辛安東元祖奶奶雞@20160428

好耐好耐之前同大學同學食過一次，之後成日話同阿旺去試試，今日約了朋友到銅鑼灣傾野（如果成事，大家6月會係電視見到我地一家），因為喉嚨痛，又因為金雀裝修，又可能因為最近煲「太陽的後裔」，煲韓劇的都懂，煲開個排特別想食韓國菜，所以我地終於試到啦！

前菜：昆布青瓜

茶壺甘露煮蜆，味道唔錯，我同阿旺不停飲個湯，飲到尾的時候，我終於知道原來甘露是「酒」，因為我飲到醉醉地，哈哈，我平時是飲少少都唔得，我感覺到我手震同心跳加速。

主角出場啦！我地點了加蠔的一款$178（半隻雞），有4隻蠔，比平常的貴$30，但阿旺話啲蠔好好味，佢覺得抵。一碟有大量蔬菜：紅蘿蔔、薯仔、青瓜，底下有口感好煙韌的粉（是綠豆粉嗎？），當然仲有雞！阿旺話好好味，我冇介紹錯！

食完去Sogo買 cheese tarts 做宵夜！

呵呵呵...最近越叫減肥越想食！

一邊食cheese tart，一邊睇佢地三父女表演雜技！

哈哈...我地每次夜返，2個女就好興奮！

 大家 like 咗我地 Facebook page 未呀？﹗未就快啲 like 啦﹗