傻夫婦一家四口生活日誌: ULA Endless Care 晴雨傘

2014年9月16日星期二

ULA Endless Care 晴雨傘

之前都有留意到，原來地鐡站的自動販賣機連雨傘都有得賣，而且經常缺貨，靚色長期都無貨﹗剛剛上個星期天氣好反常，成日出大太陽，又落大雨，我就收到 ULA Endless Care 晴雨傘啦﹗可以即時試用一下﹗﹗﹗

講個秘密比大家知，其實阿旺好鍾意買雨傘，我都唔知點解，佢之前買過 2把比我，一把是自動雨傘，一按個制就會自己彈開，開遮的時候的確方便，不過收遮就要好大力，唔係太岩女士用，而且好鬼重﹗我反映過之後，佢又買過一把 3骨遮比我，輕就係輕，不過開關都麻煩，而且好易反，太大風的時候我都唔擔開﹗

今次收到的 ULA ENDLESS CARE晴雨傘就可以解決晒以上問題啦﹗

首先佢超輕身，而且好大把，直徑達到99公分，都只是重180g。每日放係手袋都唔覺重，而且大大把，帶大頭妹返學時落雨都夠晒遮 2個人﹗佢用的布料好輕身，而且用上納米鍍膜，防水跣水力強，我試過基本上用完，直接放返入佢個外套，已經可以即時放入手袋，唔怕整濕個手袋﹗另外，佢用上極強防颱風傘骨﹗我先幾日好大風時試過，真是好穩陣﹗

叫得晴雨傘，佢可以防 90%UV，隔絕紫外線，我最近做 LASER 美白，有時出去食 LUNCH/ 去銀行，都一定帶住佢，唔係 $1000幾一次打完 LASER，轉個頭曬一曬出晒黑斑就真是慘過白做啦﹗

多功能手帶，可以掛係手袋/ 背包，就算好似我咁失暈，都唔怕成日唔見雨傘啦﹗

防割手保護，就算比小朋友自己開遮關遮都唔怕會整親手﹗

最特別是佢地有 180日保修服務﹗睇下佢地的服務保證: ULA 以製作更完美的雨傘為宗旨, 我們對客戶的意見和投訴是非常重視的。我們提供180日保修服務, 當閣下的雨傘出現問題時, 您可致電2785 2852 或到我們網頁進行登記, 客戶需提供購買當天八達通卡號碼，日期和購買地點。我們將於3個工作日內通過電話進行確認並核實。保修時間大約需時三星期。