傻夫婦一家四口生活日誌: Ocean Park

顯示具有 Ocean Park 標籤的文章。顯示所有文章

2015年10月5日星期一

bossin x 海洋公園哈佬喂 2015

今年我地一家又有得率先試玩【海洋公園哈佬喂 2015】啦﹗點解有得優先試玩？﹗

咁就要多謝 bossini 的靚女公關邀請啦﹗今年 bossini 與海洋公園再度合作，推出 bossini x 海洋公園哈佬喂系列，男﹑女﹑小朋友都有齊，又可以家庭裝出動啦﹗我地一家當然要親身示範，落場去哈囉喂玩返轉啦﹗今次仲約埋國皇同 80後一家一齊玩﹗

今年大人都多咗好多款，記得前年玩的時候，真是個個媽咪都撞衫﹗
我呢件是短袖款﹗岩晒依家10月都仲咁熱的天氣著﹗

今年小朋友的服飾加入好多 "立體" 的原素，特別 cutie﹗而且質料都好舒適﹗

男士都一樣，今年都多咗好多款﹗
好似阿旺呢件就是蝙蝠 pattern，唔一定要 Halloween 先著得﹗

不過講多款就一定是小朋友最多啦﹗

來個全家福先﹗

小情侶出場啦﹗

嘩﹗忽然鏡頭一轉，就去到海洋公園哈佬喂的一眾 "鬼鬼"﹗

大家有冇覺得好出奇，點解唔見小丸子？﹗
佢入場初段，大部份時間都係呢個狀態...hahahah...笑死我啦﹗
入嚟之前仲好叻咁話自己唔會驚...

原來 Halloween期間，會有 "南瓜吊車"，唔係第1年架啦﹗我今年先知﹗

行咗一陣就去海洋冰室醫肚啦﹗連餐廳都好好氣氛﹗

我地今次無食 Halloween套餐呀﹗
不過我有影到相﹗

Halloween 兒童餐﹗

我地點咗: 咖哩牛腩，我食咗少少，都少少辣，我個人唔食得辣﹗不過都幾好味，有薯仔，有車厘茄，牛腩仲好腍添﹗

我個人認為去到海洋冰室必食的瑞士汁牛河﹗
我覺得水準同太平館差不多，如果平時太平館都要 $98，呢度好似 $138定 $148？﹗

感覺好似比食燒味抵食﹗不過今次咸咗少少﹗

雞絲雜菌炒伊麵，同牛河一樣，唔知 $138/ $148﹗好似包一杯可樂/ 熱飲﹗

另外加 $20，可以轉 Halloween 特飲，我無試，呢杯係 Mandy的，佢話...唔好飲...

我覺得今年啲鬼好似 "靚" 咗，無以前咁恐怖﹗

最後當然唔少得小朋友的大合照啦﹗

如果大家都有興趣，都可以去 bossin 的 online shop睇下架﹗
依家買滿 $800，仲送海洋公園入場劵 1張﹗滿 $1500 有 2張﹗

bossini:http://www.bossini.com/en/halloween-collection/

海洋公園: http://halloween.oceanpark.com.hk/html/index.html?lang=tc

智紛全年入場證會員

於哈囉喂全日祭期間，金卡、銀卡^及學生卡會員無須額外購票進場，

更可以折扣價成人港幣$345，小童港幣$173購買哈囉喂優越門票*(每人每日限買1張)。

另外，每位會員在整個哈囉喂全日祭期間，可以優惠價成人港幣$620，

小童港幣$310為朋友購買最多4張哈囉喂優越門票。

大家LIKE咗我地個 FACEBOOK PAGE 未呀？未就快啲 LIKE 啦﹗

2015年5月26日星期二

一拖二挑戰海洋公園

2015年 5月 16日 (星期六)

今日約咗國皇一家去海洋公園，點知咁岩阿旺又要返工，得返我一拖二，不過因為大家時間好難夾，所以都唔等阿旺了﹗多啲小朋友，玩得開心啲嘛﹗大頭妹同小丸子都好鍾意 Mancent，依家仲開始爭男仔，真是 "無眼睇"﹗

大頭妹星期六一早去返 PHONICS，11:00放學，我帶埋小丸子去北角接佢，就坐巴士去海洋公園啦﹗去到海洋公會，國皇一家已經係兒童王國玩梗啦﹗

今次第一站去睇海獅，之後就去睇樹熊啦﹗不過真個隻瞓咗，同工作人員隻毛公仔樹熊玩咗一陣﹗

之後就去食 LUNCH啦﹗我地一家成日都唔食正餐，所以同會食正餐的朋友出街真是好，2個囡起碼有正餐食，如果得我帶佢地 2個，我會去食薯條﹗海洋公園有樣野好過迪士尼，就是餐廳好易搵位，唔知係唔係因為佢近香港仔/ 銅鑼灣，餐廳真係唔多人﹗

一個冬瓜粒湯飯，加一杯細 HAGGEN DAZS， $128，樂園價錢，差不多啦 (我會金卡就有 85折)﹗都幾好味﹗而且份量幾大，我地 3個 SHARE 都食唔晒，大頭妹食咗 1碗仔，小丸子食咗碗半，我就包底，但仲有淨﹗

另外叫咗叉燒包 $38比大頭妹，佢自己食咗 2個，都OK啦...另一個...無人食...

