大頭小丸@Genius Workshop Lego 班

早前帶大頭妹同小丸子去 GENIUS WORKSHOP 上 LEGO 班的試堂﹗真是好鬼正﹗一上完我已經不停 WHATSAPP 推介比其他同學仔/ 朋友仔﹗到底點正法？﹗大家就要睇我的介紹啦﹗﹗﹗

其實大頭妹都唔係第 1次上 LEGO班，不過上次的 LEGO 班同今次的好唔同，GENIUS WORKSHOP 的 LEGO 班是好 ENGINEERING 的﹗聽負責人講，佢地好多 LEGO 都是專程由外國，例如: 加拿大訂返嚟，香港係無得買的﹗課程會用上不同的齒輪，什至到 ADVANCED LEVEL，太陽能板都有機會用上﹗

 大頭妹上的是 Engineering workshop，學生一人有一部電腦，自己揀自己想砌的 LEGO 模型，佢地有個電腦的 SOFTWARE，會再 STEP BY STEP 咁教點樣砌，導師亦會從旁 GUIDE住﹗佢地要自己出去放 LEGO 的地方，搵返要用的 LEGO，再跟住砌，搵唔到/ 搵唔岩的時候，導師會比提示﹗

我真是完全無諗過大頭妹係導師的指導下砌出咁複雜的風車﹗有圖有真相，大家自己睇片，因為個 LEGO 完成品是識郁的，睇片會真實啲﹗

大頭妹上堂好專心，我係出面不停影佢，佢都無理我﹗

講完大頭妹，又講下小丸子，佢上的是 mechanic workshop (是 3-4.5歲班)，一般是 1導師對 4學生 (不會多過 6個)，我地試堂當日是 2個學生﹗導師是 STEPHEN，睇得出佢好有耐性同經驗，老實講...真是唔係人人都搞得掂小丸子﹗我見 STEPHEN 係教的過程，不斷有鼓勵小丸子，又要小丸子坐好，我真是好 "感動"﹗

睇下小丸子最初上堂時坐成點？﹗成個 "大爺" 咁﹗真是想走入去打佢個 PAT PAT﹗


再睇下上咗大約一半，小丸子已經知道要攞 LEGO，就要坐好，手放大腿﹗上興趣班可以兼顧埋 DISCIPLINE 真是好難得﹗上堂的頭半堂，我不斷係外面聽到導師 STEPHEN 話 "SIT PROPERLY﹗"，"WHERE IS YOUR HAND？"

當小丸子做得好時，又會比鼓勵﹗


上到尾段，真是坐得好好﹗做任何事都講動機，小丸子想玩，導師又要佢坐好先有得玩，終於都可以坐好了﹗我以前一直以為佢 PAT PAT係唔係有問題，唔可以坐底﹗


一落堂已經急不及待，SHOW比我地睇佢個完成品﹗唔好睇小 BB班，連小丸子個 LEGO模型都有用上 "齒輪" 架﹗


唔係係出面佢住佢一塊一塊砌，我都真是唔信小丸子會做到﹗﹗我見導師通常只是會比提示，做唔岩就會示範多一次，叫佢地再做過﹗

我同小丸子影相時，同學仔又話一齊影﹗

見到佢地 2個落堂個樣咁開心﹗媽咪都即刻想報佢地正式報名﹗

The Genius Workshop:  http://www.g-workshop.com/

辦公時間：星期一至六 上午9:00 至下午6:00

地址: 黃泥涌道151-153號 南珍閣 1樓B室
電話: (852) 2591 0100
傳真: (852) 2591 4100
電郵: info@g-workshop.com

 

大頭妹興趣班 - 葉氏 Upper 2

 好少係 blog 講大頭妹上葉氏的進度，今次終於有啲野寫下啦﹗早前帶大頭妹睇葉氏的音樂劇表演，去到 upper level 開始，就要開始睇音樂劇啦﹗計入考試分...不過...其實張證書，我又唔覺得會有咩用...我意思是考學校方面啦﹗hahahah...可能如果期期 100分都有用，我地呢啲 8x分的...就算啦﹗

其實上咁多個興趣班，比人問我最多的是葉氏﹗好多家長的評價是貴同唔實用﹗我自己是用家又有另一個睇法。之前都有講過，佢地分高/ 低各 4班，由 2.5 - 3 歲開始上，大約上到 5歲多就完，之後就可以上合唱團/ 小提琴/ 鋼琴班，佢地的音樂班唔係單單唱歌，仲會教簡單樂理﹑拍子﹑音符，到之後學樂器，應該會有幫助，起碼唔洗學樂器的時候先開始學睇譜。而且佢地上堂的功課都有簡單的評分，我覺得都可以比返個 reference 個家長，到底小朋友上堂學識幾多﹗e.g. 佢有分: 小朋友自己完成/ 經老師指導後完成/ 未能完成 (大約係咁...我唔係好記得)，咁睇返都有得跟下...係...我認我好恐怖，連音樂班我都有幫大頭妹 "溫習"﹗因為都預大頭妹之後要學琴，咁依家就要打定個底﹗

