產品試用: OtterBox ipad + 防水手機保護殼 (仲有禮物送呀﹗)

多謝 OTTER BOX PR姐姐邀請我試用，亦非常非常多謝佢嘅體諒，因為我真係試用咗成 4個幾月呀﹗其實我 9月已經收到，本身打算試用一個月就出 BLOG，但是因為我今次試用嘅有 2款產品，其中一款係 IPHONE 5 防水殼，本身我雄心壯志，想帶大頭妹去沙灘試一轉，之後一直拖一直拖， 天氣都開始凍，仲邊有得試吖﹗最後唯有膽粗粗問 PR姐姐介唔介意我去旅行時試 (即係上次個郵輪 TRIP)，當時係 11月，即係又叫人比多一個月時間我，前前後後就成 4個幾月啦﹗

 先講講 OTTER BOX PRESERVER系列﹗

先講講佢嘅功能﹗佢就犀利啦﹗

• 防水：可完全浸入2米深水中達30分鐘(IP-X8)
• 防摔：從2米高處摔下手機依然受保護
• 防塵：防止灰塵及細屑入侵(IP-6X)
• 保護殼安裝後各項功能均可如常操作及使用
• 附有一個可調校的繫帶，方便攜帶及捆綁

http://www.otterbox.com.hk/preserver-series.aspx

唯一係用完之後唔可以直接差電﹗HEHEH...其實就一定啦﹗唔係又點可能做到防水 30分鐘 (浸入 2米深)﹗

其實大家可能有個疑問，OTTER BOX嘅防水機殼都唔平，有冇必要為咗去影下游水相，買個殼呢？我最近就有一個經驗之談，唔好話你帶手機/ 相機影小朋友游水嘅時候掉咗落水 TOTAL LOST，我上次帶部大機去影大頭妹同小丸子游水，無落過水，但唔知係唔係小丸子拍水太勁，我之後又無好好處理，最近發現個鏡頭發咗霉，好彩個鏡頭唔係好貴...$3XXX...用咗大約 2年...但真係好肉赤囉﹗﹗﹗岩岩打去問，清潔鏡頭要 $500，仲一定要用單/ 保用証，都買咗 2年，去邊度搵返張單﹗

另一款係 DEFENDER系列，我地今次試嘅係比 IPAD MINI用嘅﹗

又講下產品特點先啦﹗

• 保護殼安裝後所有功能依舊能如常操作及使用，包括揚聲器、耳機迷你插孔、相機及充電接口
• 矽膠連接埠蓋能為各主要開口有效阻隔灰塵和碎屑，同時不影響其使用
• 設有一個聚碳酸酯盾殼，從正面或反面均能很好地裝嵌在iPad mini上，同時還能作為支架，可調節為橫向和縱向兩種模式

 http://www.otterbox.com.hk/p-1089-apl2-imin1.aspx?color=black

經我家 2個寶貝試用，佢嘅 "防摔" 功能值得一讚，以前大頭妹好斯文嘅，但自從有咗小丸子嘅加入， 佢地有時意見不合，一個要睇 POCOYO，一個要聽歌，爭來爭去...最後...唔知點解我部 ipad mini...就會係地下...然後 2個就要罰企...

佢另一個好處係佢有一個盾殼，隨咗帶出街時保護好啲，仲可以做埋支架，放係枱面睇就岩岩好﹗老實講，我知好多家長都唔比/ 唔鍾意比小朋友睇 ipad，但作為 "電子奶咀"，有時真係好難避免，我唯一係希望佢地睇嘅時間 "距離" 同 "坐姿" 好啲，唔好睇完又壞眼又傷腰骨﹗

最後，仲有馬年送大禮，送你 ipad/ 手機保護殼，祝大家馬年平平安安，萬事如意﹗詳情請留意我嘅 facebook 專頁﹗

1) 首先要 LIKE我地 Facebook 專頁﹗
2) Like 同 Share此post﹗
3) 留言講你想要的型號： ipad/ ipad mini/ iPhone 5/ Galaxy S4 (名額各1)

* 得獎名單將於 2014年 2月10日於專頁公佈