幼稚園功課：親子環保燈籠

今日中秋節，祝大家中秋節快樂！大家有冇得早放呀？

今日講返個中秋節的主題，相信好多幼稚園家長都不會陌生！就是幼稚園例牌親子習作：中秋節環保燈籠啦！

今年想認認真真做一次，上網參考咗好多圖片，再慢慢自己設計，預備材料！首先我想做白兔燈籠，因為夠傳統，但以我的技術，我當然無可能做得出傳統白兔燈籠啦。

第二就是我做一個真是會發光的！說來慚愧，其實大頭妹PN時，我無整。到K1，我只是用Tempo紙巾盒做了一架不會發光的巴士燈籠，未返到學校就已經散散地。之後見同學整的都好靚，覺得自己好hea！對唔住個囡﹗經過呢2年，我明白到其實真是唔好以為小朋友細個就hea做佢地的功課，做親子習作的時候，都是培養小朋友態度的時候！

其實今次的燈籠仍然好普通，不過我已經好滿意！起碼過程中，大頭妹全程都有得參與！貼膠紙固定 led燈，搽白膠貼白兔仔，貼心心貼紙（小丸子都有幫手貼心心）。

睇大頭妹的笑容就知佢好滿意﹗

第2日拎返學校交功課!

材料：水樽1個、奧比斯燈籠的後備LED燈、東海堂Miffy蛋糕傳單、顏色紙1張、顏色膠紙、心心貼紙。

大家 like咗我地個 facebook page未呀？未就快啲 like啦﹗