傻夫婦一家四口生活日誌: 【大頭姨姨】『輕井澤自駕遊‧雲場池‧星野溫泉‧石之教堂‧王子購物廣場』東京輕井澤7天遊記 20160108 Day 2

2016年4月16日星期六

【大頭姨姨】『輕井澤自駕遊‧雲場池‧星野溫泉‧石之教堂‧王子購物廣場』東京輕井澤7天遊記 20160108 Day 2

嚟到行程嘅第2日，先食個酒店早餐！因為唔係旅遊季節，所以都唔太多人！

日x西式早餐

沙律區

睇埋食物牌都唔知係乜嘅伴菜類食物？！

健康之選—納豆

飲品區仲有飯同麵豉湯

全場最愛—焦糖流心布甸

噚日落雪，今日就天朗氣晴，即刻和暖返d！

繼續自駕遊，噚日揸咗大半日，又上山又落山，今日熟練好多喇！首站去雲場池，輕井澤其中一個著名景點！只是如果紅葉季節才來的話，應該會更令人更印象深刻！

園區範圍不大，就算是慢慢欣賞，再中途留下倩影，大概半個鐘左右都可以逛完！期待下次有機會秋天時再來欣賞紅葉！

欣賞完雲場池後，就到遊日本必備環節—浸溫泉！來到輕井澤，當然要去星野溫泉啦！

入場費1,300YEN，另有租毛巾的費用！兌返港幣$100都唔駛，比起台場的大江戶溫泉物語算經濟啦！

天寒地凍浸露天溫泉真是特別舒服，只是出去個一下要鼓起大d勇氣！淡季季節再加上上午時段，基本上同包場無乜分別，全個場數埋都無10個人！

如果浸完一轉想係附近走走再浸的話，離開前就要蓋呢個印再同職員確認喇！

步行約5分鐘，就到達另一邊有d商店同餐廳！古舊的設計感覺讓人很放鬆，十分適合浸完溫泉過來逛逛！

木製家品店

自家製的Gelato

揀咗日本風味的巨峰同抹茶！冬天食雪糕，別有一番滋味！

遊覽完星野溫泉的小街後，就到附近的另一個著名景點—石之教堂！

十分有特色的建築，剛好我哋去時無活動進行中，所以可以入教堂內參觀，只是不准攝影，想要係教堂內留倩影，可能要嚟舉行婚禮先有機會！

附近仲有高原教堂—星野遊學堂！

旁邊有間牧師館，整個範圍環境都好寧靜，再加上只是得三數個遊人，感覺令人好放鬆！

完成埋石之教堂的行程再入返滿d油就還車lu！咁樣兩日夾埋揸咗起碼5個鐘以上都是5xx YEN，真是抵過香港好多！下次再嚟都會自駕遊，可以免卻等車的時間！

觀光完，又浸埋溫泉，養足精神就去血拼喇！來到輕井澤最著名景點—輕井澤王子購物廣場！山上面有滑雪場，但相信我哋都會係跌多過滑，所以就跳過咗滑雪的環節，或者等將來有日去第二度跟團必定要玩時再試吧！

Shopping前當然要先醫飽個肚啦！其實outlet範圍內都有幾間餐廳，但最後我哋都是揀咗去food court，咁大家可以各自揀自己想吃的！

雖然香港成日有機會食，但嚟到日本總想食下人哋地道的咖哩飯！或者咖哩汁個味可能同香港差唔多味，但塊吉列總是juicy d、新鮮d！

另外仲點咗漢堡餐連薯條再加多個湯！

食飽就開始行動！輕井澤outlet應該唔使多介紹，商店之多佔地之大，真是行一日都行唔完！nike、adidas、reekok、columbia呢d outlet常駐店實有啦，另外仲有BEANS、earth music、CECIL McBEE、jeanasis...總之就應有盡有啦！詳細商店名單同營業時間可到官網參考 (http://www.karuizawa-psp.jp.t.kd.hp.transer.com/web/plazaguide/tw/)！噚日大致上兜咗一半，今日再兜埋另外個半，鎖定目標留到最後一次過出擊！

話咁快就行到天黑！

晚上亮起燈飾，好似返咗XMAS咁！會唔會有助刺激消費意慾呢！？

買到滿足後就返酒店拎行李，但因為之前行得太開心，唔記得check定列車時間，到走時先發現搭唔到18:51要等到19:41，所以拎完行李即刻飛奔去車站！揀咗近JR的APA呢一刻的好處就起作用，剩返10分鐘，都可以比我哋推住個喼奔跑到車站，仲有時間劃埋位，上到月台都仲有時間剩！

之前嚟東京都住新宿，今次試下住第二區，睇下邊區方便d，於是就揀咗同樣有好多地方食嘢同shopping嘅池袋！考慮到離開時個喼必定重到搬唔郁，所以就揀咗有利木津機場巴士的Hotel Metropolitan (http://www.hotelmetropolitan.jp/)！除咗機場巴士，另如果對自己嘅臂力有信心的話，可以選擇乘車時間較短的NEX，車站就係酒店附近！巴士特急列車各有各方便！book呢間酒店時，expedia剛好做緊「入住4晚，可慳25%」的優惠，同時可再用埋信用卡9折優惠，book 5晚共HKD5,470，平均一晚HKD1,094，係東京嚟講都算經濟！房價參考 (https://www.expedia.com.hk/Tokyo-Hotels-Hotel-Metropolitan-Tokyo-Ikebukuro.h13386.Hotel-Information) + 通常我會去HotelsCombined一次過睇晒多間訂房網站的價格，跟住再去埋酒店官網格價，有時可能會平過訂房網站，而且東京好多酒店都可以係入住前免費取消，但當然book前要望清楚條款啦！

酒店對面就是lumine，過條馬路就有街行，然後穿過商場就係JR，地點真是好方便！

始終嚟到東京都唔會太多時間留係酒店，但semi-double又真是太細間，見兩個房型5晚合計都是差HKD581，所以就揀咗standard double！點知一入到房，即時有疑問「呢間係standard double？！同網上嘅相片有出入bor」！上次住新宿sunroute plaza standard twin，感覺好似大好多，唔通我記錯！？

仲要奇奇怪怪地掛衫嘅位係床頭隔離！？可能我一去旅行特別易諗起d鬼片橋段，總覺得瞓到半夜時會有隻無血色的手係個度伸出嚟！生人唔生膽的我，愈諗愈覺會成真，同埋呢間房要住5晚，所以就決定落去轉房！

酒店職員話呢間的確係standard double，只是因為係corner房，所以間隔有d唔同！本身同我講話其他房間都full晒，但後尾check多陣又話有房，不過係唔同樓層，問我o唔ok，原來佢以為我想換返同一層，唔理點解佢會咁以為，總之最後換到房就ok！咁以後知道訂房時備註要寫明唔要corner房！換返間正常房，心理作用又好事實如此都好，即刻覺得大咗同舒服咗，起碼同網上的房間相片相符返先！