中環【勝香園】@20160429

好耐都無食過勝香園，以前做完產檢，好鍾意同阿旺去食。其實公司行去勝香園都唔遠，不過我一人公司，無飯腳，自己一個去，要人個人食晒一碗通粉，一份脆脆，再加一杯咸檸七，會十分飽，即是好似我今日咁！哈哈哈﹗

茄蕃餐肉紅腸通加茄（雙份茄），唔知大家知唔知，其實可以叫雙份茄？！蕃茄通的特色是全茄汁湯底，但就無蕃茄麵的原粒蕃茄，雙份茄就有齊啦！可以一次過滿足晒我2個願望！

檸檬蜜糖脆脆，好似同以前唔同咗味，甜咗又酸咗，總之就唔係以前的味道。

咸檸七係勝香園名物，好似得呢個同以前同一個味道，不過以前係支裝汽水？！定我記錯？！

下午 3:00來吃，仍然大排長龍，對面九記更加排幾十人，但看來大部分都是遊客，到我4:00走之時，2邊的人龍更長，想食既朋友，要自己睇時間啦！

大家 like 咗我地的 Facebook Page 未呀？﹗未就快啲 like 啦﹗