傻夫婦一家四口生活日誌: 澳門

顯示具有澳門標籤的文章。顯示所有文章

2019年1月15日星期二

2018澳門聖誕親子3日遊【贏到粥】

2018年 12月 24日 (星期一)

今次去澳門一早就訂了餐廳，去返上次同國皇之家一齊去的「贏到粥」！上次食過之後，真是一試難忘。我早2星期在Facebook 訂位，回覆好快，仲可以訂定食物，都好方便！訂了 7:00，去到未坐滿，但全部都是訂座，WALK IN 好似話要 9:00 先有位，所以真是要記得訂位。

今次我地大人多，上次4大4小，今次6大2小，可以試埋個粥底火鍋，結果大家一致認為個粥底火鍋仲好味過卜卜蜆，連大頭妹都食到Lam Lam 脷😋，非常難得🤣。

冬瓜粥底淨係賣相都夠晒吸引﹗絕對推介﹗

點了半隻雞。

依家明白點解有生魚片，配粥底火鍋真是好好味。

仲有牛肉片，配粥底真是好正﹗

卜卜蜆，今次本來是為卜卜蜆而來﹗

美國肥牛是我覺得無咁抵既，不過打邊爐點可以無肥牛呀﹗

蠔...我無食。

勝瓜配卜卜蜆又係超好味，吸晒啲蜆湯之餘，勝瓜又令個蜆湯更加甜。

皇帝菜

要預訂的 WASABI 芝麻手撕。

之前係科學館玩得太攰了，去到餐廳訓晒﹗

贏到粥: 下環河邊新街278號豐順新邨第3座地下M,K號舖

2018年12月29日星期六

2018年 12月 24日 (星期一)

今個聖誕節好開心，我地一家4口，加埋大頭婆婆﹑姨姨﹑姨丈﹑嫲嫲一行8人去澳門來個 3日2夜旅行。因為之前轉工，唔知請唔請到假，去到 11月先 BOOK 酒店，氹仔個邊啲酒店好多都加晒價﹗之前9月睇威尼斯人都是 $1500/晚，11月時加到 $2300/晚。最後比我搵到【澳門金麗華酒店】，係澳門半島個邊，聖誕節個幾日都是 $13XX/晚，其實加多少少仲包自助早餐，點知比我諗多幾日，包早餐的忽然加咗二百幾蚊，所以最後無揀包早餐。

我覺得呢間酒店的性價比都唔錯，房間大﹑有個小 PLAYHOUSE，仲有個戶外小公園，戶外泳池是恆溫的，而且 18歲以下都係免費入住，仲免費加床，其實如果揀包早餐，仲包埋小朋友早餐，所以都算幾 KIDS FRIENDLY。酒店都有 FREE SHUTTLE，不過班次就疏啲，半小時一班，但旁邊就是澳門金沙酒店，所以都可以坐金沙的 FREE SHUTTLE，金沙仲有 FREE SHUTTLE 去埋巴黎人/ 威尼斯人。

不過CHECK IN時有少少問題，我 REQUEST 咗 KING BED，前枱話無 RECORD，我SHOW 埋個 EMAIL 比佢睇，佢竟然話可能係我同佢同事 MISCOMMUNICATION，誤會了 TWIN BED 同 DOUBLE BED，我話你同事 EMAIL 大大隻字寫 KING BED 喎...最終佢都比到 KING BED 我，點知入到房又好大陣煙味，而我明明 REQUEST 咗 NON SMOKING...問返我個層的確是 NON SMOKING，可能係上手静雞雞食煙，叫咗職員上房噴空清，之後就好好多。

房間都算幾大，加埋床都仲有好多位可以走動。

CONNECTED ROOM

浴室都空間十足﹗

清潔度都好滿意﹗

酒店有個小 PLAYHOUSE，房客每日可以免費玩 2小時，之後好似是 $80/小時。

我幾欣賞佢個戶外 AREA，仲有單車踩，有少少似我地上年暑假去日本個 PLAYVILLE。

我地住3日去咗 2 日都唔多人，有啲時間好似我地包場咁﹗

唔洗就鏡頭...就係無人...

澳門金麗華酒店: https://www.grandlapa.com/zh-tw/

2018年4月13日星期五

澳門2017暑假親子之旅 DAY 1午餐【班妮意大利餐廳】

呵呵呵﹗又是清草稿夾時間，好多旅行 BLOG，好多時一次過 UPLOAD 完相之後，出完個主角酒店/ 行程 BLOG，其他飲飲食食，好多時都無寫﹗我依家都仲有好幾個短 TRIP未寫，連相都未 UPLOAD，我都好驚...爛尾...呀...爛尾都稱唔上，直頭都未開頭﹗真是要努力加油﹗

講返我地上年暑假的澳門 TRIP﹗PR幫我地安排咗 2間非常好的餐廳，PR安排得既一定唔會差，所以都真是要出返個 BLOG介紹下既﹗其中一間就是【班妮意大利餐廳】﹗中午有 SEMI BUFFET + DESSERT 的SET，另外再可以加主菜/ 湯﹗SEMI BUFFET 都好多食物揀，甜品就更加花多眼亂，而且水準非常高﹗

一坐低就有麵包﹗大頭妹同小丸子話個麵包條好好味﹗