小丸子18個月成長誌

好似好耐無寫小丸子的成長誌，18個月即是歲半，是比較重要的一個階段，一定要寫﹗

其實做父母真係好難做到唔比較，最近同育兒專家講開，有 2個小朋友的家長，一定要避免比較﹗但好似我依家寫小丸子 18個月的成長誌，我都會去望下大頭妹 18個月的成長誌，暗自比較一下 (好彩當時無寫咩，所以無得比較)﹗

小丸子講野都幾好，已經開始講句子，最近學識咗講 "我要..."，第一句係講 "我要茶﹗"，我要睇，我要篤 (篤檸檬)﹑上次大頭姨姨生日，仲講到唔正嘅 HAPPY BIRTHDAY TO YOU﹗不過就唔太識英文字母/ 數字，只認得少量。

16個半月開始，一星期上 2次 PLAYGROUP，每次上 PLAYGROUP都坐唔定，上 KIDSQUARE個邊，因為小班，都算OK。但上幼稚園個邊都幾頭痛，次次上堂都好似 "捉馬騮" 咁﹗每次唱歌跳舞，佢都要去老師前面跳，阻住其他同學，又成日自己行咗佢，又唔願意等﹗星期六﹑日同佢上完 PLAYGROUP，真係仲辛苦過返工﹗Playgroup老師都叫我要正視問題，不竟大部份幼稚園 interview，都要小朋友坐定最少 5 - 10分鐘﹗坐唔定就唔洗考啦﹗

有一件我嘅傷心事要記底，上 2星期小丸子不停病，上星期夜咳，比咗佢同工人姐姐瞓咗幾日，點知之後我抱返佢入房佢竟然大喊，一定要工人姐姐，我真係由得佢喊，好彩只係喊咗一日，過咗幾日後，佢又自動夜晚自己入返我地房﹗

 上幼稚園的PLAYGROUP比較少影相，上次影咗幾張﹗

小丸子鍾意玩 LEGO﹗

成功砌高高即刻比我睇﹗

貪心人一隻手拎一塊餅﹗

同樹葉玩，叫完幾聲之後，竟然敗走咗﹗

同大頭妹一齊睇故事書，大頭妹講故事比妹妹聽﹗

但妹妹又點會坐定定吖？﹗唔夠 3秒已經唔見咗，大頭妹勁無奈﹗

學家姐要自己刷牙﹗

好搞笑...佢自己拎櫈仔入廁所開水，我地全部人係廳，忽然聽到水聲﹗

原來有個百厭小朋友自己開水﹗

最搞笑係佢仲要扮 "吐水"﹗

大家 like咗我地嘅 facebook page未呀﹗請多多支持﹗