HAHAH...仲有...成日聽講學音樂對數學有幫助，我就唔知真定假啦﹗不過我見最近大頭妹學校開始教加減數，出奇地...竟然唔洗我勞氣...我真是即時覺得謝天謝地...教佢寫中文...真是教到我嘔血，之前都好驚教佢數學，一早打算比佢去學公文數，唔洗自己教 (自己都唔識教)，雖然依家仍然會比佢去上公文數，起碼平時做功課唔洗勞氣先啦﹗已經好開心架啦﹗不過就唔知同佢學音樂有冇關係啦﹗

今次的音樂劇是 Beauty and the Beast﹗

 

 我地睇英文的，大頭妹一邊睇一邊問...仲要好大聲問...答佢又唔係，唔答佢又唔係...不過都幾好﹗起碼比我知道其實佢都有興趣嘅﹗

謝幕時 Beast 又變返野獸 look，大頭妹不停問我佢點解要做野獸唔做人...err...野獸個外形突出啲呱﹗

其實都幾好睇﹗睇完答返問題，咁學期尾考試就會加 10分﹗咁大頭妹就由 8X分，升到去 9X分啦﹗自從學五線譜之後，佢都是 AROUND 8X分，成日由第一條線開始數 C﹗

大家 LIKE咗我地的 FACEBOOK PAGE未呀？未就快啲 LIKE啦﹗

大頭妹@葉氏 lower 1 - 4

 

好少係 blog 講大頭妹上葉氏的進度，因為自己都無咩音樂知識，都唔知佢上咗咩，所以都無咩野好講？﹗

大頭妹 2歲半開始就返返葉氏的音樂班﹗葉氏的兒童音樂班分 8個 level，低班 4個，高班 4個，3歲開始上，5歲就完成 (2歲半上的是 pre class)。 Lower 1時，是上一個小時的班，之後因為貪方便，lower 2 - 4比佢上 2小時的班，可以學埋畫畫，但見都係做勞作多，所以下學期 upper 1，會揀返 1個鐘的班﹗

我其實都幾鍾意佢上葉氏，見佢返嚟真係識 do re mi fa so la ti do，又識 midde c, d, e, f...，又識打拍子 1 - 4拍，仲識得啲作曲家，教得真係唔錯﹗

不過自從上咗 Lower 4之後月，大頭妹就開始唔鍾意上﹗其實我自己都大約估到咩事，因為上咗 lower 4之後，有個哥哥老師，之後大頭妹先開始唔鍾意上，我估係教法上有唔同咗﹗以前 Esther 姐姐教，大頭妹好鍾意﹗我同大頭妹傾，果然係...佢話哥哥問問題太快，佢好驚唔識答﹗之後我開始同佢溫習，無錯...興趣班都要溫習﹗我發現其實佢係識嘅，不過大頭妹就好得意...例如問題係 do re do...佢就會好堅持係 do re me 先岩﹗佢就會答 do re me﹗

另外，佢每個 level都要考試，合格先可以升班，我估都好少會唔合格嘅，唔通真係唔比你升班咩？﹗可能大頭妹仲細 (幼稚園都未有考試)，教啲野又越來越難，所以佢都有壓力﹗呢點對我嚟講就好大考慮，比大頭妹上興趣班，我都係想佢開開心心為主，如果上得唔開心唔想返，就真係要諗下繼唔繼續，還掂大頭妹成日都話想學畫畫，轉學畫畫都 ok。

今次好在阿旺唔想咁易放棄，之後阿旺同老師傾過，老師話其實大頭妹上堂都 ok，都跟到進度，不過個人就好無信心，好驚會錯。我同阿旺都覺得老師講得岩，所以都係決定觀察多一個學期先﹗同老師傾完，又同大頭妹傾完，最近大頭妹上堂前終於無扭計啦﹗又變返開開心心上學去，有時 weekday下午/ 星期日，佢仲會問下我可唔可以返葉氏﹗最重要是...上到 Upper 1，又有 Esther 姐姐啦﹗

Upper 1開始改到星期二上，6:00放，有時我公司如果可以早走，我會去接佢放學，再行下街/ 去公園﹗

今期太古城中心有 PLANES 2

又帶佢去睇下影下相﹗

果然好開心﹗

大家 LIKE 咗我地的 FACEBOOK PAGE未呀？﹗未就快啲 LIKE啦﹗