傻夫婦一家四口生活日誌

2010年3月24日星期三

給想置業的年輕人的信

學生破產三年600宗創新高
星島日報報道)不少大專學生甫畢業便負債纍纍，部分學生更因無力償還貸款而申請破產... (全文: http://hk.news.yahoo.com/article/100322/3/h52o.html)

今日看了這個報道有感而發，其實先幾日跟阿旺都討論過年輕人買樓同儲蓄的問題，現在的人常常埋怨樓價高，買不起樓﹗老實講，除非父母出首期﹑又或者你中了昨晚開的 $6800萬六合彩﹗否則要買樓一定要儲首期﹗多得9成按揭，買一層200萬留下的樓，首期都只是 $20萬以內，連雜費都不過大概 $25萬﹗不過以現在年青人對儲蓄與消費的觀念，他們買不起樓似乎是合情合理﹗

現在的樓價是高，今時今日我同阿旺有錢換樓都是因為當日在樓價底的時候入了市，現在樓換樓看似輕鬆，外人看來什至可能覺得是我們幸運。不過想當年我們買樓的時候，何嘗不是死慳死抵﹗當年月薪不過大概一萬多﹗買樓的十幾萬首期完完全全是我倆的儲蓄﹗我倆慳的程度，令我到而家對貧窮都有一份恐懼感﹗如果你很早期已有看我的blog，大概記得一篇 "不脫色唇膏的故事"，我真是可以一同人講第一句就開始喊﹗我兩個妹都大力推介 "歲月神偷"，不過都叫我生完寶寶先好去看﹗

試想想唱一次KARAOKE要多少錢？出街食一餐好少少的晚餐要多少錢？買一盒CHANEL眼影要多少錢？買一個 LV/ GUCCI都多少錢？當你拿著 IPHONE，挽著LV的時候，不要跟人說樓價太高買不起樓，買不起樓只是你買樓的決心不夠﹗

2010年3月23日星期二

黑黑的雞翼

上星期日一早到TASTE陪奶奶買餸，因為奶奶最近接了一份陪月的工作，佢老闆忽然想食西餐，奶奶對西餐又沒有概念，所以我就去幫一幫佢 ﹗heheh...我奶奶之所以會去做陪月員，其實是因為知道我有寶寶之後去上陪月班，所以我都要負小小責任﹗我揀了一塊 $100的美國西冷，一塊 $20的澳洲有機豬扒，一包$38.9的荷蘭車厘茄，一棵$19.9的澳洲西蘭花...我奶奶不斷問我係唔係一定要買咁貴﹗阿旺不斷同佢講...我地都係食呢啲架，何況你老闆是住半山的有錢人 (其實我地OF COURSE 唔係日日食呢啲啦，大時大節先有得食架咋)﹗之後奶奶放工打返比我話好成功，下次請我飲茶﹗
因為太早起床，所以到夜晚我洗完菜坐在沙發睡著了，濛濛瀧瀧好像叫阿旺自己煎雞翼。到清醒的時候，阿旺已經正在煎雞翼，好香魚露的味道﹗不過... 外表黑黑的...阿旺話這樣才夠香口﹗

魚露雞翼，黑蚊蚊嘅？﹗非洲來的嗎？﹗

炒菜心苗，咸咗少少，都ok嘅。

枸杞咸蛋瘦肉湯，因為我瞓咗，沒有人提阿旺，阿旺就忘記落杞子啦﹗好彩都有落咸蛋﹗個咸蛋黃好好食﹗

2010年3月18日星期四

第31週@產前運動班

今個星期已經31週啦﹗因為阿旺會陪產，所以我們要到贊育醫院上產前運動班﹗第一堂主要教一些簡單的動作去舒緩陣痛，和一些呼吸的技巧﹗護士話如果用得好，到時可能連任何止痛方法都不用﹗不過後來好多人都話其實沒有可能什麼止痛方法都不用﹗

我終於完成第一件溫暖牌比大頭妹﹗其實早於5年前已經織好，只是一直沒有上鈕扣﹗我有2件半完成品都是粉紅色，完全令我摸不著頭腦﹗為什麼 "恨仔" 的我，會織2件粉紅色的小冷衫﹗難道我有預知能力？

好鍾意真珠鈕扣﹗因為冷本身有少少珠線，襯起來真是好漂亮 (自己賣花讚花香...heheheh...)﹗

朋友仔從泰國買的 "手信"﹗

上星期去舊同事家拿回來的BB床﹗BB床下的地膠都是舊同事的﹗什麼也不用買啦﹗

哈哈...連音樂掛飾﹗

因為還未搬家，買了一個 "臨時" 衣櫃給大頭妹啦﹗

今個星期對腳由豬腳變回人腳﹗

之前有水腫的時候是這樣子的﹗

阿旺做了爸爸依然改不了無厘正經的性格﹗
阿旺: 我地寶寶現在多重呀？
我答: 3磅左右，上次醫生話我地寶寶在 50%的平均線，好標準嘛﹗
阿旺 : 哦﹗咁我地改阿囡個名做 "陳標準"，呀...唔好，叫 "陳準晴"，英文叫 AVERAGE CHAN﹗
我: 吓﹗
阿旺: 再生個仔叫做 "陳準繩"，英文名叫 ACCURATE CHAN﹗
我 (另轉身瞓): ...

