節瓜赤小豆薏米瘦肉湯(附食譜)

一年四季...我最最最唔鍾意就是春天，又濕又焗，今年就又濕又凍，小朋友都易病啲﹗我家工人姐姐就不停問我幾時先凍完﹗heheh...佢地印尼人，真係好怕凍﹗今日想介紹一款好岩春天飲嘅湯水，春天一星期飲一次，有助去濕﹗

節瓜赤小豆薏米瘦肉湯
材料: 節瓜 2條/ 赤小豆 2湯匙/ 生薏米 2湯匙/ 熟薏米 2湯匙/ 慈實 2湯匙/ 瘦肉 300g

做法:
1. 瘦肉飛水備用，藥材洗淨，浸30分鐘。
2. 煲滾 2.5公升水，將所有材料放入，大火煲滾之後用小火煲 1-2小時。
3. 下鹽調味。