傻夫婦一家四口生活日誌: 4月 2018

2018年4月21日星期六

靚媽日記@MARCH 2018

其實我呢個靚媽日記，都幾誤導？﹗第一個阿媽唔靚 (笑)，第二根本就是年記，每次都 KEEP 唔到，通常一年都是寫得幾次﹗轉咗工希望可以 KEEP到，不過仲未搵到一個好好的位置去影相，未掌握到個距離，影唔影埋個頭呀，個職員証又阻住晒﹗

TOP & PANTS: ROPE PICNIC

TOP: LAISSE PASSE/ PANTS: ROPE PICNIC

TOP: LAISEE PASSE/ PANTS: UNIQLO

Jacket: Reiss/ Suit: Laisse Passe

Friday Casual，TOP: Rope Picnic/ Jeans: Uniqlo

2018年4月20日星期五

2018年 3月 25日 (星期日)

又時光倒流到復活節前，今日阿旺要出TRIP，工人姐姐前一日亦都返咗菲律賓放假，得我自己一個一湊二。中午唔想煮，又想同兩個女去行下街，落咗 AEON 玩一陣，再食 LUNCH，點知今日大頭妹竟然話唔食烏東，想食其他野，問佢食拉麵好唔好，話咗好...去到門口又話唔好，行來行去間間都話唔好，終於去到大戶屋，佢話好啦...但條人龍長到...唔想再行，結果等咗成個鐘枱，我又順便教下大頭妹，有時食野要睇情況，做人唔好太麻煩...其實去到間間門口，小丸子都話OK...結果小丸子好無奈﹗

有時寫下 BLOG真係好，等我記得 2個女的優點，大頭妹個人係煩，但佢做事小心，對自己有要求，所以讀書又唔洗我太粗心，小丸子個人比較隨和無所謂，所以做功課都是是但但，其實佢對任何事都無咩要求 (係貪靚同貪吃)﹗

平時好少去大戶屋，因為長期都等位，入到去都要等一陣先落到單，之後等食物上枱又要等一陣，所以等位相對比較耐，如果去上海鋪，呢頭點完，呢頭就上枱，一食完就收走你隻碟﹗

喉嚨唔係太舒服，所以今日食魚，都幾好味既﹗但我覺得同對面差不多，對面個間就平好多。

大戶屋的兒童餐好吸引﹗大頭妹自己一個食得晒，咁等耐啲枱都抵，最緊要個女鍾意食﹗

點咗個炸薯仔烏東餐比小丸子，點知薯仔有黑椒，小丸子唔食﹗

2018年4月16日星期一

澳門2017暑假親子之旅【鮮-海鮮火煱自助餐】@20170822

2017年 8月 22日

今日晚餐去咗酒店商場入面的【鮮】海鮮火煱自助餐﹗食材用料十分新鮮，除咗打邊爐的食物，其實仲有好多熱食﹑甜品﹑生果選擇。岩晒帶住小朋友的我地，可以安排少少食物比小朋友先，然後再慢慢出去揀野食﹗

超多唔同的湯底﹗一人一鍋，可以試好多款﹗

醬汁都有好多款﹗

熱食類﹗

火鍋配料﹗

海鮮類都好多款﹗

有齊豬﹑牛﹑羊，任君選擇﹗

梅子冰﹗

蜆好新鮮，我地自制卜卜蜆煲﹗

偷野食...

食到好飽，不過幾時都有另一個肚食甜品﹗

鮮-海鮮火煱自助餐: http://www.xinmacao.com/zh

2018年4月13日星期五

澳門2017暑假親子之旅 DAY 1午餐【班妮意大利餐廳】

呵呵呵﹗又是清草稿夾時間，好多旅行 BLOG，好多時一次過 UPLOAD 完相之後，出完個主角酒店/ 行程 BLOG，其他飲飲食食，好多時都無寫﹗我依家都仲有好幾個短 TRIP未寫，連相都未 UPLOAD，我都好驚...爛尾...呀...爛尾都稱唔上，直頭都未開頭﹗真是要努力加油﹗

講返我地上年暑假的澳門 TRIP﹗PR幫我地安排咗 2間非常好的餐廳，PR安排得既一定唔會差，所以都真是要出返個 BLOG介紹下既﹗其中一間就是【班妮意大利餐廳】﹗中午有 SEMI BUFFET + DESSERT 的SET，另外再可以加主菜/ 湯﹗SEMI BUFFET 都好多食物揀，甜品就更加花多眼亂，而且水準非常高﹗

一坐低就有麵包﹗大頭妹同小丸子話個麵包條好好味﹗