傻夫婦一家四口生活日誌: 1月 2019

2019年1月26日星期六

傻夫婦暑假京都大阪親子遊 DAY 2 【夢館和服外拍方案】

今次去京都，諗咗好耐著唔著和服好，事關上年去東京已經著過一次，2個女著咗1個鐘到就叫辛苦，尤其小丸子，一開始又揀對木屐，轉個頭又要大頭妹同佢交換鞋﹗

最後因為京都其實都唔係太多岩小朋友的景點，都是睇風景多，所以我決定一不做二不休﹗著和服仲BOOK埋攝影師影相﹗果然我呢個選擇是無錯，原來日本BOOK 攝影師一點都唔貴，我今次JOIN 了【夢館】的【祇園 Mini 外拍方案】(之前好似夏天先有)，寫BLOG時上網再睇，做到10月尾，其實仲有好多其他 PACKAGE是全年都有，不過呢個MINI 方案，我覺得比較適合小朋友，1個小時的拍攝時間，小朋友無咁辛苦﹗

祇園 Mini 外拍方案

【基本費用】16000円~

【外拍時間】約1小時

【來店時間】9點

【車程費用】車程約10分鐘，計程車費用約1000円

https://www.tw-kyoto.yumeyakata.com/photographer

攝影PACKAGE 是未包和服﹑SET 頭的，和服另外租，大約是 3500 YEN/ 位，SET 頭是 1500 YEN/位，髮飾都仲要另外再買，如果自己有都可以自己帶去，所以加加埋埋大約是 HK$3000 到，已經包咗 100張相，我覺得比起香港影樓影家庭相更抵，反正我平時都是大約一年影一次﹗

9:00 準時去到夢館﹗

小朋友和服比預期的選擇少，都是粉紅﹑紅﹑藍各一到，不過就算是齊碼﹗始終京都就唔似東京的流水作業式。

大人就有好多款揀啦﹗

不是換衫的地方，只是換衫前去個洗手間﹗

呢邊係新館，有室內攝影服務提供，我地JOIN祇園 Mini 外拍方案，攝影師都有係度同我地影幾張﹗

SET 頭大小同價1500YEN，貪靚的小丸子9秒9就揀到自己想要的髮型﹗

大頭妹就三心兩意，最終2個都係揀同一款髮型。

換好衫 SET好頭，就出發啦﹗夢館一早就預備好 7人的士，連埋司機一齊出發啦﹗

呵呵呵﹗其實天氣太熱，大家都無咩心機﹗

之前係 facebook 都 post 過啲相，今次 post 返幾幅比大家參考下﹗

2019年1月17日星期四

中秋節@新光酒樓

2018年 9月 23日 (星期日)

每年中秋節都會去找姑媽食飯做節，因為姑媽係中秋節前生日的，做節順便慶祝生日﹗每次都是去鑽石山的新光酒樓，一來近，二來價錢和食物質素都不錯，三來...我個人就是悶...哈哈哈...可能這才是主要原因﹗

燒味拼盤

生炒骨

二伯伯喜歡吃魚，所以每次人會點魚。

大頭小丸點的芝士龍蝦伊麵﹗

沒有買蛋糕，點了壽包，反正老人家都喜歡壽包多一點﹗

2019年1月16日星期三

大頭小丸家長日@20190105

2018年1月5日（星期六）

今年大頭小丸一齊讀小學，說真的，今年自己跟得不太足，10月中轉工，9月時舊公司要做交接，10月去到新公司又啲時間要適應，而且新工都幾忙，放工返到屋企，有時都想休息下，所以懶咗。

好彩今年大頭妹都算自己照顧到自己，起碼可以自己做功課，默書都唔洗我太粗心。小丸子就是我粗心不來，成日自己橫衝直撞，教又唔聽，鬧都唔做，搞到我都有點半放棄狀態。本來以為小丸子幼稚園已經開始有補中文、英文，應該唔洗我太粗心，結果是我想像得太美好了。

今日首先見小丸子班主任，老師見我第一句已經話完全唔擔心小丸子社交，當然唔係讚啦﹗話佢上堂唔係同同學傾計就係玩文具，專心同唔專心時，表現相差好遠（阿媽當然知佢唔專心的時間遠比專心長），老師話覺得佢可以做好啲，當然啦⋯⋯以這個成績，明顯有非常多的進步空間😅。看來媽媽下學期都要跟足啲啦！

之後見大頭妹班主任，大頭妹行為上都唔會有咩問題，呢點媽咪我好放心。成績上，今次數學失手，差少少唔合格，班主任又是數學老師，所以老師都花咗少少時間同我傾，因為平時大頭妹堂測成績都不錯，但我自己明白，大頭妹做野就是慢，所以佢快唔到，數學永遠係一個難題，因為唔係唔明白唔識做，係做唔晒份卷。

見完家長，仲有好多活動可以參加！

我地去咗學包糭！

2019年1月15日星期二

2018澳門聖誕親子3日遊【贏到粥】

2018年 12月 24日 (星期一)

今次去澳門一早就訂了餐廳，去返上次同國皇之家一齊去的「贏到粥」！上次食過之後，真是一試難忘。我早2星期在Facebook 訂位，回覆好快，仲可以訂定食物，都好方便！訂了 7:00，去到未坐滿，但全部都是訂座，WALK IN 好似話要 9:00 先有位，所以真是要記得訂位。

今次我地大人多，上次4大4小，今次6大2小，可以試埋個粥底火鍋，結果大家一致認為個粥底火鍋仲好味過卜卜蜆，連大頭妹都食到Lam Lam 脷😋，非常難得🤣。

冬瓜粥底淨係賣相都夠晒吸引﹗絕對推介﹗

點了半隻雞。

依家明白點解有生魚片，配粥底火鍋真是好好味。

仲有牛肉片，配粥底真是好正﹗

卜卜蜆，今次本來是為卜卜蜆而來﹗

美國肥牛是我覺得無咁抵既，不過打邊爐點可以無肥牛呀﹗

蠔...我無食。

勝瓜配卜卜蜆又係超好味，吸晒啲蜆湯之餘，勝瓜又令個蜆湯更加甜。

皇帝菜

要預訂的 WASABI 芝麻手撕。

之前係科學館玩得太攰了，去到餐廳訓晒﹗

贏到粥: 下環河邊新街278號豐順新邨第3座地下M,K號舖

2019年1月14日星期一

2018聖誕澳門親子3日遊「澳門科學館」

2018年 12月 24日 (星期一)

今次揀去澳門，主要就是大頭小丸想再去澳門科學館，上次同國皇之家一齊去，都好多野玩，仲要入場費超平，大人 $25，小朋友 $15，另外如果小朋友入PLAYHOUSE，就加多 $10/ 節，一節 50分鐘，個PLAYHOUSE 都唔細架，所以真是好抵玩﹗今次我地3大2小入場費都只是 $105，再加 $20入 PLAYHOUSE，總數 $125。

我地今次住的酒店行過去，大約10 - 15分鐘，經過金沙，穿過文化中心，過條天橋就到。

今次去外牆維修中。