【東寶】探b + 舊同事聚會@20150909

2015年9月9日 (星期三)

今日去探舊同事的 BB﹗探完之後同舊同事一齊去食東寶﹗

小丸子真是好鍾意 bb，佢又識得細細力摸bb，又叫我地講野唔好咁大聲，會嘈住 bb瞓覺，真是好可愛﹗有時我自己都會諗，如果佢同大頭妹換轉就好，咁可能佢唔會再蝦家姐 (因為自己係家姐，無家姐比佢蝦..哈哈...)﹗

bb岩岩滿月，見到小bb，又會好想生多個﹗

 依家東寶好得意，會播 80年代的歌，仲要好大聲好大聲，其實唔係咁岩小朋友去，搵到大頭妹，成晚都食唔到飯，平時已經食唔到，今日比多一個藉口佢﹗不過如果一大班 70後同事去，又唔怕嘈，應該會幾開心嘅﹗食物質料同以前一樣佢，係唔明點解要咁大聲播歌﹗

 風沙雞﹗

花雕蒸花甲，小丸子食咗2-3隻﹗

炸日本蠔，我平時唔食蠔，嚟到呢到都要食，真是好好味﹗

炒白菜，點比小朋友食啦﹗

蕃茄龍骨魚湯，好好味架﹗

炒牛柳粒，小丸子好鍾意呢咪餸，因為有好多菇菇﹗

沙拉骨

大家LIKE咗我地個 FACEBOOK PAGE 未呀？未就快啲 LIKE 啦﹗

近況【大頭小丸轉幼稚園】

 

 

最近開始有人問我，點解前一排成個星期無出 blog？﹗好開心，原來都仲有人會日日嚟望下我個 blog﹗無呀﹗其實因為真是好忙好忙，而且好緊張好緊張，由收到幼稚園 interview 電話，到知結果的 3日入面，我完全緊張到瞓唔到，我仲比阿旺笑我，連幼稚園都咁緊張，幾時先上到大學？﹗呀﹗因為事出突然，之前一直都無講，其實我地幫大頭妹同小丸子轉咗學校﹗

好啦﹗入正題﹗轉咗邊就唔講啦﹗大家見到校服知道係邊間就心照得啦﹗其實大頭妹快升小學，我都想比返少少privacy佢，雖然我個人一向都唔重視 privacy (笑)﹗hehehe...如果你個人真係好有好奇心，你pm我問我都一定答嘅﹗

長氣人，講咁耐仲未入到正題﹗

話說 8月份的時候，阿旺的朋友同我地講，話知道佢地學校有同學轉校，應該會有位收 K3插班生，K1都仲有位，叫我地試下寫信，我同阿旺就1516唔知點啦﹗最後竟然是阿旺決定寫信，不過信就當然係我寫啦﹗咁我就寫咗一封求位信，同一封插班信，寄比學校啦﹗如是者一等，成個暑假都無回音，到暑假尾我就叫阿旺打去學校問下啦﹗當時學校的回覆是要有小朋友退學先有位，到時就會call我地啦﹗

到 9月開學 2星期啦﹗我叫阿旺不如再打去問下，阿旺話如果有位，人地就打咗比我地啦﹗到第2日，阿旺朋友又叫佢打電話，阿旺都是覺得無希望，所以都冇打﹗點知就是同一日下午，我地終於收到學校的電話，阿妹可以 10月轉校入學，家姐就要 2日後 interview﹗

我真是覺得成件事好奇妙﹗interview 個日，因為要去 bossini x ocean park event，我同阿旺一早已經請咗假﹗ 岩岩個個星期收到小一自行分配張 form，以我咁心急的人，竟然真是先填份副本交返去幼稚園比老師對，所以仲未填份正本 (轉校會影響我小一揀邊間)﹗成件事好似早有預備﹗

interview當日，原來都有好幾位小朋友，大頭妹例牌唔會講返比我聽 interview咗啲咩，都見咗成 45分鐘，佢話有自我介紹﹑寫中英文名﹑仲有寫下字﹑唱歌﹑仲有玩遊戲﹗我見佢出嚟都好開心，佢問我佢係唔係之後返呢間學校，又話自己今日係嚟試堂？﹗我都唔知點解佢會咁諗﹗最後我地星期五收電話，學校收咗大頭妹，我地下星期一可以去註冊，星期二就可以返學啦﹗出 blog 之時，2 個都應該返咗新學校啦﹗

近況報告完畢﹗

小丸子3歲5個月【K1開學】

因為轉校的事，事出突然，我寫 blog 進度又慢，出 blog 之前，小丸子已經轉咗校，開咗第 2次學，我先寫返第1次開學﹗

今年開學，原來的幼稚園搬咗校舍，其實同去新學校無分別，今年 2個班主任都是非常有經驗的，我真是好開心，哈哈，點知 2個星期後，忽然有機會轉校﹗老實講，都有唔捨得，不過真是無辦法，唔想玩升小一的遊戲，家姐 K3都轉校，阿妹當然要跟啦﹗

本來今個學期，大頭妹同小丸子一個返上午，一個返下午，2個都要坐校車﹗小丸子日日放學都同我講好悶，佢話等家姐放學等好耐，又唔見晒啲朋友 (即是家姐啲同學，佢以前會接家姐放學，所以同家姐同學好好朋友)。依家轉校，一齊返下午班了﹗又可以一齊玩啦﹗

