復活節長洲一日遊@20150406

2015年 4月 6日 (星期一)

復活節長假，唔外遊留係香港，其實都有好多地方可以去嘅﹗﹗﹗不過我地揀咗復活節入長洲，真是 "好識揀" 日子，多人都爆炸，仲多人過太古城，完全好似旺角咁﹗哈哈﹗令 2個囡對長洲完全誤解咗﹗阿旺話之後一定要係平日再去一次，以消除 2個囡對長洲的誤解﹗﹗﹗

不過由於今日太多人，坐船要排隊，買野食要排隊，大部份時間都用來排隊，而且好熱，2個囡話下次唔再去長洲了﹗﹗﹗說好的 "櫻花" 亦睇唔到，唔知係唔係天氣太熱，已經 "謝" 咗﹗今次仲比我發現大頭妹原來真是好似我，一熱就發癲，佢今日竟然發咗 2次脾氣，反而原來小丸子都幾 "捱得"，全程都無咩扭計﹗

小丸子點解喊？﹗因為爸爸玩手機囉﹗小丸子見爸爸打機，佢又要玩 TALKING TOM，佢好鍾意同貓貓講野﹗之後...媽媽要爸爸收機...佢就扭計啦﹗大家都唔好玩就最好架啦﹗

之前怕落雨...最後太好天...熱都暈...

大頭小丸寧捨 "誇張"，爸爸中途帶小丸子去地鐡站接嫲嫲，再去碼頭匯合我地，佢地唔見都無 15分鐘，就唔知做咩好似 "久別重逢" 咁？﹗

去發的時間都係排咗 AROUND 30分鐘以內﹗我地坐快船 $37.2，20分鐘就到長洲啦﹗不過我同媽咪坐快船會暈船浪呢﹗﹗﹗

好彩 2個囡都唔似我呢點﹗

第一站去食長洲大魚蛋﹗真是超長人龍，應該排咗超過半個鐘﹗

HEHEHEH...一人一串﹗

小丸子都好鍾意食﹗

自己一個食一串﹗

第 2站去食芒果糯米糍﹗好是好好好好味﹗不過好似 $10粒，其實都幾貴﹗

HEHEH..又一人一粒﹗

之後四圍行下，買咗平安包玩具﹗

小丸子今日好乖喎﹗

反而大頭妹就忟忟憎憎﹗之前一度發脾氣，不過比我 "制服" 咗﹗好彩我平時脾氣嗅 (咁都好彩？﹗HAHHA...咁係阿旺唔好彩﹗﹗)，兼且做過 CS ，知道遇到 "癲人"，你一定要冷靜，所以我只是帶佢去百佳涼個冷氣，再比佢自己揀飲品同零食，佢就冷靜落嚟啦﹗

大頭妹當時話 "點解我地要嚟長洲，長洲咁熱，間百佳又咁短 (即是細)，連橙汁都無。"，其實我估唔到大頭妹原來會咁...佢平時都唔會扭計﹗令我要再好好計畫一下我的暑假東京之旅﹗

HAHAHH...呢啲好得意，有少少後悔無買，係茶葉嚟架，係唔係幾得意呢？﹗平安茶包？﹗下次一定要買﹗﹗﹗

天氣太熱...買冰食﹗

試完之後...波蘿好味好多﹗食冰應該要食多汁的生果？﹗

行行下...嫲嫲竟然買 UKULELE...比大頭小丸﹗﹗﹗

有好多款﹗

最後...一人一支...好似 $200/支 連袋，大頭妹要綠色，小丸子要粉紅色﹗

第一次見到平安包﹗

買咗一個...幾日後仲係雪櫃...

今日個天真是好靚﹗

又一長龍店...今次唔排啦﹗

其實間間都好多人﹗

最後比阿旺搵到 "拉糖"，不過原來同我地細個好唔到...又貴又唔好食﹗

 不過有得玩囉﹗大頭妹呢條要 $30，但中空無野食，仲要勁痴牙﹗

見大頭妹玩又好似幾好玩咁嘅﹗

最後食埋炸雪糕...今日真是食咗好多野...食小食都食咗幾百蚊...本來仲想食焗蠔同帶子，阿旺去咗睇，又排長龍...估計要 45分鐘，所以放棄咗﹗

最後仲有紅豆餅...唔知佢地做咩...點解要咁食呢？﹗

走啦﹗下次...冬天先嚟啦﹗今日又熱又排長龍...真是好攞命﹗

大頭小丸上船彈 UKULELE﹗大頭妹一直好輕力順住彈，啲聲好好聽，小丸子即時話要同家姐交換...真是比佢笑 C﹗

大家 LIKE 咗我地 FACEBOOK PAGE未呀？﹗未就快啲 LIKE啦﹗

大頭妹帶你參觀OCEAN PARK【澳洲歷奇】

2015年 3月23日 (星期一)

呢篇其實應該由阿旺寫，因為我都冇份去，是佢帶大頭妹入去海洋公園幫一本親子雜誌做 model，介紹海洋公園新開的【澳洲歷奇】﹗hehehe...有得優先一日睇樹熊和袋鼠﹗﹗﹗

雜誌姐姐叫著得 COLOURFUL 啲...桃紅夠晒 COLOURFUL 啦呱﹗

原來新的澳洲歷奇是香港老大街入面，情人節入去時都唔覺眼嘅？﹗

呢個位都影得幾靚喎﹗

呢啲表演唔知係唔係之後都有嘅呢？﹗

大頭妹一陣有得上台一齊跳架﹗

仲有表演睇﹗

仲有得整雀巢﹗

有印水紙玩，大頭妹好乖，第 2日返學前同爸爸講，叫爸爸抹咗先返學﹗有時真是唔明點解大頭妹咁守規矩﹗

樹熊同袋鼠

HAHAHHA...最後 3月都無入到海洋公園，希望今個月入到啦﹗