趕走致敏原﹗洗冷氣﹑除甲醛﹑全屋抗菌一 take 過﹗

9月仲講洗冷氣？﹗是呀﹗因為我見效果真是好，所以就算遲都出返個 BLOG，下年差唔多時間，可以提下自己﹗

其實 早係 12月尾入伙的時候，就已經心思思想驗查新屋甲醛，成日上網 (monster parents)見到有一篇文章話小朋友有白血病，原因係搬入新屋，吸入過量甲醛，真是好得人驚﹗大頭妹 4歲其實已經搬咗 3次屋，小丸子 2歲幾都 2次，每次都總會有新傢俬/ 油過間屋﹗咁岩得咁橋，大頭妹今次一搬入新屋就 "急性支氣管炎"，當時 Maggie姨姨係 facebook 見到我 post 大頭妹的 status，已經即時 message 問我洗唔洗介紹 Airestec 比我除甲醛﹗因為佢自己都有類似的經驗﹗今次我新屋又真是係大陸訂了 3大件傢俬，但當時我都入伙，就不了了之﹗如果我一早知有這類服務，一定第一時間入伙前就做，唔洗自己成日心掛掛﹗

之後到夏天開冷氣，就到小丸子 "氣管炎"，仲要第一次睇醫生的時候，醫生開咗 "抗生素" ，我見小丸子好似唔係太嚴重，無比小丸子食 (事後比何醫生鬧)，之後小丸子條頸生咗粒成 2cm 嘅野，嚇到我死死下，醫生話應該係啲菌走唔到出嚟﹗之後見國皇之家 Marcus 咳咳，佢地懷疑是冷氣機問題，都是搵 Airestec 洗冷氣，我就即刻打去約，仲指明要 check 甲醛 (始終有啲擔心)﹗如期每個月去醫生放低 $1000-2000，都是治標不治本，不如搵個治本的方法，清除致敏原，全屋抗菌﹗

其實之前大頭妹都 "成日" 要嗅氣，以前都唔會有太大感覺，但有一次我幫佢用嘅時候，我調轉咗上下，大頭妹提我用錯咗﹗用完之後佢仲話好舒服﹗我真係好唔想大頭妹以後要依賴佢﹗

見唔見到呀？﹗耳仔下面個位腫咗一大粒﹗真係嚇到我死死下﹗

 希望全屋洗冷氣，做埋抗菌，可以趕走致敏原，2個囡的氣管會好啲，唔洗成日都 "唔順氣" 啦﹗

一朝早 10:00，師傅帶齊工具就開工啦﹗

其實師傅之前都有講，一般正常用料的傢俬，大約半年甲醛就會去到安全水平﹗但師博見我不停問甲醛的問題，所以第一樣野幫我 check 咗先﹗

嘩﹗好開心呀﹗是 0 呀﹗終於可以放下心頭大石﹗不過佢話佢有做過一個 case，做完除甲醛都 check到有，又再做，都仲係有，之後拆開個櫃嚟睇，原來間傢俬鋪用 "黑心木"，外面是木，入面是膠水同癈紙，膠水同油漆是最多甲醛的，真是好得人驚﹗另外，師傅都有話，原來做膠板，比做 "焗漆" 少甲醛﹗有小朋友的要留意啦﹗

最重要當然是 2個囡間房，雖然佢地暫時都仲是同我地大人瞓，不過佢地啲衫都是放自己房，而且佢地張上下隔床加櫃，是全屋最大件的訂做傢俬嘛﹗都是 0 ﹗

Check 完甲醛就開始洗冷氣啦﹗

其實之前睇 Maggie個 blog都知，新冷氣唔一定就乾淨，不過唔係師傅開比我睇，自己親眼睇，先知原來...新冷氣...係可以咁污穢嘅﹗

裝修時啲灰留返晒係度﹗我地一開冷氣，啲灰就跟住吹出嚟，比我地吸返晒﹗真是唔好話小朋友，我覺得我地大人吸到都唔係幾好﹗仲要小朋友的氣管未發育好，吸吸埋埋咁多灰塵，真是想唔氣管敏感都難﹗

師傅好有心機咁講究每一個步驟，佢話佢地無賣廣告，都是靠口碑，第一步是用澳洲入口的 pH7.0 酵素配方洗冷氣，利用酵素去分解污洉和細菌。唔同一般用強酸洗冷氣，會損害機身，洗完冷氣之後噴返出洗冷氣的 chemical 的空氣﹗

等數分鐘，再用 Karcher 蒸汽過水﹗雖然話是新冷氣，不過大家見唔見到中間白咗一忽﹗就是洗咗的地方﹗我部冷氣是 12月時新買的，6月開冷氣之後，即是用了大約 2個幾月，每個星期都要工人姐姐洗 "隔纏網" ，不過都唔係完全乾淨﹗師傅都特別提我提工人姐姐，洗完隔纏網之後，一定要乾晒先好放返上去，如果唔係一濕，就好易發霉架啦﹗﹗﹗

師傅話我呢部已經叫做好，我地冬天裝修，師傅唔洗開冷氣，佢話如果夏天師傅開住冷氣裝修，新冷氣出廠本身有一層機油特別吸纏，香港天氣又特別濕，濕加纏是細菌最愛的 "食糧"，到下一個夏天再開返冷氣，部冷氣入面都可能發晒霉﹗

最後再做抗菌，佢地話可以 keep到一年，所以大約一年洗一次，就好安全架啦﹗

連冷氣外殼都洗得乾乾淨淨﹗

最後再做埋全屋抗菌﹗Airestec Surface Treatment 可以全屋抗菌，老實講...地可以日日抹，有時一日都唔只抹一次，不過牆就真是好少抹...唔係小丸子去畫牆...我都唔會抹，抹得多又怕 "甩油"，天花就更加，所以一般都是天花最易發霉﹗

唔好以為牆身天花發霉唔大問題，其實自己日日吸返晒啲有霉的空氣，我帶小丸子去睇醫生，醫生係咁講架，所以叫我春天一定要日日開抽濕機﹗今次做埋牆身﹑天花抗菌，師傅話一年有效，出年洗冷氣時再做就可以啦﹗希望啲細菌真是遠離我兩個寶貝啦﹗
 

其實如果一早識得入伙前搵專業人仕除甲醛﹑洗冷氣，就唔洗自己成日都心掛掛，兩個囡都未必會有氣管不適，所以依家我一有朋友搬屋裝修，我都一定叫佢地要 check 甲醛﹑洗冷氣﹗剛剛我老闆最近搬屋，我都推介咗佢用 Airestec，因為佢地的服務非常好，包好晒冷氣，舖好晒地方先開始洗冷氣，洗完又執好地方先走﹗我以前公司洗冷氣，啲師傅成日洗到我成 office都污煙瘴氣，仲有 2次洗完冷氣壞埋，原來因為佢地用強酸洗，部機又舊，洗完咪壞囉﹗依家終於明白啦﹗

如果大家有興趣，就自己去 Airestec 的 website 睇下啦﹗
網址: http://www.airestec.com

facebook: www.facebook.com/Airestec

電話: 24198662

大家 like咗我地個 facebook page未呀？未就快啲 like啦﹗