傻夫婦一家四口生活日誌: 北京樓

顯示具有 北京樓 標籤的文章。顯示所有文章

2018年1月17日星期三

媽咪生日飯【北京樓】@20180110

2018年 1月 10日 (星期三)

今日係媽咪舊曆生日，一家人開心食飯切蛋糕，大頭妹成日話想食北京樓，所以今次就揀咗北京樓，但大頭妹之所以想食北京樓，並唔係想食北京填鴨喎，佢只是想食北京填鴨個塊白色皮﹗呵呵呵﹗小朋友的口味真係難明﹗

燻魚

清炒豆苗

蔥爆羊肉

沙鍋雲吞雞

上海粗炒

炒鱔糊

北京填鴨

拔絲香蕉

兩個傻人就係想食呢塊白色皮...

大家 like 咗我地 facebook page 未呀？未就快啲 like啦﹗

2017年7月3日星期一

父親節「北京樓」@20170617

2017年 6月 17日 (星期六)

今年的父親節剛剛在大頭妹大考前夕，不過飯都要繼續食既，唔通考試唔洗食飯咩！今次又去返北京樓，其實我地一家好悶，唔係北京樓就是潮庭。又次次去同一間酒樓，都點返一樣的餸﹗今次點了: 醉雞﹑上海粗炒﹑銀絲卷﹑沙鍋雲吞雞﹑北京填鴨﹑京蔥羊肉﹗

醉雞，水準都不錯！

上海粗炒，差點以為自己點了上海「素」粗炒！找來找去都找不到肉絲！不過反正是點比大頭小丸，佢地都唔食肉，無所謂啦！

沙鍋雲吞雞

北京填鴨，去北京樓就當然是要食填鴨啦！

今次加錢要加一份皮...但我唔記得提阿旺有大細份之分，結果...係無特別要求大細份的情況下，當然是來了大份啦﹗結果...我地食皮都食飽了﹗哈哈哈﹗確實是慳錢之選﹗

平時我唔食羊，但其實阿旺好鍾意食羊，所以一人齊，我通常都會叫返碟羊比佢食﹗

坐定定但唔食野既小女孩！

坐唔定但會食野既小女孩！如果兩個可以『加埋除二』就好啦﹗哈哈哈﹗

大合照！兩個女都整心心，唔通是「港女」特色？！

2016年9月7日星期三

2016年8月21日（星期日）

同家人一齊慶祝阿旺的生日，我忽然好想食北京填鴨，所以就揀咗北京樓啦﹗以為唔係咩節日唔洗訂枱，原來唔係囉，我最後當日唔放心打落去訂，已經得返 8:30，仲要話 6:30 WALK IN 都唔會有位，因為已經 FULLY BOOK，無留枱比 WALK IN客，除非有客人訂咗無到，但我地成 10個人，都係訂 8:30算啦﹗最來去到見到，原來對面美心 CLOSED咗，唔知係唔係因為咁所以咁多人？﹗

太古城北京樓食物的質素都唔錯，不過服務就一般，以呢個價位，我覺得服務應該要再好少少。今次都是點平時食開的北京填鴨﹑沙鍋雲吞雞﹑小籠包﹑上海粗炒，以前成日會食佢地的套餐，後來發現單點都唔係貴好多，又唔係一定要食套餐包的 "翅"，感覺更加好。

前菜 $20碟，10人就是2碟，都可以選擇唔要，不過北京樓的前菜都幾好味！

醉雞，普普通通，我吃的其中一件，皮和肉中間的脂肪形固咗⋯⋯

小籠包，大頭妹小丸子都有食，大頭妹話好開心試了新的食物。

生煎包

銀絲卷是大頭小丸的最愛！

砂鍋雲吞雞

炒鱔糊，阿旺好鐘意食，佢生日就特別點比佢食啦。

去北京樓就當然要食北京填鴨啦！

上海粗炒

最後有大合照！

北京樓
太古太古城道18號太古城中心二期2樓201號舖
2884 4131
http://www.openrice.com/zh/hongkong/r-%E5%8C%97%E4%BA%AC%E6%A8%93-%E5%A4%AA%E5%8F%A4-%E4%BA%AC%E8%8F%9C-%E5%AE%98%E5%BA%9C%E8%8F%9C-%E9%BB%9E%E5%BF%83-r14076

大家 like 咗我地個 facebook page未呀？﹗未就快啲 like啦﹗