食完再食雪糕﹗小丸子食咗 MANDY姨姨個杯，之後食咗幾啖就比咗我，大頭妹又係...食咗一半...又比咗我，最近 2個囡都係咁，去 MC DONALD係咁，去阿波羅係咁，我就快變肥婆了﹗

之後去睇【天上王者】﹗我地第一次睇咋﹗原來幾好睇，講有個人去森林斬樹，破壞大自然，令到雀仔無地方住，睇到大頭妹眼濕濕，話點解佢要咁做﹗小朋友真係好可愛﹗

原來之後仲有得同鸚鵡影相，小丸子好驚，但仲依起牙笑﹗

好搞笑...之後開始 "縮"，我見發現佢驚﹗問佢影唔影，又話影﹗

大頭妹話有咩好驚呀﹗雀仔之嘛﹗

見家姐影，佢又話影啦﹗

阿囡呀...人地影全家幅...你又行埋去做咩呢？﹗HEHHEHE...一日未入門...都唔可以咁心急架喎﹗

之後去兒童王國玩，玩咗一陣就開始落雨了，最後 3:00幾就走﹗點知的士好多人，排咗一陣都係坐巴士，再轉 720...要 6:30先返到太古...真係身個人散晒﹗

大家 like咗我地個 facebook page未呀？未就快啲 like啦﹗

2015年1月13日星期二

大頭婆婆生日飯@海龍王餐廳

今年大頭婆婆生日，我地一家入咗海洋公園玩﹗因為大頭婆婆生日可以免費入場﹗之前我地睇 "國皇的婚禮" 介紹，玩 HSBC 個 CREDIT CARD PROMOTION，中咗半價買海洋公園飛 (半年前玩，張飛要用啦﹗)，所以就齊齊入場囉﹗

晚餐揀咗去海龍王餐廳，貪佢環境夠特別﹗訂枱的時候，記得要訂 "水族館" 旁的位置，其實只有門口 2張枱係 "貼住" 水族館，其他就都有少少距離，不過旁邊位總好過山頂位嘛﹗食物質素都可以，價錢就一定包括埋個環境架啦﹗一份 8oz的牛扒大約是 $228-258，其實都算合理，我地 4大 2小點了 1個前菜﹑2個主菜﹑1個意粉﹑1個炒飯﹑1個甜品，生日入場有張 8折 coupon可以用，埋單單計大人 $250/位，都算ok﹗heheh...我地買咗年票，下次生日都可以再入去食嘅，有 8折 coupon嘛﹗另外生日仲有張免費飲品，不過我地唔記得用﹗但記住入場費係另計的﹗

今期是 DORAEMON 主題...不過 1月4日就完啦﹗

頭盤: 煙三文魚凱撒沙律 $128

味道都唔錯，我平時唔好凱撒沙律，今日都食咗少少﹗

厚切美國肉眼扒配黑松露菌汁(8oz) $258，heheh...完全食唔到黑松露菌味，唔係依家寫 blog，睇多次個 menu，都真係唔知﹗

扒澳洲牛柳配燒汁 $228，餐牌無寫幾多 oz，問咗 staff話一樣 8oz，大家一致覺得呢塊好食啲﹗仲要平 $30﹗

肉醬意粉 $178，意粉相對仲無咁抵食，不過要比小朋友食嘛﹗小丸子食咗半碟，我食咗一啖，味道係唔錯嘅﹗個汁好香濃，又足料﹗

招牌海龍王炒飯 $208，呢個...又係唔係太抵...um...味道係唔錯嘅﹗佢有龍蝦﹑帶子﹑鮑魚嘅...但切到細細粒炒飯，鬼食到咩﹗相對下好似食扒就抵啲，起碼自己煮的成本都高啲啦﹗

最後仲有焗朱古力梳乎里﹗點的時候話叫上，同要蠟燭，兩樣都唔記得﹗無啦啦都未食完就上枱，仲要無蠟燭...雖然我地同媽咪慶祝生日唔洗咩 surprise...不過佢地的 service...都真是幾 surprise﹗佢地有 offer 拎返入去，再整一個比我地嘅，我地唔想浪費食物，所以話唔洗﹗之後問我支蠟燭插係生果上面好唔好，唔好都唔得啦﹗