2023年7月17日（星期一）
3年無去過旅行，第一次旅行竟然遇上8號風球！好彩有驚無險，順利出發，其實都是第一次旅行遇上8號風球，所以一開始真係好驚飛唔到，結果準時起飛，仲要全程都好穩定，真係好感恩！
今次坐 HK Express 去大阪，連行李、飛機餐、買坐位都差唔多$4300 per head，係疫情前嘅一倍，希望出年會平啲！
出發啦！
買咗飛機餐，訂票時預先購買，會有 discount 同額外一支水，大頭妹同小丸子話好好味！
做妹妹真幸福，來回程大頭妹都攬住妹妹瞓覺。
今次坐早機，7:00am起飛，11:00am幾到大阪，我地慢吞吞，2:00pm幾先出到市區。今次住返上次住個間酒店「御宿野乃」，係正日本橋站旁邊（6號出口，10號出口有電梯），樓下就有間大Lawson，對面就是道頓堀入口，行去心齋橋都只係5分鐘到，最重要有4人房，所以我覺得佢會係我以後去大阪的首選。
4人房有2張單人床，另外仲可以加2張 Tatami。市區酒店來講，面積算相當唔錯！
放低行李就出去食 lunch 同行街！
我地去食烏東，因為我同阿旺 Honeymoon 個次都有食烏東！
之後去行大丸，Jump Shop係每次去日本必行。
兩個大個啦，無 book Pokémon Cafe，行下旁邊的Pokémon Shop。
之前繼續行心齋橋，行吓食吓，book 咗8:00pm食國產牛。
水準依然，咁嘅價錢係香港一定食唔到咁嘅質素，真係好抵食！
食完仲有啲舖頭未關門，又繼續玩。
第一日完結！
國產牛燒肉：
