想試南亭好耐，終於襯老公生日的日子試一次，價錢有點貴，不過阿旺話貴得合理，食物水準係有分別呢！
Hehe 今日又二人世界，因為估計2個開學之後應該冇咩時間可以二人世界，暑假要用盡啲 quota！
又飲啤酒！
燒牛舌 $78 超級好味！真是非一般的好味，必食推介。
燒白鱔 $98 真是好彈牙，連平時唔好魚既我都覺得好好味，皮燒得好脆，肉質彈牙，十分有水準！
這個是海鮮set，沒有記錯是 $288，有4款海鮮，以下是一人份。
其實應該是一隻鮑魚，不過今日沒有鮑魚，換成 2隻蝦 （散叫 $88）。
帶子 （散叫$128）好好味！阿旺連汁都飲埋，話好鮮甜。
魷魚算是set之中既飽肚之選。
其實是冬菇雞肉丸，我影唔到啲雞肉，呢個都好味道，好似仲有少少雞軟骨係入面！
燒牛肉 $80，點了普通的燒牛都好好味，另外有安格斯牛柳好似$138。
燒芝士雞翼 $68，食唔到有芝士，反而有啲青紅椒係入面。
燒銀雪魚 $98，放心不是燒焦了，應該是我影相問題，我比較喜歡銀雪魚，好滑好juicy！
返到屋企當然要同2個女切蛋糕啦！
螺無咩特別，但阿旺又是連汁飲埋，啲汁好甜，佢話好似平時飲響螺湯。
最後食得太飽，沒有叫飯團，其實都好想試，如果唔食海鮮類，其實都唔貴既，下次會再去！
沒有留言:
張貼留言