慶祝&感謝飯@和民

今朝比YAHOO食咗我個BLOG﹗激氣﹗

為慶祝大頭妹考到幼稚園，同多謝工人姐姐平時對大頭妹的照顧，我工人姐姐除咗貪玩啲，其實平時都幾惜大頭妹，播DVD比佢睇的時候，都會陪佢睇，教下佢嘅 (最少係我地面前係)，所以大頭妹考到幼稚園，佢都有份出力的﹗

HEHEHEH...不過以上通通都是藉口，其實是我大肚，成日唔知想食咩﹗但忽然又好想食和民﹗所以就去食啦﹗ 通常大肚唔食得刺身的時候，就是最想食刺身的時候啦﹗

依家和民都成日有唔同的優惠﹗今期又做緊AEON的優惠啦﹗好似都是大約 $250有一個2人套餐，但份量足足夠3個食 (3個男仔就可以差少少)，所以我地都成日幫襯﹗

三文魚壽司

燒烏串

燒牛肉雞肶菇

套餐外的牛油焗帶子

套餐外的帶子刺身

牛肉火煱

大頭妹最愛的烏東﹗

PIZZA

照燒雞沙律

薯條


另外仲有2杯DRINKS唔記得影﹗ 埋單好似都是 $300多少少﹗間中一次都可以接受的﹗大頭妹遲啲要返幼稚園，再加細B出埋世...就真是可能連和民都無得食﹗

HEHEHE...ANNIVERSARY LUNCH的BLOG未出，大家有興趣，可以去FACEBOOK PAGE睇住先﹗https://www.facebook.com/#!/media/set/?set=a.290745087628110.60480.113329742036313&type=1

結婚4週年紀念日﹗

話咁快就4年啦﹗
4年前的今日，我正式成為 "陳太" 啦﹗
今日已經是2個小寶貝的媽咪啦﹗

HEHEHE...今日會去 HARLAN'S食LUNCH慶祝，
已經是第3年啦﹗懶得諗﹗﹗﹗之後又可以去影燈飾﹗﹗﹗
我今次醒啦﹗一早提阿旺BOOK枱﹗
唔係一陣又話同我係屋企附近食 "山頭火" ﹗
不過我無提佢要WINDOW SEAT，
一陣就知佢記唔記得REQUEST啦﹗

我同我阿妹講買咗結婚週年禮物比阿旺﹗
佢問我有冇同阿旺講，我話我無同阿旺講呀，佢問我係唔係想跣佢？﹗
唓﹗其實佢一向都無送比我架啦﹗
我就年年都有送野比佢﹗

今年送比老公的結婚週年禮物﹗

揀咗有相格的﹗貴過無相格的百幾蚊﹗
不過呢個是 "宣示主權" 的地方﹗所以多百幾蚊都要買呢款。

又到出賣阿旺的時候啦﹗
通常啲咩咩週年紀念日，都要懷念下相識的時候﹗
呢幅相已經是10年前，
是舊公司的週年PARTY (遊船河)，
那些年，我追過的男孩...當時只有 140磅﹗﹗﹗

EHHEHEEHEH...唔知今時今日，
阿旺仲敢唔敢，咁樣同我影返幅相呢？﹗

第2次幼稚園PLAYGROUP

個個星期六都咁凍﹗依家仲要轉咗去北角上PLAYGROUP﹗今次我無去啦﹗得阿旺一個去，因為學校都唔比2個家長一齊上，下星期阿旺又要去做義工，今個星期佢去上先啦﹗HEHEHE...希望下個星期去上，天氣唔好咁凍啦﹗

最近大頭妹學講野講得好快﹗好多時一同佢講完，佢就可以自己重覆講一次﹗不過...好多時得我聽得明，好似上次阿旺一開個零食櫃，佢就衝埋佢講 "我想食SEAWEED﹗"，阿旺都唔知佢講咩﹗有時佢又會問 "呢個得呀？"，即是問我地做唔做得﹗

最近都好少同佢影相，返PLAYGROUP前影下啦﹗依家上堂無得影﹗

大頭妹: 各位哥哥姐姐，GOOD MORNING!
 

又食手指﹗

HAPPY FACE﹗

ANGRY FACE﹗

佢搵咩呢？﹗

原來是M&M'S...自從比咗第一粒佢食之後，就一發不可收拾...

