忌廉蘑菇意大利雲吞 (附食譜)

好耐都無出食譜啦﹗其實星期日沒有工人姐姐，我地通常都出街食，不過有時都會想自己煮下，過下手癮，但就一定會煮啲簡單方便又好味既！呢個意大利雲吞就岩晒我要求啦！煮完自己都幾滿意，所以都出返個食譜啦﹗

其實意大利雲吞我就買冷藏的，我只要煮好個忌廉蘑菇汁就可以了，材料好簡單，只是蘑菇、清雞湯、鮮忌廉就可以！

忌廉蘑菇汁:   

材料: 

蘑菇200克  (1盒唔記得 150g定 200g)， 切片/粒

乾牛肝菌 20克 ，用150毫升水浸泡
雞髀菇 100克， 切片  
蒜頭 2瓣， 剁碎 
乾葱 1粒，切碎
乾百里香 半茶匙
marsala酒  2湯匙 (其他酒都可以，花雕酒﹑米酒﹑清酒)
淡忌廉 100毫升
清雞湯  隨意 (蓋過材料就可以)

*除了蘑菇，其他菇類都係隨意，牛肝菌會香啲﹑雞脾菇就平平地，我有時仲會落大蘑菇/ 本菇。

 做法:
1.  煲內燒熱 2湯匙橄欖油，小火爆香乾葱，加入蘑菇用中火同炒至微黃，拌入蒜茸，加入牛肝菌及灒酒，煮至差不多乾透。
 2. 加入牛肝菌水 (如無落牛肝菌，可以清雞湯代替，或清水加雞粉/鹽都可以)，中火煮20分鐘。
3.  加入意大利雲吞，留意要有足夠水份蓋過所有材料，依包裝上指示的時間煮。
4.  最後加入淡忌廉，及調味，可伴以帕爾馬芝士碎/ 番茜碎。

大家 LIKE 咗我地 FACEBOOK PAGE未呀？﹗未就快啲 LIKE啦﹗