每次去日本，我地都一定會去食牛牛，因為我同阿旺都特別鍾意食牛！今次一早 book定【宮崎牛鐵板燒】，是我隨便在 google找的，在酒店附近，評分不錯，而且大頭小丸之前未試過鐵板燒，誰不知我一心 book lunch time，諗住 lunch set抵食啲，竟然無發現我 book的是週末，因為排行程時我是用第一日、第二日去排，結果沒有 lunch set，作為一位一向自稱既專業又精明的靚太，今次真是老貓燒鬚！🤣🤣
餐廳有識廣東話的師傅，師傅是國內人，去過英國打工，所以識到香港人朋友，學識咗廣東話，係英國認識了日本人太太，所以後來就嚟到日本工作，佢話如果有香港/ 中國人的booking，通常都會是佢招呼的。
今次安排了 semi private room，係一間房分開兩邊，中間有 partition。
已經唔記得咩事，類似是家姐唔同佢玩/ 佢講玩野，我地無人答佢之類！
好啦﹗食物出場啦﹗連前菜都好精美特別！
凍湯
沙津都好有水準，用料好新鮮，蕃茄超甜！
另外點的龍蝦和帶子，龍蝦是師傅推介的，因為點了龍蝦，之後會有龍蝦麵豉湯！
師傅好厲害，去殼起肉，乾淨俐落！
帶子都超好味！
師傅推介我地食最平和最貴的一款 (另有一款更高級)，師傅話其實平的一款，已經很高質素（因為不是lunch set嘛🤣）！比較貴的一款脂肪比較多，吃多反而會太膩，但絕對不可不試﹗ 所以叫我地平的要大份，貴的要細份就可以。
師傅推介我地食最平和最貴的一款 (另有一款更高級)，師傅話其實平的一款，已經很高質素（因為不是lunch set嘛🤣）！比較貴的一款脂肪比較多，吃多反而會太膩，但絕對不可不試﹗ 所以叫我地平的要大份，貴的要細份就可以。
阿旺覺得貴的一款好味啲，都正常呀！不過都同意食太多會比較油﹗
其實我覺得『赤身』都不錯﹗
炒飯，真是每一道都咁美味！
食到一半，仲可以加入魚湯，試一試泡飯的風味﹗
龍蝦麵豉湯，甜到一個點，真是正到無朋友！
最神奇的是連放牛扒的麵包，都可以變成甜品，仲要超級超級超級好味！
真是非常非常美味﹗
最後仲有咖啡﹗
絕對是今個旅程最美味的一餐﹗推介﹗﹗﹗
宮崎牛鐵板燒:
沒有留言:
張貼留言