she.com X Ma Belle 網上購物體驗分享

我最近參加咗 she.com X Ma Belle網上購物體驗活動，試用 MaBelle.com 的 eShop﹗依家係 MaBelle.com eShop，可以買齊結婚戒指﹑鑽石﹑仲有我今次重點介紹的「寶寶彌月」系列﹗

呢個服務真是好方便，就算足不出戶都可以 24小時上網購物，岩晒我地呢啲一放工就歸心似箭的爸爸媽媽﹗而且係MaBelle.com的 eShop購物，除咗可以免費係 Ma Belle於全香港52間店舖取貨，仲有全球免費送貨，可送給海外親友，為佢地送上驚喜﹗

等我講下個購物流程啦﹗

1. 首先輸入MaBelle.com eShop 的網址: www.mabelle.com

2. 之後揀 「網上商店」。

3. 再揀 「寶寶彌月」，就會顯示「寶寶彌月」系列的產品，揀岩心水就可以click入圖片落單。

4. 睇清楚貨品內容，岩就可以click 「立即購買」。

5. 之後頁面會顯示你選擇貨品的內容，岩就可以再click 下一步啦﹗

6. 可以以會員登入/ 訪客身份付款。

7. 輸入個人資料﹑地址。我試過用外國地址，如果寄外國，揀用香港郵政快遞都是免費的﹗如果揀FedEx就要另外收費。

8. 最後就是輸入付款資料啦﹗用 VISA/ MASTER/ PAYPAL都可以架﹗

MaBelle.com eShop更加特設退貨保證，大家就可以安心上網購物啦﹗ (詳情請參閱MaBelle官方網站。)

講完購物流程，當然要講下主角，即是件產品啦﹗我幫小丸子揀咗足金手/ 腳飾 「盤滿砵滿」，夠晒好意頭，小丸子最最最重要是奶樽「常滿」﹗﹗﹗

Ma Belle的白色小盒子

有個刻上福仔的足金「荷包」，讓小孩子載滿「福氣」，真是好有意思﹗

有請小丸子親自示範﹗

 豬腳丸子﹗

條腳繩有兩個足金的小叮噹，依家小丸子行咗去邊我都知啦﹗幫我看住個百厭豬﹗

哈哈哈…點可以令百厭的小丸子定定地比我影相，只有2個方法﹗

方法1: iphone﹗

方法2: 等佢瞓﹗

依家買「寶寶彌月」系列，仲額外送BB立體手腳3D DIY相架套裝，做法簡單，又有紀念價值﹗最得意是買足金系列送金腳仔，買銀系列送銀腳仔﹗多謝MaBelle的PR姐姐送左呢份禮物俾小丸子。 
 
哈哈哈﹗講起上嚟，我同阿旺拍拖無耐，有一年的情人節，佢去咗個啲「屋村金鋪」買咗隻鑽石戒指比我，我收到之後用好溫柔的語氣問佢點解，佢話因為佢全部時間都比晒我，只可以去屋企樓下間金鋪買喎﹗阿旺，咁你識做啦﹗依家 24小時都可以上MaBelle.com的 eShop 購物架啦﹗