2015年5月9日 (星期六)
一早計畫今日去迪士尼，因為是銀卡日，又是大頭妹生日後一日，又是母親節前一日，本來打算用 $299 的 PROMOTION，同埋媽咪同奶奶一齊入場玩返一日，順便慶祝母親節﹗之後原來仲有購物 6折，即時取消入去慶祝母親節的念頭，怕太多人排隊多過玩，到時掃慶就有份，我呢個決定果然無錯...今日真是唔只多人，仲忽然落好大雨﹗最後我地買完野就走，阿旺同 2個囡就係我 SHOPPING 時食咗爆谷，我排完隊比完錢，就返屋企啦﹗真是第一次入迪士尼，連一個 GAME 都無玩就走﹗
出門口時仲好好天，我仲帶晒帽架﹗
去到欣澳都未落雨﹗
百厭人...落雨仲開心﹗
小丸子好開心咁玩水...真是比佢激死﹗
未入場就已經全身濕晒﹗我又一次覺得我地...叫傻夫婦...真是無改錯名﹗我地一家 4口得一把遮，小丸子係我地避雨時已經玩到全身濕晒，就已經可以不理，我地 2個居然唔記得 bb車係唔防水，細雨當然ok，大雨之下...大頭妹原來全身濕透，我地去到迪士尼門口的時候，一開個逢，大頭妹...個人係滴梗水，我地全部人...包括職員...都忍唔住笑...點解世上有咁矇的父母﹗﹗﹗
當時大頭妹個樣...大約就係咁...
今日落雨，有落雨版的巡遊睇﹗
係媽媽瘋狂 shopping 完後，終於走人啦﹗一個 game 都無玩﹗
比大家睇下...走的時候...架車仲係咁濕...
我的一大袋戰利品﹗
今日有 6折真是好抵﹗之前睇中的，今次一次過買晒返屋企，其實如果唔係咁多人，可能買仲多﹗
嘩﹗呢條大方得體的灰銀色 FROZEN 裙，原價 $298，6折後 $180。
呢條超誇張，藍色閃閃 ELSA裙，一樣 $180。
呢條咁可愛又實用的 MINNIE MOUSE沙灘毛布，只是 $113﹗
呢套咁可愛的 MINNIE MOUSE 背心 + 短褲 SET，只是 $171咋﹗個 FROZEN 小手袋就 $93﹗
小丸子都有份嘅﹗佢自己揀咗呢 2樣﹗
因為入場時已經全身濕晒，有帶多一套衫，但無帶袜，即場買咗 2對...出到去發現自己無鉸剪...HEHEHEH...無得著﹗
因為平...見到咩就攞咩...又買多對髮夾﹗
因為淋兩，阿旺返到屋企專登再落街買檸檬，煲檸樂煲薑我飲﹗我真是好幸福呢﹗HEHEHEH...寫篇 BLOG...臨尾都要放閃﹗
大家 LIKE 咗我地 FACEBOOK PAGE未呀？﹗未就快啲 LIKE 啦﹗
沒有留言:
張貼留言