傻夫婦一家四口生活日誌

2014年10月10日星期五

是日晚餐：洋蔥牛仔骨、南乳炆齋、南瓜露（附食譜）

最近工人姐姐成日令我好勞氣﹗唉﹗但諗深一層，自己的確無努力 train過佢﹗係自己縱容佢 "得過且過" 嘅﹗就好似煮餸咁﹗佢無咩心機學，之前工人姐姐見我煮佢未煮過嘅，會不停問我落咗咩醃，會主動叫我比佢煮，我企旁邊講比佢知就ok﹗依家個工人姐姐見我落場就即閃，叫佢企定睇，但佢下次見我煮，佢又繼續閃﹗放手比佢煮，通常要失敗好多次先成功，中間要忍受一段時間﹗最好笑的是...成日問我夜晚想食咩，我叫佢諗，佢就會諗埋啲自己唔識煮，我煮開嘅餸？﹗係唔係玩野？﹗

講返今晚餐飯，除咗個洋蔥牛仔骨，另外 2樣都係工人姐姐煮﹗南瓜露是以前的工人姐姐秋天成日會煲的﹗忽然好想食，就問依家個工人姐姐識唔識煮，佢話佢應該都識喎，咁 ok啦，等佢試下啦﹗係我監督下，都成功咗﹗好野﹗以後有得食啦﹗原來佢話佢地印尼係用蕃薯煲，但煲法係一樣﹗

係街市買 4條牛仔骨都是 $38，ok啦，平過超市好多﹗忽然好想食個薄黑椒洋蔥汁，所以煮咗好多，用來撈飯，真係好正﹗

南乳炆齋食譜: http://athena-joe.blogspot.hk/2014/03/blog-post_17.html

小丸子: 都唔知食野有咩好影﹗成日偷影我﹗食奶又影﹑食飯又影﹑依家食糖水都影﹗

小丸子: 都係唔好理咁多﹗食得快好世界，食得麼無鼻哥﹗

秋天南瓜當造，真是唔好錯過﹗非常好味﹗

南瓜露
材料:
日本南瓜 1/4個 (其他南瓜都ok架﹗)
西米半包 (大約半碗) (我用印尼西米，大粒少少，同埋 "煙 un" 啲﹗)
冰糖適量
水適量
椰漿 1少盒 (應該係 100ml)

做法:
1. 南瓜去籽﹑去皮﹑切粒
2. 南瓜放入熱水煲至腍身 (我用 20cm LC，連南瓜，大約是 2/3煲水)
3. 將一半南瓜壓蓉，加入冰糖﹑椰漿一齊煲至冰糖溶化就 OK啦﹗

2014年10月9日星期四

最愛烹飪班 - 吉列豬扒﹑蜆麵豉湯﹑南瓜沙律﹑綠茶布丁

最近上咗一堂好特別的烹飪班，特別的地方唔係因為個課堂本身，而係 2位導師﹗

我係 facebook page都有講過，今次去 Rachel's Kitchen 上櫻井老師的日本料理班，起初我都唔記得，望下望下 2位老師一齊企我前面，忽然令我諗起，對上一次上櫻井老師堂是佢 4年前離開香港的時候，當時我陀住大頭妹 6個月，而對上一次上 Rachel老師堂是 2年前，當時陀住小丸子 2個月，但 Rachel老師好細心又眼利，一睇就睇得出我大肚，叫其他同學幫我攞凳坐﹗哈哈...係 facebook page講完，大家問我係唔係今次陀孖胎...哈哈...我今次得帶個大肚腩去上堂咋﹗

其實...我學過吉列豬扒架啦﹗係 CITYSUPER 跟佢地 FOOD COURT主廚學，不過佢都無教好耐﹗今次見到櫻井老師返嚟教，學過都要再學﹗其實佢之前每 2個月都有係煤氣教，不過我成日都夾唔到時間，上一次 5月報完又病到唔記得去上﹗我大大話話跟櫻井老師上堂都有 10年﹗由北角到上環到灣仔﹗哈哈，好開心佢仲認得我，不過佢又唔記得我係唔識日文...當年我上佢堂，是用日文上，所以佢成日以為我識日文﹗

