傻夫婦一家四口生活日誌

2014年11月7日星期五

小丸子 30個月成長誌

又幾個月唔記得寫成長誌，今個月小丸子就 30個月，時間真是過得好快﹗唔知點解成日覺得小丸子好 BB，雖然佢身形龐大，不過因為得幾條毛仔，個樣仲係好 BB，我覺得仲佢 BB過大頭妹個時﹗

開咗學差不多2個月，暫時都 OK，見佢都鍾意返學﹗不過就真是比我講中，一開學一個月就病，(無辦法啦﹗大班60人一班﹗一定易病﹗)﹗可能因為喉嚨發炎，食野就真是扭計咗!本來都唔係好食飯，哈哈哈，大家唔好比小丸子個外表呃咗，其實佢好唔鍾意食飯，粥就完全唔食，唯一是麵類會比較好少少，最愛的...始終都是佢嘅MILK MILK﹗每晚佢都會牛咁眼望實家姐飲奶，如果家姐飲唔晒，佢會即刻問我可唔可以飲﹗

不過鍾意飲奶有鍾意飲奶好，好似小丸子咁，就算病一病，佢嘅磅數都"屹立不倒"，都仲有 33磅﹗轉飲ILLUMA都有半年，生長進度都唔錯，平均一個月上 0.5磅，半年間由30磅上到33-34磅﹗之前一直都停留係27-8磅之間好耐，所以我都好推薦ILLUMA，雖然價錢比較貴，不過最緊要小朋友飲得好﹗

中國人話3歲定80，小丸子係醫院剛出世的時候，護士已經讚佢話鍾意佢呢啲 "瞓住覺" 都飲到奶的 BB﹗哈哈...就算瞓咗，佢都可以飲到一滴不漏﹗(有圖有真相）

朝早起身一樣得﹗瞓住爬住飲一樣無問題﹗

哈哈...我成日都諗...點解瞓咗都仲飲到奶...大頭妹係無呢個 "技能"架喎﹗

每晚 10:00前後，就去廚房叫工人姐姐抱佢一齊沖奶﹗

其實...是想偷食奶粉...hehehe...我記得我細個都會﹗不過我是食 "阿華田"﹗嘩﹗空口食奶粉...唔怪得你咁 "抵打" 啦﹗

開學的時候又收到 ILLUMA用家禮物﹗如果大家小朋友飲開 ILLUMA，記得入 ILLUMAMA 會同埋寄單俾佢地啦﹗我地轉飲咗大半年，已經收第2次禮物啦！

今次有 "印名的木顏色"﹗小丸子收到好開心，我每次收到 ILLUMA 用家禮物都覺得好窩心，印上名字的木顏色，連大頭姨姨都話靚﹗

https://blogger.googleusercontent.com/img/b/R29vZ2xl/AVvXsEix1GLigdvTA_QltFisxF7D-PU16tRmojGkUlX4OiAkkshR2qDIXQ4AVeiFJyETNpUegydhsGVjBhb-cYX-1bF0AqI1qsTlOFc9RjLf3No8d0DdoN5LE_pwt1SVguyR3veH93DzfTyYGs9K/s640/blogger-image-238358259.jpg

因為大頭妹 K2開學的時候，買咗一盒新的木顏色比大頭妹，但佢就無份﹗今次佢都有木顏色用啦﹗

https://blogger.googleusercontent.com/img/b/R29vZ2xl/AVvXsEgtEJ3tlMfikuj2dZcb7EaOdGVbpBuOw0BeYT-7aevvvQ8TtT3TrDlU9moV6_yJfwCYu-GLTz6Hntyo1mYCI8DjupdHg8Cs6qjW5-k7mMMFQ_HYcWkewH-8ma_mmtZJOY7NzSosmjV90GAJ/s640/blogger-image--548544706.jpg

唔知點解小丸子好鍾意做功課，每日都話要做功課，我真是買咗習作簿比佢，佢每日都做 4-5頁架﹗相反大頭妹做 2-3頁就鬼殺咁嘈﹗

https://blogger.googleusercontent.com/img/b/R29vZ2xl/AVvXsEgH64GQiefXSbV4wV4stInGSn7R2AJgGjYpeHoF6Us07yEhJWsuJpN7aLGwUaeHaMCSmIFpy3ZXfxZq1HrxmNgb05LRu4GN4iT3_6kQZhonkSuy7Q5XWKVpBQocwFcHxDqyw7ub4R794Pcs/s640/blogger-image--514865448.jpg

HAHAH...K1 INTERVIEW季節，順便用盒木顏色教下小丸子顏色啦﹗結果...發現...佢係唔識嘅﹗

https://blogger.googleusercontent.com/img/b/R29vZ2xl/AVvXsEiaajxJ9KTDTUU271EmfkxCl5vfbvZgRGxDU5eyX41mNW8tPLLYwtPiNv_Q3FgS62hgNhkyWUaNq7HZeihQexrM1biTM8w1XDbEcwbUC2AmbUER5wUiBdrAa_UMFG6Q6qx0DM4yo2CjYDF-/s640/blogger-image-2139065757.jpg

hahaha...睇下小丸子認顏色，唔識就以笑遮醜﹗

http://youtu.be/uLsXAkgw9co

大家 like咗我地個 page未呀？﹗未就快啲 like 啦﹗

2014年11月6日星期四

小丸子都返咗 PN 2個幾 3個月啦﹗見佢都 OK鍾意返學，不過就唔多講學校的事，問佢同學仔叫咩名，佢就答返我同學仔，咁耐都係講過 Marco 同 Gigi，不過好奇怪，佢學校應該係用中文架？﹗最近再問仲慘...佢話同學仔叫 "麻煩"，佢唔鍾意同學，話同學蝦佢﹑唔同佢玩﹗唉...真是好頭痛﹗佢同家姐真是好唔同，家姐當個個人都是朋友，平時同佢地去公園已經留意到，小朋友都鍾意同大頭妹玩，就算一開始唔同大頭妹玩，大頭妹總有辦法令人同佢一齊玩，之後仲會叫人地同埋小丸子玩，所以可能小丸子一直習慣大頭妹同幫佢識朋友。老師就講得出幾個，佢話佢鍾意譚老師﹑楊老師，仲有陳老師﹗

