傻夫婦一家四口生活日誌: 親子遊

顯示具有 親子遊 標籤的文章。顯示所有文章

2017年8月18日星期五

傻夫婦東京親子之旅 DAY 2【小田急世紀南悅酒店】

2017年 7月 15日 (星期六)

今日搬返去市區，今次都係住返新宿，因為無論係箱根出返市區/ 來回迪士尼，住新宿都比較方便﹗第一次住【小田急世紀南悅酒店】，地點可以話無得挑剔，係新宿的 JR新南口，對面就是高島屋，行 5分鐘就到新宿的高速車站，可以坐巴士去迪士尼/ 機場，而且可以比 2個小朋友入住的酒店其實唔多，這間可以比 2位 12歲以下的小朋友入住，所以酒店價錢相對比較貴，暑假大約是 $1800/晚，我又揀咗間大少少的房，不過真是少少，少到我入房時覺得佢會唔會係比錯房我﹗

依家仲有天橋過返新宿東口，好多百貨公司 MY LORD/ LUMINE 1/ 2﹑小田急百貨個邊﹗

咁岩樓下仲有間 LINE FRIENDS X ICE MONSTER 的 POP UP CAFE/ STORE﹗

我訂的『風景房』，可以望晒成個東新宿，仲可以望到晴空塔同東京鐡塔﹗
房間大少少的地方就係呢張沙發位，前後都仲有空間，而且仲是 2張，如果普通 2人房就會得返有椅背個邊，同埋基本上是貼晒窗同床。

2個小朋友其實最鍾意住酒店，不過去東京，留係房間的時間其實好少，阿旺叫我下次都唔洗訂貴啲既房，其實可能都高多幾層，我地住 29樓 (2955室)﹗

以新宿酒店來講，洗手間都算大﹗

酒店的 LOBBY 20/F，有一間便利店，又是開 7AM - 11:PM，但我地成日都過咗 11:00 PM 先返到酒店﹗

又是可以基本解決早餐，有三文治﹑飯團﹑杯麵﹑薯片﹑雪糕﹗

小丸子最緊要有奶奶﹗

另外，酒店每一層都有汽水機同冰機﹗

好啦﹗休息一陣就出發去食晚餐啦﹗

小田急世紀南悅酒店: en.southerntower.co.jp

2017年6月7日星期三

傻夫婦親子東京之旅@2017【行程篇】

呵呵呵﹗又係一年一度的暑假旅行的行程篇，其實我真是覺得去旅行，plan 行程係最開心的部分之一﹗

今年的目的地是日本東京，其實都十五十六咗一陣子，想去大阪多啲，因為2個女未去過，又想去沖繩，連我自己都未去過，又有少少想去返九州，上年去 6日，好多地方都未去﹗其實有諗過去新加坡，暑假坐 CX 都是 $1000多，想去馬來西亞 LEGOLAND，不過最後都是敵不過日本的誘惑﹗哈哈﹗如果下年 CX 去新加坡的機票都係咁平，我地就去 LEGOLAND 啦﹗最終都是揀返東京，因為我想 SHOPPING，為咗同前年的行程有大啲分別，今次會去浸溫泉﹗

機票 (http://www.hkexpress.com/zh-hk):
又是一早買機票，又是坐 HK EXPRESS，上年去福岡第一次坐，感覺良好，今年都是揀返 HK EXPRESS，無他平嘛﹗我又想去日本，暑假坐 CX 去日本，實在太貴啦﹗今次我繼續好勇，來回程都坐凌晨機，仲要個日大頭妹係要返學 (暑假前最後一天)，即是放學返屋企換衫食飯就出發去機場，哈哈哈...上機應該一定訓得著﹗不過主要係我對 2個女好有信心，佢地出門都好乖，上車就訓，落車就自己行 (小丸子有時要抱啦﹗不過最近都訓練佢要自己行﹗)，但我老公話佢對我最無信心﹗有冇搞錯？﹗

羽田機場 (http://www.haneda-airport.jp):
今次第一次飛羽田機場，離市區近啲，但就唔清楚機場多唔多野行啦﹗

機場巴士 (http://www.limousinebus.co.jp/ch2/bus_services/haneda/index):

酒店
箱根小湧園酒店 http://www.hakoneho-kowakien.com/en/

其實上 2次去都想去箱根，今次有少少想去富士山個邊，帶大頭妹小丸子睇下富士山，不過最終都是揀交通比較方便少少的箱根。去小涌園就可以順便去埋小湧園溫泉樂園，比 2個女玩下水﹗今次揀咗箱根小湧園酒店，比較出名應該都 ok 呱﹗訂了 SUITE 之中，最細的房，都差不多 $4000/晚，因為溫泉酒店是人頭計，大頭小丸都要逐個收費，所以住溫泉酒店都是 2人世界/ 小朋友仲細時就住多幾次啦﹗

