星期一阿旺要考試，我同大頭姨姨 2人世界去食羅麥記﹗其實想試好耐，之前 groupon 有半價 coupon，不過我地買唔到，見好多人去食﹗最近終於好似少返啲人，可以去試下啦﹗之前食過一次早餐，我見大頭妹同小丸子嘅 feedback都唔錯，尤其是小丸子，一個人食咗大半個餐，仲要自己食，小朋友會自己食...即是好味...
今次叫咗麵包焗豬扒飯同奶茶紅豆冰，其實仲想試下個芝士撈公仔麵，不過驚食唔晒，好彩無叫，我地 2個真係連一個麵包焗豬扒飯都食唔晒﹗
十大必食之一: 奶茶 紅豆冰 (可轉咖啡)
好味道呀，我平時唔太飲奶茶，不過呢度嘅奶茶又真係幾好飲﹗
跟飯 + $25，單點就 $35，不過其實唔係太食到紅豆，下次加 $9飲凍奶茶都可以了。
十大必食之一: 麵包焗豬扒飯
我之前經過見到以為係麵包雪糕 (pokka cafe個啲呢)，原來...係焗豬扒飯﹗
呢個真係好好味﹗份量超大，我同大頭姨姨 share都食唔晒，我見好多人都無食個包，真是有少少浪費，其實個包都好好味﹗
個飯都唔錯架﹗好乾身﹗
沒有留言:
張貼留言