第一日返學，好開心﹗我覺得小丸子今年乖咗好多﹗

講到好多學校的事比我知，佢話老師講上堂唔可以講野，唔可以企起身﹗

係呀﹗K1 多好多規矩要守架啦﹗唔可以再好多 N班咁，鍾意點就點﹗

第1日返學，當然由媽媽帶返學啦﹗

希望媽媽無幫你揀錯啦﹗雖然好多人話新學校適合家姐，多過適合你﹗不過媽媽相信你，你大個囡啦，開始知道要守規矩，會乖乖聽老師話，做一個好孩子﹗

大家LIKE咗我地個 FACEBOOK PAGE 未呀？未就快啲 LIKE 啦﹗

bossin x 海洋公園哈佬喂 2015

今年我地一家又有得率先試玩 【海洋公園哈佬喂 2015】啦﹗點解有得優先試玩？﹗

咁就要多謝 bossini 的靚女公關邀請啦﹗今年 bossini 與海洋公園再度合作，推出 bossini x 海洋公園哈佬喂系列，男﹑女﹑小朋友都有齊，又可以家庭裝出動啦﹗我地一家當然要親身示範，落場去哈囉喂玩返轉啦﹗今次仲約埋國皇同 80後一家一齊玩﹗

今年大人都多咗好多款，記得前年玩的時候，真是個個媽咪都撞衫﹗
我呢件是短袖款﹗岩晒依家10月都仲咁熱的天氣著﹗

今年小朋友的服飾加入好多 "立體" 的原素，特別 cutie﹗而且質料都好舒適﹗

男士都一樣，今年都多咗好多款﹗
好似阿旺呢件就是蝙蝠 pattern，唔一定要 Halloween 先著得﹗

不過講多款就一定是小朋友最多啦﹗

來個全家福先﹗


小情侶出場啦﹗

嘩﹗忽然鏡頭一轉，就去到海洋公園哈佬喂的一眾 "鬼鬼"﹗

大家有冇覺得好出奇，點解唔見小丸子？﹗
佢入場初段，大部份時間都係呢個狀態...hahahah...笑死我啦﹗
入嚟之前仲好叻咁話自己唔會驚...

原來 Halloween期間，會有 "南瓜吊車"，唔係第1年架啦﹗我今年先知﹗

行咗一陣就去海洋冰室醫肚啦﹗連餐廳都好好氣氛﹗

我地今次無食 Halloween套餐呀﹗
不過我有影到相﹗

Halloween 兒童餐﹗

我地點咗: 咖哩牛腩，我食咗少少，都少少辣，我個人唔食得辣﹗不過都幾好味，有薯仔，有車厘茄，牛腩仲好腍添﹗

我個人認為去到海洋冰室必食的瑞士汁牛河﹗
我覺得水準同太平館差不多，如果平時太平館都要 $98，呢度好似 $138定 $148？﹗

感覺好似比食燒味抵食﹗不過今次咸咗少少﹗

雞絲雜菌炒伊麵，同牛河一樣，唔知 $138/ $148﹗好似包一杯可樂/ 熱飲﹗

另外加 $20，可以轉 Halloween 特飲，我無試，呢杯係 Mandy的，佢話...唔好飲...


我覺得今年啲鬼好似 "靚" 咗，無以前咁恐怖﹗

最後當然唔少得小朋友的大合照啦﹗

如果大家都有興趣，都可以去 bossin 的 online shop睇下架﹗
依家買滿 $800，仲送海洋公園入場劵 1張﹗滿 $1500 有 2張﹗

bossini:http://www.bossini.com/en/halloween-collection/

海洋公園: http://halloween.oceanpark.com.hk/html/index.html?lang=tc

智紛全年入場證會員

於哈囉喂全日祭期間，金卡、銀卡^及學生卡會員無須額外購票進場，

更可以折扣價成人港幣$345，小童港幣$173購買哈囉喂優越門票*(每人每日限買1張)。

另外，每位會員在整個哈囉喂全日祭期間，可以優惠價成人港幣$620，

小童港幣$310為朋友購買最多4張哈囉喂優越門票。

大家LIKE咗我地個 FACEBOOK PAGE 未呀？未就快啲 LIKE 啦﹗

【Sugar】媽媽聚會@20150918

住咗係太古咁耐，一次都未去過 Sugar！今晚竟然即慶來個mami's night (笑)!

Sugar係 East Hotel 32/F 的酒吧，放工時間都幾多人嚟飲下野，尤其外國人多！個view都幾靚，價錢中等，講真真是唔貴，non-alcohol 的 cocktail 都只是 $65杯！pizza﹑小食都是 around 百多元，份量都唔太細，幾個朋友一齊飲飲食食就最岩啦﹗

由於高過晒前面的太古城，所以可以有個無敵海景！

小食的質素都非常不錯！Pizza我無食，我未去到！

薯條好正！加埋芝士仲正！

德國腸，有少少蜜糖，好味！

牛柳粒都唔錯！可以生少少就仲好！

哈哈！得我一個唔飲酒，想要杯橙汁，侍應介紹我飲杯無酒精的cocktail 。

下次我都要試下飲紅酒（笑）。

一支$530，除返都是幾十蚊杯，都 ok啦﹗

我返屋企同阿旺講，下次同佢去二人世界一下，不過我估我地 2個都無咁嘅閒情﹗

大家LIKE咗我地個 FACEBOOK PAGE 未呀？未就快啲 LIKE 啦﹗