2015年5月6日 (星期三)
今日爸爸做運動，唔返屋企食，我地就同埋工人姐姐一齊出街食，順便買埋星期五大頭妹學校生日會要預備的食物。一早就已經叫大頭妹自己揀，佢話想整啫喱糖同菠蘿腸仔，依家 5歲，大個囡，開始有自己的主見同 idea。另外仲要帶工人姐姐去新的琴行，媽媽我等大頭妹 5歲好耐，一到 5歲就報名學琴 (報名個刻其實未 5歲，上第一堂就 5歲啦﹗)﹗後來發現都唔一定要 5歲先上得﹗
大頭妹的功課開始上軌道，依家每日返屋企對一對簽個名就可以，有時可能有幾個字唔靚就擦完再寫，不過每次我都只會揀最唔靚的 2個擦，擦得多都會影響小朋友自信同心情﹗
英文功課要畫埋畫，都幾得意，我依家先知原來大頭妹都識畫幾多野﹗有一次寫 fireman，佢真是畫一個消防員救火，有晒消防員﹑消防車﹑大廈﹑火﹑同水﹗
同佢講要出街玩，可唔可以做 3頁數學 (我extra 加的功課，因為最後因 budget 加 時間問題，無上公文數，我買咗數本數學練習比佢做。佢同我講，只是做咗一頁，原來後面係 "直式"，我未教佢，所以佢唔識做，不過佢好乖，第 2日返學前叫我教佢做，等佢放學可以自己做。其實佢都估點到，自己問我係唔係咁做，之後又問我可唔可做一頁唔做 3頁﹗hehehe...開始識"講價"﹗
對完功課就出去晚餐啦﹗工人姐姐竟然揀翔龍，hahah...翔龍豬肉多喎﹗
呢個小丸子...一邊飲水一邊玩水，玩到成面濕晒﹗其實...我都唔知佢似邊個，爸爸話佢細個好蠢，我細個就好乖...點解生咗個咁鬼馬百厭的小朋友﹗
個燉湯係今期 speical $18...好抵，仲好好飲，唔知有冇味精？﹗
工人姐姐的牛肉麵...原來上次食過，佢記得呢度有牛肉麵食﹗我地的炒飯唔記得影，3個人都食唔晒...其實係就大頭妹食炒飯，我同小丸子都鍾意食上海粗炒，下次都係叫粗炒，大頭妹係唔係都係食少少。
食完野之後去 "夢之島"，再去柏斯，再去 super，返屋企再整啫喱糖，真是超充實的一晚﹗﹗﹗
沒有留言:
張貼留言