聽阿旺講今堂的TOPIC是PICNIC﹗教生果名﹗APPLE，ORANGE，WATERMELON...勞作是PICNIC MAT，不過都是阿旺做的﹗茶點是可可粟米片﹗

第一次團購﹗

噚日出咗個瞓覺安排BLOG，好多謝各位BLOG友的提議﹗其實我都是過唔到我自己﹗ 我諗諗下終於記得點知大頭妹會開始同我瞓啦﹗其實BB至5-6個月都是佢自己瞓BB床的，之後有一次佢發燒，為咗方便照顧佢(每小時探熱)，所以就放咗佢 去大床瞓，點知之後佢就唔肯自己瞓，每晚我地熄燈，佢就叫 MIMI (佢叫我做MIMI)，係個床頭伸手去摸我...我又點忍心唔理佢呢 (所以我阿妹成日話...終於有個人治到我呢個惡人)﹗所以我應該唔會唔同大頭妹瞓，直至佢READY自己瞓之前 (最遲比到佢3歲)﹗

HEHEH...講返今日個BLOG，我個人一向都OUT OUT地﹗其實團購都興咗一排，不過我就一次都未買過﹗我好怕因為貪平，最後買咗無用嘅野﹗我地女人成日買野都係咁﹗SOGO THANKFUL WEEK的時候都係咁﹗明明唔係需要，見到平...覺得抵，唔理有冇用都買咗先﹗

今次為咗大頭妹，我第一次係GROUPON買咗對難﹗成日都想買對BOOTS比大頭妹，又話今個冬天好凍啦﹗HEHEHE...買咗對毛毛BOOTS﹗不過唔知點解好多毛毛BOOTS都係軟底﹗

$179 STRIDE RITE代理的，應該都OK呱﹗見佢地平時啲鞋都幾貴﹗

攞完鞋同阿妹去食DINNER，想快快手食完，去了SOGO的BEE CURRY﹗

我的吉列豬扒咖哩飯，$75再加一﹗有飯﹑麵豉湯﹑沙律同前菜﹗

妹妹的咖哩牛肉飯配烏東﹗

食完...好似好口渴﹗唔通有味精？﹗咖哩咁重味的食物...唔洗落味精呱？﹗可能係個位太大風，吹住個頭啦﹗

頭痛問題

細B雖然未出世，不過將來瞓覺的安排已經令我好頭痛﹗大頭妹自5-6個月開始，就同我同阿旺一齊瞓，一直都是我瞓中間，大頭妹瞓最入，阿旺就瞓開面﹗隨住大頭妹的長大，我地其實已經換咗一次床，由4呎去到4呎半﹗瞓4呎床的時候，我真是試過轉完身，無位瞓返落去﹗

但依家到我大肚，其實真是瞓得好辛苦，我覺得可能今胎陀得辛苦啲，同我的睡眠質素都好有關﹗阿旺有輕微睡眠窒息症，即是...佢有 "好大" 鼻寒﹗大頭妹呢...一晚都會叫2-3次，都係飲下水，又唔洗再暗佢瞓，不過就真是令我無連續的睡眠時間，一晚一定要醒幾次﹗

好多時都想放大頭妹去工人姐姐房瞓一晚半晚，等自己可以休息下﹗大頭妹細少少的時候都還可以，但有時瞓到3-4AM都會大喊，最後我都要接返佢入房﹗先一排，有一晚我地夜返，無去姐姐房接返佢，第2朝，佢好明顯嬲咗我﹗﹗﹗但又無嬲阿旺喎﹗而且我自己都習慣同佢一齊瞓，佢唔係我身邊，我都一樣瞓得唔好﹗

依 家就有一個問題啦﹗就是就算我依家頂得順，將來都無可能同晒2個寶貝一齊瞓？﹗但如果依家先放大頭妹去姐姐房瞓，我又怕佢會覺得因為有細B，所以我地唔要 佢啦﹗我工人姐姐就話，襯細B未出世，依家放過去就岩岩好，如果出咗世先轉，問題仲大﹗不過佢成日都叫我比大頭妹同佢瞓架啦﹗而且我好珍惜我同大頭妹的睡 前親子時間，我每晚都會唱歌比佢聽，同佢講 "三隻小豬"，佢依家已經記得晒故事的情節，知我幾時會吹佢塊面，大豬幾時跑，問佢大豬呢？﹗佢會答我 "跑跑跑"，有時佢仲會自己攞3隻小豬比我，叫我講比佢聽﹗

但如果放細B去工人姐姐房呢？我又覺得唔公平？﹗大頭妹就同我地瞓，細B就無得同我地瞓﹗

我應該點做好呢？﹗有冇有經驗的媽媽可以指點一下？﹗