小丸子18個月健康院打針

Oh...我都唔知點解會唔記得...大確是因為換了手機，無 update 個 calendar，搞到忘記咗小丸子 18個月要返健康院打針﹗

上星期六，送完大頭妹返學，自己一個人行行下就諗，呀﹗唔知小丸子依家幾重呢？仲有冇超重呢？之後諗諗下，係喎？﹗10月唔係要返健康院咩？﹗今日11月9日啦喎 (大驚)﹗返到屋企一睇，10月25日要返健康院，足足遲咗 2個星期﹗仲要改 booking嘅 deadline都過埋，星期六﹑日﹑一，健康院都休息，唯有星期二再打去問，好彩可以改到星期三，剛剛我同阿旺都請咗假，可以帶小丸子去打針﹗小丸子...真是好對唔錯，我都估唔到我會犯一啲咁低級嘅錯誤...唔通...真是 "第二陀當豬養"？﹗

唔知點解我家兩隻囡都好怕打針，大頭妹都還好，都是見到支針先喊，小丸子仲大鑊，唔知點解佢認得護士，一見到護士就喊﹗原本 18個月應該可以自己磅，最後要工人姐姐抱住磅，仲要喊到 "拆天"，小丸子依家有 12.8kg，因為超重要度高，我都估唔到小丸子依家都仲有超重，一樣唔肯瞓低度高，護士比埋玩具佢，佢都唔肯，最後磅重室個護士叫我地見咗另一個護士做評估先，再睇下洗唔洗度高﹗

今次做評估都係問下小丸子識行未，有冇自己食飯/ 飲水，識講咩野，之後叫佢疊高積木，同餵 bb 公仔食野﹗護士長都話要度高，仲親自過去幫手，可惜都係度唔到，度完得 78.5cm...我話我平時同佢度都有 82cm架啦﹗不過小丸子反抗得太緊要，佢話當住 82cm先啦，佢覺得應該都唔止，如果唔係都重好多。之後再問下我小丸子嘅飲食，結論是...要減肥...要減下午餐奶...

工人姐姐話上次一歲針都已經係咁，一入打針房見到護士就喊﹗

估唔到今次磅重已經喊定先﹗

打完針堅喊啦﹗
去到 LIFT口仲講 "我走啦﹗我 "禁" 呀﹗" (禁LIFT)。
我同工人姐姐都忍唔住笑咗...

一喊就嘔...真係好恐怖...

走咗...等車返轉頭...都喊...

HEHEHE...得個樣...平時好惡架﹗