2023年2月20日
時光倒流到無工人姐姐的時間，又斷咗一陣子無寫blog，一來懶，二來忙。現在回想返無工人的日子，真係忙到爆，所以阿旺話唔可以唔請工人，因為佢唔想做家務，但如果真係唔用，佢長期唔幫手，佢驚我會鬧爆佢！
唔知大家有冇發現，其實我比較少煮中菜帶飯，因為唔知係唔係我個食物保溫壺舊咗，大頭妹四年級嘅時候買，之後疫情一直都冇用過，最近用返唔係太保溫。中菜我覺得熱食先好味，所以我寧願煮日式或西式。
呢個番茄肉碎是大頭妹最愛之一！
小丸子唔鍾意食茄汁，所以佢個份是肉餅，仲有墨魚餅！
小丸子話肉餅都好好味！
我每次煮肉碎/ 肉餅，都是在Apita買丹麥豬肉，真係特別好味㗎！
沒有留言:
張貼留言