最好的生日禮物

我今年的生日禮物是一排 $20的瑞士糖﹗

話說我生日當晚，我地食完晚飯，打算坐地鐡回家的時候，見到地鐡站口有一個坐輪椅的男人，佢手抱一個大約 6-7歲的男孩，一齊在賣瑞士糖，我叫阿旺帶大頭妹一起去買瑞士糖給我做生日禮物﹗

買完入地鐵站的時候，忽然見到老公兩眼通紅，當我問佢做咩咁感動的時候，佢仲要捶自己心口兩下，先答到我，真是眼淺呢！不過又令我忽然發現，有一個心地善良的老公，已經是一份最好的生日禮物！



提 外話，之前都好似講過，我同阿旺係我生日當日認識的。我仲記得我 6月尾到舊公司上班， 當時阿旺放假，7月4日佢放假後第1/ 2日返工，我接替的同事last working day，叫我一齊去飲茶。當日早上的時候，我同大頭契媽一齊係 pantry，佢見我裙後的蝴蝶結鬆咗，想幫我綁返好，剛剛有另一位男同事經過，又話要幫我綁，結果扯爛了我條裙...之後仲要一齊飲茶，所以我去到茶 樓，見到阿旺，雖然唔識佢，我都即時拉住大頭契媽三個一齊坐，哈哈...我地相識的經過就係咁啦﹗所以我一直認為，阿旺係個天送比我的生日禮物。

p.s. 老公，我愛你﹗