傻夫婦一家四口生活日誌

2014年9月8日星期一

幼稚園功課：親子環保燈籠

今日中秋節，祝大家中秋節快樂！大家有冇得早放呀？

今日講返個中秋節的主題，相信好多幼稚園家長都不會陌生！就是幼稚園例牌親子習作：中秋節環保燈籠啦！

今年想認認真真做一次，上網參考咗好多圖片，再慢慢自己設計，預備材料！首先我想做白兔燈籠，因為夠傳統，但以我的技術，我當然無可能做得出傳統白兔燈籠啦。

第二就是我做一個真是會發光的！說來慚愧，其實大頭妹PN時，我無整。到K1，我只是用Tempo紙巾盒做了一架不會發光的巴士燈籠，未返到學校就已經散散地。之後見同學整的都好靚，覺得自己好hea！對唔住個囡﹗經過呢2年，我明白到其實真是唔好以為小朋友細個就hea做佢地的功課，做親子習作的時候，都是培養小朋友態度的時候！

其實今次的燈籠仍然好普通，不過我已經好滿意！起碼過程中，大頭妹全程都有得參與！貼膠紙固定 led燈，搽白膠貼白兔仔，貼心心貼紙（小丸子都有幫手貼心心）。

睇大頭妹的笑容就知佢好滿意﹗

第2日拎返學校交功課!

材料：水樽1個、奧比斯燈籠的後備LED燈、東海堂Miffy蛋糕傳單、顏色紙1張、顏色膠紙、心心貼紙。

大家 like咗我地個 facebook page未呀？未就快啲 like啦﹗

2014年9月6日星期六

靚媽週記 (18/8/14-24/8/14)

唉吔﹗今個星期影得 2日咋﹗因為 2個囡都開學啦﹗朝早成日都好似打仗咁﹗不過我又應該都有化妝架喎﹗點解無影相呢？﹗我自己都唔記得咗﹗哈哈哈﹗生完 2個真係無咩記性﹗但明明我生 2個都無咩吸 "笑氣"，點解都會無記性呢？﹗

2014-08-18

heheheh...偷步換季﹗今季 ZARA 啲衫好靚呀﹗已經睇中咗好多件，不過呢件特別鍾意，所以即刻買咗先﹗佢啲衫來得快去得快，好多時有啲款，一星期就唔見咗，所以真是鍾意的，要即刻買﹗

2014-08-22

是日約了同學食飯，襯返個大方得體 look﹗

top: topshop/ pants: uniqlo

今期 SHISEIDO有個 APPS 玩 CHECK下自己面形的黃金比例﹗原來我面長咗少少，眼短咗多多，要畫長少少對眼，上唇又薄咗少少，哈哈哈，所以唔怪得上次小丸子撞腫咗我上唇之後，個樣仲好似 "順眼" 咗﹗不過 INTSTEAD OF 畫厚啲個上唇，個 APPS 教我用唇筆畫細返個下唇﹗又係喎...點解我之前諗唔到﹗咁咪唔洗怕畫大個口囉﹗

大家 LIKE 咗我地 FACEBOOK PAGE未呀？未就快啲 LIKE啦﹗多謝支持﹗

2014年9月5日星期五

康怡廣場和民返嚟啦﹗

自從搬去太古之後，和民一直是我地一家的飯堂，直至 4月時，無啦啦話搬遷，明明成個商場都 full，可以搬去邊呢？﹗原來搬咗去 PIZZA HUT個位﹗和民個位就變咗翔龍﹗依家個商場就真係熱鬧啦﹗成日都排晒長龍﹗

8月份和民終於開返啦﹗我地一家就即刻去食啦﹗阿旺...又發生咗一件好阿旺的事...叫佢 BOOK 位 (因為佢有和民卡)，佢同我講 BOOK 咗，咁OK啦﹗佢去到的時候...先發現...原來自己 BOOK 咗 "東涌" 的和民，我都覺得奇，即日 BOOK都有位，仲以為係唔係因為唔多人知佢開返﹗

我地叫咗個 4人餐﹗連埋大頭姨姨同大頭契媽，5大2小食，再額外叫咗少少其他野﹗

牛肉鍋

個個都話個薯條好味﹗大頭妹食咗好多﹗

和民沙律，味道唔錯架﹗有時唔係叫餐，我地都會叫呢個﹗

其實...呢碟野...我成日都好膽心，如果新鮮又點解要加咁多醬...如果唔新鮮...又要生食...不過係餐的其中一碟...NO CHOICE...

叫比工人姐姐的牛肉飯

呢個...魚生飯都幾...特別，自己包紫菜食﹗

最後試個新甜品，唔新架啦﹗係我未食過啫﹗

小丸子食飯坐唔定，比我叫工人姐姐帶佢返屋企先﹗返到屋企見佢好慘自己一個人坐係廳﹗囡呀囡，下次乖啲啦﹗

2014年9月3日星期三

大頭妹 K2開學了

眨下眼大頭妹今年就升 K2了﹗2個囡都是 8月15日 (星期五)開學﹗大頭妹今年都是升 B班，其實都唔知學校有冇分班，不過見今年好多同學都去了不同的班，原班直升的不多，但是見大頭妹又無大問題，只是同我講同學唔同晒，見佢都無咩唔捨得﹗

不過 K2 之後真是好多功課﹗我覺得是我 K1的時候太放鬆了﹗今年一開學就每日 3樣功課，通常是中﹑英﹑數各一份，所以 BASIC 已有 3份，有時仲有習作紙﹗剛剛的星期六就有 6份﹗真是好似做唔完咁﹗我依家覺得我平日星期一至四真是唔可以出街，如果唔係等我返屋企先做功課，就會做到好夜﹗平時都已經夜瞓﹗本來想襯 2個都返學，就等佢地早啲瞓﹗

今年仲有好多本書，由於讀國際班，中文書 2本，連數學都 2本，英文又 2本，其中一本是 PHONICS，今年終於見佢有 PHONICS 的書﹗之前是 HK BOOKS STORE 見到想買，原來學校都是用呢套﹗唔怪得學校的書簿費成 $6XXX/ 學期﹗我決定今個學期唔會自己再買書﹗真是讀識晒學校的，其實都好足夠﹗

之前仲買咗好多本 DISNEY AUDIO BOOK﹗暑假有 DISCOUNT， $5X/本﹗不過因為是外國版，其實都幾深，大頭妹未識自己睇，我都要每晚慢慢講，一本有時都要分 2 - 3 日睇﹗之前專登買咗部 CD機，唔夠半年就比佢地整爛咗﹗仲要連其中 2本 AUDIO BOOKS的 CD都整唔見埋﹗唉﹗所以依家我都收起晒啲貴又易爛的書﹗仲千叮萬囑叫我工人姐姐唔好比佢地玩﹗