小涌園溫泉樂園，今次 BOOK 酒店時訂埋飛﹗

箱根都可以遠眺富士山﹗

仲未諗點樣行，樣樣都想玩，想坐海賊船﹑吊車，不過全部都要睇天氣﹗

世紀南悅酒店 (http://en.southerntower.co.jp/) :

因為今年大頭妹暑假已經 7歲 (時間過得真是快)，日本大部份酒店都是 7歲以上當成人計，之前找了很多間酒店，最後比我找到【世紀南悅酒店】，佢地12歲以上才當大人計，房間係新宿來講都算大，相對價錢當然都少少貴 (對我來講)，不過我個人細膽，帶住小朋友真是唔想住民宿，又怕影響鄰居，又怕有咩事時，走火警﹑小朋友唔舒服都會好麻煩，貴少少都住返酒店啦﹗

後來都仲搵到幾間新宿的酒店係可以比大少少小朋友一齊入住，例如: 哥斯拉酒店 (8歲以上當大人計)，新宿太子 (都是 12歲)﹗

池袋大都會酒店 (http://www.hotelmetropolitan.jp/):

原先其實訂了【池袋大都會酒店】，有 3人房的酒店唔多，有亦好貴，所以搵來搵去，見池袋大都會酒店網上的評價都唔錯，3人房其實同【世紀南悅酒店】2人房一樣價錢，大頭姨姨上年住過都話地點方便，不過最後都是揀返新宿，因為去迪士尼同箱根都是新宿方便啲。

景點:
東京迪士尼樂園 (http://www.tokyodisneyresort.jp/en/):
東京迪士尼樂園酒店 (http://www.disneyhotels.jp/en/dah/facility/index.html):

今次應該去海洋個邊，前年都已經去咗東京迪士尼樂園 ，所以今年再去就去未去過，加香港都無既 Sea 啦﹗原本想住一晚，因為平時唔會捨得比幾千蚊係香港住，去到外地係唔係都要住酒店，不過最後阿旺揀了箱根﹗

東京鐵塔 (https://onepiecetower.tokyo/?lang=zh-tw):

其實上 2次都無去過東京鐵塔，今次應該會去，反正上次去咗 SKY TREE，而且佢地依家有 ONE PIECE館，我終於搵到一個地方比阿旺去啦﹗

餐廳:
釣船茶屋 (http://www.zauo.com/):
上年去福岡已經想試，不過因為第一次去九州，好多野都想試，牛腸鍋﹑華味鳥﹑屋台，最後不得不放棄釣船茶屋，但今年已經是連續 3年去日本，下年應該要轉場，所以今次唔食，就唔知幾時先會再去啦﹗點知上網睇，明明福岡個間好多好評 (見大少奶都去過話好新鮮)，東京既好似麻麻地，首先見好多人話大煙味，另外都見到有人話食物麻麻？﹗但唔係自己釣再食刺身咩？﹗所以都是 1516中﹗

望落好真是好似唔太吸引﹗

牛かつ: http://www.jfoods.co.jp/menu.html
之前問朋友去東京有咩必食，朋友介紹食吉列牛，平時都是食吉列豬多，又真是未食過吉列牛喎，所以今次應該會去試下﹗加上幅相都真是好吸引﹗

千代田: http://niku-mansei.com/contents/02honten/10tiyoda.html
另一樣今次想試既是鐵板燒，其實次次去日本都會食和牛，好多時都是食『燒肉』，今次想食鐵板燒，好耐之前 2人世界時去神戶食過一次，但今次同 2個女去，唔知佢地食唔食，日本餐廳通常預一人一個餐，所以又是 1516中﹗

TAKAFUKU: http://sukiyaki-takafuku.com/menu/index.html
JOJOEN: http://www.jojoen.co.jp/

暫時只是 PLAN 咗咁多，如果大家仲有啲咩必玩必食推介，記得通知我呀﹗

大家LIKE 咗我地 FACEBOOK PAGE未呀？﹗未就快啲 LIKE 啦﹗

2016年8月12日星期五

傻夫婦九州親子之旅 DAY 5 【晚餐: 博多名產牛雜鍋笑樂/ 宵夜: 屋台初體驗】

2016年7月14日 (星期四)

行程的最後一晚，即是最後一餐晚餐啦﹗最後我地揀咗食【博多名產牛雜鍋笑樂】，本來阿旺話唔食牛腸鍋，不過食完【大東園】的燒牛腸，佢就改變主意﹗我自己就一向鍾意食人地的地道野，只要唔是什麼炸昆蟲，我都會鍾意試下，但食牛腸鍋就要放棄【釣船茶屋】，阿旺話佢其實係驚啲囡唔岩食，咁佢就放心啦，基本上小丸子咩都食，大頭妹有白飯就得，所以去邊度食，其實唔洗考慮佢 2個。

博多名產牛雜鍋笑樂: http://www.shoraku.jp/

牛腸鍋是 1180YEN/ 1人份，我地因為打算之後再去食屋台宵夜，所以只點了 2人份。