23週﹗抽筋啦﹗

今個星期已經23週啦﹗之前成日覺得見人大肚過得好快，而家都覺得自己大肚都過得好快﹗上個星期有一日試過臨天光抽筋，真係超級 特級痛﹗痛到寶寶係我個肚入面都跳咗一下勁的 ﹗HEHHE...寶寶應該唔係感覺到媽媽抽筋，不過可能係我影響咗佢少少啦﹗真係好鬼痛，同平時的抽筋完全唔同﹗我即時諗...生仔陣痛痛啲，定抽筋痛 啲呢？﹗
呢個星期寶寶經常 4:00am- 5:00am 就整醒我 (勁錫我)﹗有時瞓得返，有時瞓唔返﹗我一向都好瞓得，而家真係幾慘﹗哈哈...試過有一日5:00醒咗，我問我老公 (佢瞓緊的)，佢想寶寶似我定似佢？﹗佢竟然答似佢﹗﹗﹗跟住我再問佢寶寶女仔嚟架喎...點可以似佢架﹗似佢未似男人囉﹗佢就冇再答我啦﹗可能係唔想理 我，又或者瞓梗，只可以答啲簡單的問題﹗

個肚比上星期有冇大咗啲呀？
買咗啲新的起居服﹗之前的已經開始唔岩著，尤其係褲﹗買咗 2件衫加一條褲﹗另一條係返工落街都著得嘅﹗呢排成日買啲舒服的衫...都唔靚嘅﹗點解靚的就唔舒服...舒服的就唔靚...又靚又舒服的我又買唔起吖﹗人地大肚都要靚架嘛﹗

好鍾意UNIQLO的起居服﹗買啲SHARP的顏色，著的時候都開心啲﹗

HEHEH...呢件就係10:00衝入SOGO買的野﹗

呢條就係我之前講的UNIQLO假牛仔褲﹗好舒服﹗我買咗大碼﹗企同坐都唔會 "COOL" 住個肚﹗

正面係咁﹗真係同真的牛牛冇咩分別架﹗

仲有樣野想講...就係...阿旺呢個爸爸成日冇嚟正經，我成日諗...如果第時寶寶好似佢咁﹗我都幾嘔血...我舉啲例子吖，好似我上次叫佢多啲同寶寶傾計，佢話 "寶寶你快啲大個，幫爸爸洗晒啲碗﹗"...又有一次，舊同事講起叫我地新屋一定要買個大少少的雪櫃，佢即刻答人 "等BB咸就放佢入去呀？" ，然後仲自己係度扮打冷震﹗當時我有少少想打爆佢個頭﹗