哈哈...就係呢個畫面啦﹗

今日的主角，是好靚的加拿大豬扒﹗

綠茶布丁的材料﹗

真是好好味呀﹗﹗﹗

南瓜沙律的材料﹗

又是好好味﹗我之前未食過，原來係日本好流行﹗

蜆麵豉湯的材料﹗

睇完老師示範，大家同學一齊食飯﹗

櫻井老師 12月會再來，希望會有新食譜，咁我又可以再上佢嘅堂啦﹗

2014年10月8日星期三

小丸子參加咗 Ma Belle 星媽星B大募集﹗大家都去投佢一票啦﹗

最近收到 Ma Belle 的電郵，知道佢地搞咗個 "星媽星B大募集" 活動，我都第一時間幫小丸子參加﹗得獎的孕媽媽/ 小朋友，除咗有機會羸得豐富獎品，仲有機會成為 Ma Belle BB/ 嬰幼兒系列的廣告小 Model架﹗哈哈，我都隨便幫小丸子拉票先﹗

先講下今次活動的禮品好吸引﹗只要是首 1000位參加就有 Happy Moment 禮品包﹗希望到我出 BLOG之日，大家睇完先參加都仲有機會得到 Happy Moment 禮品包啦﹗我見已經有好多好可愛的 BB參加咗啦﹗另外，只投票唔參加，都有 Ma Belle 嬰幼兒系列 $50 coupon/ Baby Spa Luxe $50 coupon。

參加方法好簡單，只要到: http://goo.gl/sdv97o，然後 click 入 "立即參加"﹗

無論你是正懷孕的靚靚孕媽媽/ 有 0-3歲的小朋友，都可以上載靚相參加架﹗

填上少少個人資料，再 upload 小朋友的可愛笑容靚相就可以啦﹗

我幫小丸子揀咗開學日的一幅相參加今次的活動，因為我覺得佢笑得好開心，希望佢以後日日返學都咁開心﹗

投票都一樣好簡單，只要 click入 "立即投票"，揀岩心水 bb 靚相，就可以投票啦﹗不限投幾多個 bb架，不過就只可以投同一個小寶寶一票

要投小丸子就 click入去之後，係 "搜尋" 打 ATHENA CHIU，就會找到小丸子啦﹗呵呵呵﹗拉票拉票﹗

再講下其他獎品先啦﹗

呢個無我份﹗星媽大獎 ( 1名)，可以得到 Aston Martin Pushchair Unit BB車 1部 (價值: $28,800)﹗嘩嘩嘩﹗好高級的 BB車﹗

星B大獎 ( 1名)，獎品好豐富呀﹗﹗﹗有我睇中好耐嘅 Canon 700D，仲有 Ma Belle 《寵愛》bb/ 嬰幼兒系列﹗小丸子，你要加油呀﹗

除咗以上 2個大獎，都仲有好多其他獎品架﹗包括: 燦爛笑容 BB﹑乖乖甜睡BB﹑鬼馬精靈BB﹑人氣 BB，同人氣媽媽大獎架﹗﹗

獎品係唔係好豐富呢？﹗如果你係依家懷孕的靚靚準媽媽/ 有 0-3歲的小朋友，就一齊參加啦﹗﹗﹗

哈哈...玩遊戲的時候比我見到啲靚野，心思思想敗比大頭妹同小丸子，可以免費刻名的純銀手鏈呀﹗(心心眼)

MaBelle BB送禮系列網址: http://goo.gl/wMWqX3

活動連結: http://goo.gl/sdv97o

2014年10月6日星期一

示範親子羽絨褸﹗bossini Happy Light Down 系列﹗

中秋節過了，就是入秋啦﹗又是時候換季啦﹗大家準備好未呀？﹗

多謝 BOSSINI 為我地一家送上今季的 HAPPY LIGHT DOWN 系列﹗是我地的第一件薄羽絨呢﹗哈哈﹗我都知薄羽絨不是什麼新產品，不過之前沒有買過，所以今次一收到，真是覺得好神奇，原來羽絨褸都可以咁薄咁輕身﹗用上 90%羽絨比例，真是又輕又薄又保暖﹗而且今次有好多唔同款，男﹑女﹑小童都有齊，輕輕鬆鬆就可以襯出靚靚家庭裝啦﹗

好啦﹗睇下我地揀咗咩款先啦﹗

小朋友款呢？﹗我個人比較喜歡背心款的羽絨褸，一來小朋友成日跑跑跳跳，著背心可以方面佢地活動，二來香港的冬天，凍極都唔會太凍，反而長時間 around 十幾度，著背心羽絨褸就岩岩好﹗