參觀麥當勞叔叔之家

 

2015年5月12日 (星期二)

上星期帶小丸子參觀麥當勞叔叔之家麥當勞叔叔之家，其實本來是帶大頭妹去的，不過大頭妹有少少流鼻水，麥當勞叔叔之家住的都有治療中的小朋友，身體比較弱，所以就唔可以帶大頭妹去，大頭妹都好失望，佢仲記得我地上年暑假幫麥當勞叔叔之家賣獎劵，佢每次經過太古的麥當勞都問我，幾時再幫小朋友賣獎劵﹗(舊文重溫: http://athena-joe.blogspot.hk/2014/09/blog-post_18.html)

麥當勞叔叔之家就是沙田威爾斯親王醫院附近，大約 10分鐘路程，聽職員講原來因為威爾斯有兒童癌症科，所以全港大約 4成兒童癌症病人都是威爾斯接受治療﹗由於小朋友來自不同地區，為免小朋友同家人舟車勞頓，所以就有麥當勞叔叔之家的出現，現時提供 23間房間，比 23個 3-4人家庭使用﹗

今次的參觀其實是一個 bloggers section，平時要 2年先開放一次，因為始終是治療中的小朋友住的地方，樣樣事情都要好小心﹗另外其實是有個記者招待會，不過因為我遲到，所以 miss 咗﹗佢地嚟梗 6﹑7月都有活動，當日就有胡杏兒﹑張敬軒﹑MR.﹑KILLER SOUP...好似是 7月會有 CONCERT，同義工招募的活動﹗(我係度都想同當日出席的 bloggers 講聲唔好意思，當時我遲到，要大家等我，先開始個 TOUR，真是唔好意思﹗我抱住小丸子唔識路，行咗 20分鐘得返半條人命，當時都唔記得講聲唔好意思﹗﹗﹗)

首先參觀 1/F 的 COMMON AREA，有一個小朋友玩的地方﹗

呢個小朋友，去到有得玩就咁精神，落車到去到之前一刻，佢都係瞓梗覺，要我抱囉﹗抱住佢由巴士站行上山，真是好攞命，我同自己講，下次唔會再帶佢出街﹗﹗﹗

另一邊有圖書閣﹗

仲有一間小課室，由於治療中的小朋友都要停學，所以都有職員/ 義工會去教小朋友認字/ 玩遊戲﹗

呢個是一個 GIFT CORNER，小朋友入來住的時候，可以係呢度揀一份禮物，等小朋友有一個親切的感覺，生日的時候又可以揀一份禮物﹗

有一個小花園，可以比大人傾下計，傾下心事﹗

是由容祖兒 SPONSOR的呢﹗

之後參觀廚房﹗治療中的小朋友，食物營養同食療都好重要，所以廚房設備都好齊全﹗

每人都有一格 (入面分開一格格) 雪藏同冷藏格可以用﹗

仲有食物銀行﹗

呢幅牆的心心，全部都是呢度的小朋友自己親手做的﹗

1/F 的另一邊有大少少的花園，仲有一條行山的小徑，可以比小朋友同家長 RELAX一下﹗

仲有一個 AREA 比小朋友學種植﹗

之後到參觀房間，職員話因為岩岩有小朋友好返搬走咗，所以先有機會參觀，平時就算開放日都未必會有房間。

其實有少少似酒店，不過就好 COLOURFUL﹗

床單都好 COLOURFUL﹗

牆身都有不同的童話故事。

DONOR TREE

2/F 就有一個正式的圖書館同電腦室﹗

中間我地都有同係度住過的小朋友家庭傾過，佢話麥當勞叔叔之家真係幫到佢地好多，除咗提供咗地方比佢地住，方便了生活。另外，就是有一班家長，可以互相幫助，亦有多些傾訴的對象﹗

唉...其實做家長，真是無野比小朋友健康重要﹗小丸子雖然你好百厭，返學又唔留心，不過最重要是健健康康﹗

好鍾意小丸子影的呢幅相，原來佢嘅 EYE LEVEL...睇到嘅我係咁...我相信媽媽的手，對小朋友係好有安全感﹗

 

更多資料/ 義工登記:

http://www.rmh.org.hk/new02/main_T.php

 麥當勞叔叔之家是個甚麼地方？
「麥當勞叔叔之家？是個什麼地方？」那裏肯定沒有漢堡飽薯條的味道和影子。原來「麥當勞叔叔之家」是一個讓患病的小朋友和他們的家人暫時居住的地方。那裏 有二十三個附有浴室的房間，還有客廳，廚房，飯廳，洗衣房，遊戲室，圖書館及花園。經醫護人員轉介入住後，病童的家人便可以享用各種家居設施，有像住在家 裏的感覺。從「麥當勞叔叔之家」步行往威爾斯親王醫院只需要四分鐘。家長可以日夜在醫院陪伴子女之餘，還可以回來照顧自己及其他家人的日常生活。不少家 庭，為日夜照顧長期住院療養的兒女，很久不能 圍坐飯桌一起吃飯，箇中滋味，只有過來人才能明白。入住麥當勞叔叔之家之後，每晚自己煮飯，一家一起吃飯，變得容易得多了。在「麥當勞叔叔之家」，住客們 能體會到甚麼是同舟共濟。家長之間彼此關懷照應，交換食療心得，切磋廚藝；病童一起遊戲玩耍，舒緩不少壓力。很多訪客見到一張張孩子的笑臉，都覺得奇怪。 其實病人不一定都愁眉苦臉，喜樂是最佳的良藥，人生難免有逆境，要以頑強的鬥志面對長期療病的過程，學學麥當勞叔叔的樂觀積極精神，確信明天一定會更好， 患病的日子也容易過。

 

大家 like咗我地個 facebook page未呀？未就快啲 like啦﹗