哈哈﹗最近好有 "食神"，連去幾個 BLOGGER EVENTS都同食有關﹗連續 2次試菜，之後以為去做 "義工" 派包，原來都有得 "食包包﹑食飽飽"
，再之後同大頭妹去迪士尼 "扮公主"，都有 ENGLISH HIGH TEA食，真是開心
﹗﹗﹗今次試菜已經係 2個星期前 (最近好似成日甩 BLOG
)，無辨法...真是太太太忙，公司要報 3間公司的稅 (做咗 1間，仲差 2間，仲要其中一間係最多數的)﹑ONLINE SHOP返貨要寄返貨比客人﹑2個寶貝生日﹑阿旺測驗，要同佢溫書 (下兩個星期就考試)，認真攞命﹗太多提外話，講返餐飯﹗今次試菜的地點是位於西環 TRADERS HOTEL 的馬來一菜館﹗其實我同阿旺同馬來西亞好有緣，我地第一次 2個人去旅行就是去馬來西亞
(阿旺亦因為個TRIP食得太多，之後開始肥的
)，我地一齊工作的公司 (我舊公司) 的老板是馬來西亞人，所以之前出 BUSINESS TRIP都去咗馬來西亞好幾次﹗(好似又是提外話) 
我地今次點咗: 沙嗲雞肉牛肉串燒﹑星洲香辣烤魚﹑檳城亞參叻沙﹑巴生肉骨茶﹑海南雞飯﹑咖哩香葉炒茄子﹑柑桔特飲 (枯仔水)﹑榴槤布甸﹗我地 2個人竟然可以清晒﹗不是因為食物份量細，而是太好味啦﹗﹗﹗
柑桔特飲 $23 "桔仔水" 雖然比馬來西亞仍然是少了 "真桔仔"，不過已經是我係香港飲過最 "原裝" 的味道，單單為了杯桔仔水，我就一定會再返嚟啦﹗﹗﹗
仲有好多 "配菜"，白色的是飯糕來的，食一件已經好飽﹗
我影阿旺是因為佢食得太開心，佢點完沙嗲之後，我以為佢會比串沙嗲我，當我伸手去接的時候，佢竟然放入自己個碗
﹗﹗﹗
當 我叫阿旺影我的時候，我就知餐廳已經成功咗﹗平時外食我通常唔出鏡 (尤其是無化妝的時候)，今次我竟然叫阿旺影我，因為我真是覺得自己好似去了馬來西亞旅行一樣﹗聽PR姐講，佢地餐廳的食材99%都是空運到港的，當中 10%是來自馬來西亞，90%是來自泰國，因為泰國的食材會比較接近馬來西亞，而且比較新鮮﹗
星洲香辣烤魚 $32 是我地今日試食中比較 失色的一樣，不過可能因為我同阿旺都唔好魚﹗
好香蕉葉味﹗辣辣地﹗不過我地本來以為是原條魚，打開之後先知原來是已去骨的魚肉，混合辣醬，再包住蕉葉去燒﹗
檳城亞參叻沙 $82，同平時的食開的叻沙比是少了椰漿比較清，同比較帶一點點酸﹗
海南雞飯 $108，阿旺話好正﹗"雞王" 都話正就一定是好正啦﹗
阿旺話連個汁都好正﹗
巴生肉骨茶$98，平時肉骨茶是我同阿旺的最愛，不過阿旺覺得這裡的肉骨茶比較偏甜，佢比較喜歡比較重藥材味的﹗不過我記得好似不同地方的肉骨茶是有不同的風味，偏甜的我都好喜歡﹗
咖哩葉炒茄子 $45，這個炸茄子真的是 "喜出望外" ，好好好好味﹗
脆醬入面是軟軟的茄子，超級推介﹗
榴 槤布甸...其實試菜當日我鼻塞，所以大家見我上面大部份都是寫 "阿旺話"，阿旺話這個用上山貓王榴槤做的榴槤布甸好好好好味﹗我...只能說 "下次我會再來的﹗" 。不過大家要留意，這個是 "隱藏 ITEM"， MENU上是沒有的，因為大廚覺得 "布甸" 不是 "正宗" 的馬來西亞菜，而且數量有限，亦有季節性，大家想試的話最好 BOOK枱的時候問清楚啦﹗(個人意見: 如果可以保留少少榴槤肉就更加 PERFECT﹗)
由於是酒店餐廳，地方闊落﹗最重要是比我見到有小朋友坐椅同食具，做了媽媽之後會非常重視帶小朋友外出用膳的方面度﹗
以酒店來講價錢十份化算，小食都是 $40-70，麵飯類大約 $80-$100，飲品都只是 $23 (真是堅抵...我要再飲枯仔水﹗)，甜品 $28 (仲要大大份)﹗
我會再嚟架﹗帶埋大頭婆婆同大頭姨姨一齊嚟﹗
沒有留言:
張貼留言