2014年 10月 18日 (星期六)
點解最近我啲 blog 咁慢嘅？﹗有啲拖拖下都 "爛尾"，不過呢篇真是一定要寫，因為是大頭妹第一次賣旗，仲有小丸子﹗一定要記低﹗
大頭妹今年 K2 參加咗學校的 "小蜜蜂"，第一個月就即刻有活動，就是親子賣旗啦﹗試過賣獎券，又試過探訪套房家庭，今次試下賣旗﹗其實我中學時期都經常賣旗，我覺得是一個非常好的活動，所以都幫大頭妹報名參加﹗可以訓練 "膽量"，要大聲同有禮貌咁同人打招呼，同叫人買旗，對於怕羞的我，其實都幾有難度﹗不過其實我最想做的義工活動是探訪老人院，之後一直想參加，不過仲未有時間去聽咗個講座先﹗
著上小蜜蜂的制服好醒目呢﹗
前一晚不停掙扎帶唔帶埋小丸子，最後都是帶﹗
估唔到佢又幾幫得手，因為佢夠大聲，都有叫下人 "買支旗吖"，仲識得貼貼紙...仲要貼得快過大頭妹，HEHEHE...見唔見佢一早將啲旗貼晒係自己個肚，又一手拎幾張，所以一有人入錢，佢就即刻貼，大頭妹仲要慢慢搣，結果...
結果...2個因為爭入錢﹑同貼貼紙的問題嗌交，爸爸要拉佢地埋一邊訓話﹗大頭妹話明明自己先係小蜜蜂，係佢賣旗，但妹妹就貼晒佢啲貼紙，佢無份貼﹗
大頭妹仍然唔係好明點解有人會唔買，所以如果有人話唔買，走咗去，佢就會好唔開心﹗囡呀囡，世界唔係你想像咁簡單，有人需要幫忙，其他人有能力就會幫，會就當然好，唔會都唔應該覺得其他人有問題，每個人有每個人自己的原因，總之我地自己有能力，就盡量做。
大家 like 咗我地個 page未呀？﹗未就快啲 like 啦﹗
沒有留言:
張貼留言