIKE咗我地的 FACEBOOK PAGE 未呀？未就快啲 LIKE啦﹗多謝支持﹗