眨下眼小丸子就 15個月，又係時候寫成長日誌啦﹗過咗 12個月，就唔叫BB，叫幼兒啦﹗真係好唔捨得個囡大得咁快﹗
今個月的體重，身高都唔清楚 (個磅壞咗，不過我估最少都有 26-27磅，應該唔止，抱上手真是重過大頭妹)﹗
飲食方面: 同上個月無咩分別﹗7:00 早奶 8oz; 10:00 早餐 (麵包/ 芝士/ 生果); 12:00 午餐; 4:00 下午奶 8oz; 6:00 晚餐; 8:00 呃2 啖飯 / 生果; 10:00 睡前奶 8-12oz﹗無錯...我無寫錯，你都無睇錯，小丸子的睡前奶經常都飲到 12oz，唔係一次過，因為好多時小丸子 9:00幾10:00就扭奶，10:30入房的時候，佢見大頭妹飲，佢又發狂 (會去搶大頭妹支奶)，之前大頭妹飲朱古力奶，有次飲剩少少，比小丸子飲咗 (佢自己拎嚟飲)，之後佢見到大頭妹飲朱古力奶都去搶，所以依家都比返普通奶大頭妹飲。
另外，我地開始比大人食的食物小丸子食，上次去愉景灣酒店，佢都係跟我地食下意粉/ 炒飯/ 薯仔/ 湯/ 蛋。
講野方面: 佢唔係太鍾意講野，大頭妹個時把口真係無時停，所以感覺上大頭妹講野叻啲，但小丸子答問題就有紋有路啲。例如問佢 yes/no question，佢係真係答得岩嘅﹗例如意問佢: 唔可以打人，知唔知(佢真係成日打人) ？佢會答我: 知(但會繼續打)﹗我問佢: 可唔可以打人？佢會擰頭。問佢要唔要wee wee？如要，佢會行去洗手間。如唔要，佢會答: 唔wee，然後繼續自己玩。
行為方面: 自從係PLAYGROUP學識咗 "鞠躬" (THANK YOU )之後，依家 thank you/ 早晨/ sorry，都會以"鞠躬" 代替﹗
活動方面: 大頭妹 15個月先識行，小丸子 15個月已經識跑，識 "轉圈"，開始想跳，明顯比家姐 "活躍" 好多 (好聽就活躍...唔好聽就百厭囉)﹗亦比較坐唔定﹗PLAYGROUP的MISS HO都叫我地要返屋企比少少時間 TRAIN佢坐定。
依家識得同人 "鞠躬" 講 sorry，個日佢踢到姨姨 "瘀" 咗，我叫佢同姨姨講對唔住﹗
又學識咗 cheers，見到相機會自己講 cheers 然後笑﹗
唔怕人，又唔怕生保地方，係一個惡人﹗
係 KIDSQUARE 第 6堂的 PLAYGROUP﹗
識同老師鞠躬當 THANK YOU﹗
一開始唱下歌，跳下舞﹗
好鍾意跳舞﹗睇佢跳得幾有動感﹗
音樂時間，玩樂器﹗
今堂講海洋生物﹗
BUBBLE TIME﹗
勞作時間﹗
今日係訓練手指﹗
自己貼
睇下眼仔會唔會追蹤物件﹗
有時比佢打一拳...真係好痛架﹗
記得 LIKE埋我地個 FACEBOOK PAGE呀﹗
沒有留言:
張貼留言