傻夫婦一家四口生活日誌

2009年5月1日星期五

HONEYMOON 之旅 DAY 1 - 心齋橋﹑美國村

2009年4月24日星期五

DAY 1: 香港->大阪->心齋橋->美國村->道頓崛

等咗超過一年的 HONEYMOON終於都起行啦﹗我地坐 CX 的早機去大阪，比平時返工仲要早起身 7:30就出發去機場啦﹗

去到機場 CHECK-IN 之後就去 BURGER KING 食早餐

上機啦﹗

預先食早餐的決定是冇錯的...唔知係唔係而家 AIRLINE 要CUT COST...個飛機餐幾難食下...

因為住難波所以坐南海電鐡出市區，特快要成 1390YEN，不過 30分鍾就到，都 OK啦﹗

今次住 CROSS HOTEL OSAKA，係旅行社介紹的，細係比較細啲，又冇變壓器借 (我老公帶錯咗變壓器去﹗)...不過LOCATION真係好唔錯，係正心齋橋口，房的設備都OK，浴室好靚，而且OK新﹗
SEMI DOUBLE 的床...都OK

有免費 INTERNET，床尾都夠位開個 "夾"的

洗手間反而比一般酒店大，日本的馬桶真係冇得頂...

浴室好大...好似冇呢個必要...我寧願間房大少少...

係酒店 SETTLE DOWN 之後就出發啦﹗第一站係夫婦善哉 (配合我 HONEYMOON 之旅嘛)，一入去的時候完全冇人，以為係遊客先去，之後有幾個日本太太 & 一PAIR情侶入去先安心啲

唔知點解去旅行的時候我會特別 CRUMCY，我竟然倒瀉咗人地杯茶，超唔好意思......hehehhe....個紅豆沙真係好甜...一試無防

食完糖水就出發行心齋橋啦...個天仲光的﹗星期五放工時間的心齋橋都好多人...

本來想係 "今井" 食烏東，不過唔想花時間找，去咗另一間旅遊書都有介紹的烏東店...105yen ($8)一碗淨烏東...質素都ok喎...不過我地又加大，又加餸，又加蛋...埋單要650yen，都成 $50。

自助揀餸...不過全部都凍的...食個淨烏東就ok的啦...

今日主要係視察下環境...去sogo個super睇下...好細&唔吸引...成間sogo都冇咩人...賣的係超貴牌子，不行也沒有損失

sogo 12/f 的懷舊街...都幾靚的...

之後去美國村...我個人覺得冇咩睇...如果唔係好多時間可以唔去... big step內有間賣 2手野的都ok...衫褲手袋都有...

行行下見到間賣雪糕熱狗的好似幾得意又試下...又真係幾好食...個包係熱的而且幾軟，個雪糕都好味...

之後就返心齋橋附近的道頓崛食晚餐...第一餐要食好啲...食蟹道樂﹗
p.s. 今日暫時買咗一套衫+裙+belt的 set...我今個 trip買咗好多野下...hhehehe...遲啲 show晒比大家睇﹗

2009年4月15日星期三

原本想復活節去大阪 & 京都 7 日遊...可惜所有7日的自由行 package都 full 晒 (原來旅行社內部係有分3/ 4/ 5/ 7 日的 PACKAGE的...旺季係唔做 7日的 PACKAGE)... 咁...復活節計劃我的4月尾的大阪 & 京都之旅就變成我復活節最佳的娛樂啦﹗
其實都已經訂好酒店的啦...係大阪我會住 CROSS OSAKA ，係旅行社介紹的...之後睇旅遊書...又真係幾方面...係心齋橋口。係白濱呢就揀咗白濱館...白濱的溫泉酒店都幾貴的，一晚都要大約 $2000...仲要 3時 CHECK IN，早上10時就要 CHECK OUT (不過其實包埋晚餐...又唔係話好貴的)...大阪去白濱的車程都要成 3個鐘...我膽粗粗叫咗我老公 BOOK車自己 DRIVE (P.S. 我老公考完車牌之後係冇揸過車的﹗)
酒店資料:
http://www.crosshotel.com/osaka
http://www.shirahamakan.com
我仲PLAN埋到時食咩...當然唔一定可以跟足...暫時PLANNING如下:
第一日: 去到大阪已經4-5點啦...係酒店附近行下，就去食蟹道樂
第二日: 去黑門市場食brunch，晚上行梅田食闘雞次郎
第三日: 去京都午餐食京料理/ 湯豆腐料理，晚上食炭燒料理
第四日: 去神戶午餐食神戶牛，晚餐食神戶的西餐
第五日: 去奈良食炸豬扒，之後返大阪食自由軒
第六日: 去白濱，中午去 tore tore 市場食魚生，晚上係 hotel 食
第七日: 係 hotel食早餐，去發去機場
餐廳資料:
蟹道樂: http://www.douraku.co.jp/
黑門市場: http://www.kuromon.com/n_tenpo.php
闘雞次郎: http://www.shamo.co.jp/
京都 (午): http://webkyoto.com/okutan / http://gourmet.yahoo.co.jp/0005168588 / http://kokoraya.moss-co-ltd.com/lunch.html
京都茜屋純心軒 (晚): http://www.ushinohone.com/akaneya/index.html
神戶 STEAKLAND: http://r.gnavi.co.jp/k205300

去京都的一日會著和服...已經 book好咗啦...hehehhehehe....
和服店資料: http://www.sensho-kitamura.jp/index.html

2009年3月19日星期四

敗家

我一向都覺得自己是一個精明的消費者
不過今次都有一點覺得自己敗咗家...oh...
話說我一拿到假之後就非常高興咁打去 EGL 的 CALL CENTRE 報名
之前都有睇過幾間酒店的 WEBSITE 其實都有心水
唔知點解到我報名的時候...
竟然訂了我預算以內最高價錢的酒店 (當然不是我的首選)
我的首選係梅田新阪急 &白濱海岸
但我而家訂了心斎橋的 CROSS HOTEL & 白濱館
如果我訂我的首選會是大約 $11078 兩個人 ($5539/ 人)
而家我要 $12428 兩個人 ($6214/ 人)
足足差 $1350...咁如果訂最平的就相差 $2868
嘩...差唔多成 $3000...夠兩個人去一個 short trip
其實我覺得好矛盾的...去旅行留係酒店的時間又唔會長 (RELAX TRIP 除外)
訂 $500 的房同訂 $1000的房分別不太
但另一方便又覺得...一年先去一次...要對自己好啲...起碼是能力範圍以內的好啲
不過我而家個心不斷咁怪責自己...哭...我都係想住得開心啲...應該冇錯嘛

2009年3月18日星期三

京阪神 2009

好開心好開心...我的大假終於批咗啦
可能好多人都會奇怪
大假批咗會有幾開心
大家有所不知啦
因為我的公司得我一個員工
我唔返工公司就冇人開門﹑看門口
所以我攞大假真係唔易架
今次的行程已經計畫咗好耐好耐
暫定如下:
day 1: 香港 - 大阪 - 心斎橋 cross hotel - 梅田
day 2: 黑門市場 - 難波 - 心斎橋/ 美國村
day 3: 京都 - 祗園﹑清水寺 (和服體驗)﹑河原町
day 4: 宇治 - 奈良 - 梅田/ 心斎橋
day 5: 大阪城 - 神戶
day 6: 和歌山 - 白濱 (自駕)
day 7: 白濱 - rinku town - 機場 - 香港
大家有冇咩意見呢？