2017年 7月 16日 (星期日)
第三日行程，原本以為簡簡單單，上午去明治神宮，下午去原宿，晚上去東京鐵塔。結果原來都幾趕喎﹗阿旺玩 ONE PIECE 唔太夠時間，最後趕到上東京鐵塔睇夜景，不過就行唔到東京鐵塔入面間 ONE PIECE SHOP﹗阿旺叫我下次 plan 行程時唔好太緊迫，但其實我都是放咗 3個景點啫﹗咁下次一日最多 2個景點囉﹗
今次去東京，都算好好彩，大部份時間都好好天，好似今日就好熱又好曬﹗
影相位﹗
小丸子個樣整日都蠱蠱惑惑﹗又唔知有咩鬼主意﹗
行咗好耐終於行到啦﹗
原來翻新中﹗
我成日都懷疑棵樹係假的﹗
其實今次點解去明治神宮呢？﹗因為我之前比本旅遊書叫大頭妹小丸子自己揀下想去邊，最後小丸子竟然話要『掛牌』(繪馬)，咁我見前年帶佢地嚟個時，都無去到，今次就帶佢地嚟啦﹗
我既願望當然是一家人開開心心啦﹗
去玩求籤﹗小丸子的求籤運麻麻地，係明治神宮同淺草求既...都麻麻地﹗
大頭妹就真是連抽獎運都似我﹗
見到有人結婚，大頭妹小丸子都好好奇﹗
走啦﹗點知我地行錯方向，行返去新宿，之後要行多成 10分鐘，來回就係 20分鐘啦﹗先去返原宿個邊，即是其實我地一開始可以係酒店行過去...可能都係 20分鐘多少少﹗
係都要行石地的小朋友，然後又不停話有石仔入咗鞋喎﹗
行返出原宿之後，我地去返我同阿旺 2007年時食過的拉麵店﹗﹗﹗哈哈哈﹗我地真念舊﹗其實我想食龍蝦包架﹗不過因為之前行錯路，用多咗時間，所以已經好肚餓，但其實最後我地都排咗成半個小時隊﹗
食完拉麵，再食甜品，去排最近大熱的『西瓜雪糕』﹗都排了半小時以上，仲要買完先可以等位，店員建議啦，當然都有好多大陸同胞同香港人係霸咗位先，我地乖乖聽指示，買完再等枱，其實都食得幾狼狽﹗
西瓜雪糕 1000 yen，其實都要 $70﹗
有時真是不得不佩服日本人的創意﹗
另外仲有『綿花糖雪糕』﹗
店員是即燒，所以排隊等候的時候都真是幾長﹗
仲有粟米雪糕，又是 1000yen，我地都覺得西瓜雪糕好味啲﹗
小丸子不停加鹽，最後到我食時，是有少少太咸，不過無辦法，我當時等梗綿花糖雪糕﹗其實係店員唔記得咗，我見前面的客人，佢會『盡量』做到點唔同的都一齊上，畢竟都是雪糕，又要有食物係手先可以等位，所以其實我係唔建議大家去...2個大人去都還可以，邊走邊食都可以，帶住小朋友就真是諗清楚﹗
好好味呀﹗
之後再去食龍蝦包，依然要排隊﹗不過我地已經太飽了，只是叫咗個細，之後就後悔啦﹗真是好好味﹗
四個人分一個細龍蝦包...我地真是『五餅二魚』的朋友﹗
食飽飽再行原宿，超級多人﹗今期大熱的『燈泡特飲』﹗小丸子之後係淺草都買咗嚟飲﹗原宿呢間實在太多人排，佢真是會發光架﹗
太多人我地無排啦﹗排咗雪糕，又排咗龍蝦包...真是排到無晒力啦﹗
行行下經過一間貓頭鷹 + 貓 CAFE，大頭小丸都話想入去，我地又行到好鬼熱，當入去涼下冷氣啦﹗
貓頭鷹的羽毛原來好柔軟﹗我都係第一次摸﹗
呢隻好大隻，連眼都大啲﹗
呢隻叫 pink，係全場最細﹗
pink﹗
呢隻肥肥的叫 cute﹗
貓頭鷹的羽毛真是好靚﹗
仲有精品賣﹗
小丸子玩得好開心囉﹗我就鬼咁驚，驚佢粗魯整親啲貓，爸爸就只好人盯人睇實佢﹗
大頭妹就好斯文，輕輕力摸下貓仔﹗
估唔到無啦啦入貓頭鷹 + 貓 cafe 都玩咗個半鐘，所以之後去東京鐵塔味好趕囉﹗又比阿旺話我排行程太密，其實我真是有預鬆時間架啦﹗﹗﹗
大家 LIKE咗我哋的 Facebook Page 未呀？﹗未就快啲 like 啦﹗
沒有留言:
張貼留言