由於比大頭妹 K2的功課量嚇親，我怪獸家長上身，走去買咗啲習作返嚟比小丸子做，而且又等佢唔好成日去劃大頭妹啲功課﹗兩姐妹岩岩相反，大頭妹好怕做功課，我一打開佢啲功課，佢就走咗去，然後小丸子就坐落嚟，劃花家姐啲功課﹗真是激死﹗小丸子就好鍾意做功課﹗

佢一次可以做 5-6頁，唔叫佢停，可以繼續做，下次試下買連線的，可能可以做耐啲﹗

其實依家做咗 AROUND 1個月，都有紋有路咗，起碼叫佢油顏色，佢都知係油邊度，唔會亂油﹗啲線都畫得ok﹗

叫佢 "圈" 佢都明，"連線" 都OK﹗

希望到你真是要做功課時，你都係咁鍾意做功課啦﹗

同家姐玩老師遊戲，因為坐唔定，仲要推 "老師"，所以被老師罰企﹗um...我見佢地玩的時間...佢罰企的時間仲長過坐低聽書...希望...佢係學校唔係咁架啦﹗

hahhaha...我個日拍咗片﹗

最近又唔知佢做咩，開學個幾月都是爸爸帶返學，忽然有一日唔肯跟爸爸返學，要工人姐姐帶，我估可能因為我叫爸爸帶佢返學唔好抱佢，佢就搵個會抱佢嘅帶返學囉﹗以前大頭妹返學，我一定唔會抱，唉...最近又變返爸爸帶大頭妹返學...我見佢又抱大頭妹囉﹗

開咗學 2個幾月先第一次帶佢返學，因為驚佢喊，唔比我走，結果...小丸子頭也不回就自己行入班房﹗媽媽我太高估我自己，又太低估個囡﹗見住佢自己行入班房，自己放書包，真是覺得佢大個咗好多﹗

坐巴士返學，可以睇風景真是好，沿路不停問我地去到邊。

大家 like咗我地個 page未呀？﹗未就快啲 like 啦﹗

2014年11月5日星期三

Tempo 全新抗菌倍護紙巾 (殺滅99％流感病毒及細菌)

我地一家都無打 "流感針"，因為我自己都好怕打針，2個囡又好怕打針，打咗又唔係 100%，所以都是唔打﹗不過唔打流感針，都仲有好多方法預防流感嘅，例如食下維化命C增強體抗力，又或者從衛生入手啦﹗﹗﹗

今次有好野要介紹，我自己覺得真是好岩依家呢個流感高峰期用，就是 TEMPO 新出的抗菌倍護紙巾，佢能夠殺滅 99％流感病毒及細菌 (包括豬流感﹑禽流感)﹗小朋友出街成日週圍摸，用抗菌紙巾就最岩啦﹗今次仲有齊乾﹑濕紙巾﹗﹗﹗依家已經係我手袋必備，用來出街食飯前同 2個囡抹手﹗出完公園/ GAME CENTRE，又抹下手﹗佢最好就是可以抹手同面，一般酒精洗手液，只可以用係手﹗

多謝 PR姐姐送來的禮物﹗有 3大包紙巾，仲有 12包濕紙巾，今次有排用啦﹗

連個外盒都好靚﹗

殺滅 99％流感病毒及細菌 (包括豬流感﹑禽流感)﹗仲要是 TEMPO 出品，品質一定有保證啦﹗最 SURPRISE是佢嘅香味，竟然是 "淡香水" 味﹗

依家 2個囡大個咗，有時都唔想帶住大大包 BB濕紙巾出街，呢包細細地，10片裝就岩岩好啦﹗

小朋友唔知點解都好鍾意玩紙巾...佢地又企上去，又坐上去...好彩是 TEMPO﹗

點可以少咗小丸子架﹗

大家 like咗我地個 page未呀？﹗未就快啲 like 啦﹗

2014年11月4日星期二

小蜜蜂第一次賣旗@20141018

2014年 10月 18日 (星期六)

點解最近我啲 blog 咁慢嘅？﹗有啲拖拖下都 "爛尾"，不過呢篇真是一定要寫，因為是大頭妹第一次賣旗，仲有小丸子﹗一定要記低﹗

大頭妹今年 K2 參加咗學校的 "小蜜蜂"，第一個月就即刻有活動，就是親子賣旗啦﹗試過賣獎券，又試過探訪套房家庭，今次試下賣旗﹗其實我中學時期都經常賣旗，我覺得是一個非常好的活動，所以都幫大頭妹報名參加﹗可以訓練 "膽量"，要大聲同有禮貌咁同人打招呼，同叫人買旗，對於怕羞的我，其實都幾有難度﹗不過其實我最想做的義工活動是探訪老人院，之後一直想參加，不過仲未有時間去聽咗個講座先﹗

著上小蜜蜂的制服好醒目呢﹗