HEHEHE...新屋又有傢電 sponsor啦﹗今次是 Whirlpool SS228 抽濕機﹗其實我地本身都有一部抽濕機 (用了3年)，所以一開始的時候，本想推掉 PR姐姐的好意，雖然不用自己比錢，但都要本身有用先接受嘛﹗之後看看 PR姐姐電郵的資料...好吸引哦﹗因為佢是一部 "三合一多功能抽濕機" ，可以抽濕﹑乾衣同淨化空氣，吸引到我一口就應承了 (hehehe...舊的可以比婆婆，她家的抽濕機用咗 20幾年)﹗
首先，我最鍾意就是佢嘅多重過濾系統，同埋負離子功能，可以一邊抽濕，一邊淨化空氣﹗我之前買抽濕機嘅時候無留意，原來有啲抽濕機係有 "空氣淨化" 功能﹗之後一直心思思，唔知換咗部抽濕機好，定係買多一部空氣清新機好﹗買多一部空氣清新機又要搵地方放﹗Whirlpool SS228 抽濕機嘅多重過濾系統，包括: 納米銀濾網，可以阻隔較大污染物。負離子功能，可以淨化微塵。3合1防蟎除臭過濾網，可以阻隔蟎蟲滋生。仲有除臭2合1除臭過濾網，可以清除家中異味﹗
試用咗幾日，真是好滿意，真是 feel到佢嘅空氣淨化功能﹗我第一日係大房用，阿旺係唔知情嘅情況下問我係唔係有空氣清新，覺得間房嘅空氣 fresh咗。第 2日係細房用，大頭姨姨都即時 feel到，問我係唔係抽咗濕，仲問我係唔係有香味，hehehe...香味就無啦，不過因為晾咗衫，平時天氣潮濕，成日晾到啲衫一陣 "up" 味，依家抽咗濕，啲衫無晒 "up" 味，仲有陣陣柔順劑清香囉﹗其實舊屋向內園，新屋向大街，入伙之後一直都覺得大塵咗，想買部空氣清新機，依家一部三合一抽濕機就搞掂晒﹗
右邊第一排是功能制，第一個是抽濕，佢抽濕同時會有空氣淨化功能﹗如果只是要空氣淨化 (夏﹑秋天時)，就可以用第 4個空氣淨化功能啦﹗ 第 2 - 3 都是乾衣功能，就唔會同時空氣淨化啦﹗
其次是佢機身設計纖薄，闊度只有172毫米，比一把短間尺仲要薄，擺放時更加慳位， 我真是係屋企 "求祈" 搵個位，都放得佢落﹗相信大家都有個同感，香港 3 - 4月春天，濕度差不多去到百份之百，無部抽濕機又真是不太方便，但抽濕機又有返咁上下 SIZE，放係屋企，淨係春天用個三幾個月，唔洗用嘅時候都唔知放邊好﹗呢部機身纖薄，就唔怕 "阻住" 屋企地方啦 (香港寸金呎土嘛)﹗
看看外型，好似同一般抽濕機無分別﹗咁就錯啦﹗
比它的側面大家睇睇﹗真係薄過我本身個部好多﹗
最後就是乾衣功能﹗佢有第六感「智醒眼」，識得鎖定目標、迅速乾衣﹗其實我地唔經常會用抽濕機乾衣，不過一年去到春天，都一定走唔甩，會用上乾衣 FUNCTION﹗
唔知點解小朋友都好鍾意玩抽濕機﹗
放工 6:00幾到 11:00，已經抽到半桶水啦﹗以水箱 4.5 L計，即是大約 2L﹗
如果大家想知多啲產品資料，可以去佢地 website睇下架﹗
沒有留言:
張貼留言