2010年3月8日星期一

第30週﹗最後10星期﹗

2010年3月5日星期五
轉眼間就30週啦﹗時間過得真的很快，由第10週知道自己懷孕，仲好似是一星期前的事，原來已經過了 20週﹗我自己都重了不只20磅﹗現在最辛苦的時間，竟然是晚上睡覺的時間，因為要好用力才可以成功轉身，一瞓低就比個肚壓住，我覺得自己就好似一隻 "反轉" 的烏龜咁﹗
星期五去了看私家醫生，寶寶轉了頭啦﹗仲是個 "大頭妹"﹗寶寶重 1.378kg，大腿長同體重都同佢的週歲一樣，都是29週4日的正常SIZE﹗就是頭比週歲大﹗頭大約是30週1日...難道似爸爸？﹗不過我都是 "大頭妹"，希望是似我啦﹗今次連私家醫生都說我重得太快啦﹗叫我要食少啲...點解我大肚要食得少過未大肚...點解...

今個星期個肚肚有 35寸啦﹗比上星期大了一寸﹗122磅﹗
我又買了新衫啦﹗天氣開始轉熱，是時候換季啦﹗阿旺同同事去CWB打羽毛球，我就去CWB SHOPPING等佢﹗阿旺一見到我又拿着一袋戰利品...即刻問我今次買的是否夏天衫？﹗EHHEHE...因為天氣一熱，我就成日話冇衫著﹗
今次買的衫好滿意﹗雖然都不是真正的孕婦衫，不過而家著又不會怪怪的，生完又可以再著﹗

OZOC 黑色 LACE 裙，今年流年的 LACE 裙，想不到我都有機會著﹗

OZOC 白色紗質長身衫，長長的袖可以用來遮手臂﹗咦...頭髮又亂亂的﹗阿旺，你點做野架？﹗

OZOC背心，特價$200幾所以買...而家扣唔埋鈕架﹗HEHEHEH...
我行街的時候覺得今季的衫好靚﹗仲有好多 "公主袖" 的衫﹗我記得上年我想買一件 "公主袖" 的衫，行偏CWB都買不到﹗今日只是在 JILL STUART就有3件﹗超級想買其中一件﹗不過因為是短身的，應該都不會合身，所以都沒有試，可惜可惜﹗
我當然唔會自私淨係買衫比自己﹗我仲有買衫衫比我寶寶 "大頭妹"﹗

呢件是比1-2個月的BB的﹗

呢件是比2-4個月的BB的﹗

因為虎虎紋所以買﹗

一套兩件...另一件是跳跳虎...

隻手仲未散瘀﹗

執走佬袋的時候發現要買孕婦巾巾同寶寶片片，去咗萬寧買，而家買一包孕婦巾巾同初生寶寶片片可以用$20 coupon，買2包孕婦巾巾仲有85折﹗
返到屋企阿旺又做咗啲傻野﹗佢諗住拎幾包孕婦巾巾出嚟放入走佬袋，點知原來孕婦巾巾是冇獨立包裝的﹗佢拎住一條條巾巾問我個包裝係邊？﹗我真係唔知個包裝係邊...可能係廠仲未生產﹗hehehehehe...佢之後話知個包裝袋係邊...就係比佢打開咗的一個囉﹗

去萬寧買野仲有野送﹗想試呢支好耐架啦﹗好開心呀﹗

2010年3月1日星期一

第一次與阿旺一起上烹飪班﹗

上星期日，阿旺同我一齊去上烹飪班，算是情人節的特別節目，雖然遲了一星期。今次是阿旺第一次上烹飪班，仲學難度什高的法國菜﹗其實連我都是第一次學法國菜咋﹗點解會一齊上烹飪班？因為櫻井老師的烹飪教室要暫時結束啦﹗老師要休息一年﹗最快可能要明年才會重開﹗所以同阿旺一齊上去上最後一堂囉﹗希望老師真的會重開啦﹗
由10:30上到 3:00呀﹗今次學的三個菜式是: 栗子蓉湯配薯仔薄餅﹑魚肉帶子波菜蘆筍卷配牛油蛋黃汁﹑鵝肝鴨肉PIE。