親子入廚樂 - 芒果布丁

經常都會同大頭妹一齊下廚，當然會選擇一些安全又容易的食譜，仲要是大頭妹喜歡吃的，芒果布丁是最常煮的﹗不過今次都出了少少意外，但因為這個意外，意外令我發現，生活中不停少少少少的 "灌輸"，小朋友是有慢慢慢慢學識的﹗

大頭妹最喜歡無印良品的芒果布丁﹗

這個要加入熱牛奶煮的﹗

其實我已經 "金睛火眼" 般望實大頭妹，但是忽然佢眼眨淚光望著我，話佢淥到手﹗

檢查一下沒有大礙，佢竟然自己話要 "敷冰"﹗可能因為有一次整啫哩時熱到手，我比佢敷冰，所以佢記得﹗其實上一次只是輕輕比熱水杯熱一下，敷冰只是想轉移佢嘅視線﹗

小丸子係都要幫家姐敷冰﹗

之後我以為佢唔敢再埋爐頭，結果佢話要繼續，慢慢將布丁溶液倒入啫哩杯﹗不過今次我唔敢影相啦﹗專心睇實佢完成佢嘅工作﹗