今日的行程好豐富，我地要圍住箱根走一個小圈，先會去元箱根港坐海賊船去桃源台，再桃源台坐吊車去大涌谷睇火山，再去早雲山坐覽車去強羅﹗
本來是第 1日的行程，然後第 2日先去浸溫泉，但阿旺話一落機就四圍去會太辛苦，所以就前後倒轉了，我原意就是怕會錯過了回東京的浪漫號列車，班次其實好密，但我地一個月前專登上網訂了風景車箱，不是每一班車都有風景車箱，早一個月可以開始訂，通常要一早上去搶位，因為一班得 10幾 20個位﹗點知我買之前上去睇時間表的時候並不是星期六的班次，平時有一班是 4:00幾返新宿的，我覺得一定夠時間，星期六的是 3:49，當時都覺得可能會趕，最後真是錯過了預訂了的風景列車﹗嗚嗚嗚﹗阿旺話下次再坐過喎﹗大家想訂風景車箱既就要留意時間啦，平日同周末係會有唔同架﹗
一早 7:00幾起身，自己去浸下酒店的溫泉，再化個靚妝，就叫醒 3隻爛訓豬去食早餐啦﹗早餐的選擇都還可以啦﹗
食完早餐，見仲有時間，就帶埋大頭妹﹑小丸子去浸溫泉啦﹗小丸子嫌浸泉水太熱，只是坐係池邊，大頭妹就好鍾意浸溫泉，真是識嘆﹗之後發生一件『趣事』，酒店的溫泉係唔著衫嘛 (昨日去溫泉樂園要穿泳衣)，大頭妹走的時候，忽然話: 媽咪，原來你個胸真是好細﹗哈哈哈﹗佢真是未見過世面，以前一直話媽媽個胸好大﹗我一直都有同佢講...佢自己唔信之嘛...依家咪信囉...
出發啦﹗
由酒店出發，大約坐 15- 20分鐘巴士就到元箱根港啦﹗
一去到就有船，都無機會四圍行下﹗
其實坐船其中一個賣點是睇富士山，不過...因為我無做足功課，原來如果由元箱根港上船，睇富士山的機會係一上船時的右手邊﹗我地企咗係左手邊，所以...等來等去都睇唔到啦﹗哈哈﹗又阿Q啲...下次直接去富士山啦﹗咁一定睇到囉﹗
後來睇返啲相，應該係鳥居再前少少﹗呵呵呵﹗
途中見到由桃源台開出的海賊船﹗
小丸子...一見到扭蛋又話要抽，平時唔會比佢抽，今次見是特色的『黑玉子』就比佢抽啦﹗
好啦﹗去坐吊車啦﹗
今日的行程我覺得最特別是睇火山活動﹗平時通常係書見到，今日可以近距離睇下﹗出乎意料之外，佢地最印象深刻都竟然是睇火山﹗
黑玉子，我地都買咗嚟試食﹗其實味道上又同一般雞蛋無分別﹗
今日天氣真是好熱﹗
去到早雲山，就坐返覽車去強羅啦﹗
今次真是坐齊箱根的特色交通工具﹗
沿途都有繍球花﹗
終於都去到強羅站，其實呢時先係 2:00，我真是估唔到我地會 miss 咗班 3:49分的火車﹗
原本一切都好順利，我地 2:00 已經返去強羅，大約15分鐘車程就可以返到酒店，點知我地最後竟然可以同一時間發生: 走車
(岩岩追車尾)，之後再上錯車，要再坐返轉頭，然後再等唔到一班係時間表有的車﹗﹗﹗竟然可以連錯 3樣野，錯少 1樣都趕得到，最後就是差
10分鐘，我地就錯過了一個月前就上網訂了的『浪漫號列車 - 風景車箱』啦﹗我真是到依家都覺得好唔甘心，點解明明時間表上有一班巴士，我地明明早了
5分鐘到，但無見到班車，然後再等下一班，又好準時架喎﹗我講咁耐，其實是想同大家講，新宿去箱根好方便，如果真是想坐風景車，可以揀由新宿出發的，會比較好預時間﹗
去到車站買少少小食比大頭妹小丸子上車食，打發下時間，不過佢地坐車時一般都好乖﹗
坐唔到風景列車，買返架『零食列車』補數﹗
我地今日真是黑到無朋友，出站的時候，發現唔見咗車票，得坐位票，當時太趕時間，又單都無拎﹗之後係一輪雞同鴨講的情況下，職員都比我地走﹗然後阿旺問...呀﹗今日咁黑，會唔會連之前係機場寄去東京酒店的行李都寄失咗呢？﹗哈哈﹗好彩都無﹗安全到達﹗
大家 LIKE咗我哋的 Facebook Page 未呀？﹗未就快啲 like 啦﹗
沒有留言:
張貼留言