大頭妹小丸子便當 （17/04/23-21/04/23）

我覺得以我懶惰的情度，我一星期出一次blog應該是可以的！其實都不是懶，是真的很忙，兩個女越來越大，功課都越來越忙，加上小丸子今年都呈分，所以都要再努力加油！

一星期的午餐🍱

星期一：煎無骨雞翼、西蘭花、車厘茄、湯烏東

星期二：蛋包飯、炸雞、腸仔、西蘭花、車厘茄

星期三：牛扒、粟米、薯絲、車厘茄、藍莓

星期四：西蘭花炒蝦仁、蒸水蛋

星期五：韓式吞拿魚飯卷、獅子狗、橙、熊仔餅

星期一：煎無骨雞翼、西蘭花、車厘茄、湯烏東

我的沒有烏東，加了我最愛的酸蕎頭😋


星期二：蛋包飯、炸雞、腸仔、西蘭花、車厘茄

星期三：牛扒、粟米、薯絲、車厘茄、藍莓

星期四：西蘭花炒蝦仁、蒸水蛋

小太子忽然話食中菜，好彩雪櫃仲有一包蝦仁。


蒸水蛋帶到返學校變了豆腐花😆

星期五：韓式吞拿魚飯卷、獅子狗、橙、熊仔餅

我自己都有份，因為真是好好味😋。

今次我終於買齊韓國麻油、牛蒡！




希望可以keep到啦！Bye bye！

大頭妹便當：照燒雞扒烏東 （附食譜）

2023年2月2日

其實帶飯我幾鍾意煮烏東，朝早放鰹魚湯包煲滾水，放烏東煮幾分鐘就煮好！

雞扒我在Apita買的 S Pure，$120有 7塊，貴是比一般貴，但又真是比較乾淨，亦都好有雞味。

好多人問我照燒雞扒食譜，唔記得之前有冇寫過，其實日本人煮食一般有固定份量，所以日本家庭料理比中菜容易掌握，照燒雞扒的份量就是1塊雞扒，豉油、清酒、味醂各1湯匙，糖1茶匙。無味醂其實都唔緊要，用清酒代替，再加多少少少少蜜糖都可以。

解凍之後！

早一晚醃定。


第二朝煎一煎就搞掂，其實都唔洗幾多時間。




呢份是先切成一口大小再煎，我想睇下分別。




無印呢個袋真是好用！

大頭妹小丸子便當：牛肉湯烏冬 牛肉冷烏東

2023年3月27日（星期一）

是的，有時我自己都唔明點解2個女都是我生，但喜好完全唔一樣！一個要食冷烏冬，一個要食熱烏冬！

冷烏東其實以方便，20分鐘就煮好，一煲水煮完烏冬，再煮牛肉。

中間是冷麵汁，$12店買的盒仔。


Hehe…我又買咗新角落生物飯盒，呢款有保溫，連埋我最近在Franc Franc買的貓貓壺，小丸子話返到學校湯同烏冬都是熱的！我覺得可能因為個壺容量少，200ml容量，剛剛就是一碗湯，無咩多餘空間，所以特別保溫，小丸子話返到學校仲出煙，終於食到熱的湯麵。






我用呢款烏冬，短身同快熟，只需要轉5-6分鐘，在City Super有售。


熱湯有時我偷懶，就咁用即沖的麵豉湯。

Apita呢款火鍋肥牛都唔錯，$99分到3份，1份係2人份（大頭妹細食），但我覺得就算男仔份3-4份都夠，一餐都是30幾。


其實我煮完覺得個湯好香，不過唔知可唔可以用嚟做湯底。






上次係 ig 見啲人教斜切橙、檸檬，啲核就會係晒面，可以好容易挑走。

大頭妹小丸子便當：茄汁肉碎 肉餅 墨魚餅 菜心

2023年2月20日

時光倒流到無工人姐姐的時間，又斷咗一陣子無寫blog，一來懶，二來忙。現在回想返無工人的日子，真係忙到爆，所以阿旺話唔可以唔請工人，因為佢唔想做家務，但如果真係唔用，佢長期唔幫手，佢驚我會鬧爆佢！ 

唔知大家有冇發現，其實我比較少煮中菜帶飯，因為唔知係唔係我個食物保溫壺舊咗，大頭妹四年級嘅時候買，之後疫情一直都冇用過，最近用返唔係太保溫。中菜我覺得熱食先好味，所以我寧願煮日式或西式。

呢個番茄肉碎是大頭妹最愛之一！

小丸子唔鍾意食茄汁，所以佢個份是肉餅，仲有墨魚餅！


小丸子話肉餅都好好味！


我每次煮肉碎/ 肉餅，都是在Apita買丹麥豬肉，真係特別好味㗎！

大頭妹便當：牛肉漢堡三文治 梨 蘋果啫喱

我個人好怕每日重複吃一樣的食物，但每日要想想吃什麼，真是好傷腦筋！

間中偷懶一次，預備三文治！漢堡扒加芝士，再加少少茄汁！唔洗15分鐘煮好！





大頭妹的餐盒，好多人話好少，夠唔夠飽！其實佢次次都食唔晒⋯⋯


食淨幾粒梨，2粒車厘茄就無食到，都算成功啦！


小丸子的小息盒。