大頭妹小丸子便當（24/04/23-28/04/23）

今個星期無偷懶，煮足5日！！！👏🏻👏🏻👏🏻

大頭妹小丸子一星期的午餐🍱

星期一：炸雞、飯團🍙、青瓜、橙🍊

星期二：牛肉烏東🍲

星期三：咖喱雞扒飯🍛、蒸水蛋、青豆

星期四：茄汁肉碎、青豆、海帶麵豉湯

星期五：西冷牛扒、車厘茄、薯蓉、藍莓🫐 

​​炸雞、飯團🍙、青瓜、橙🍊

整飯團淨咗嘅飯，下午加咗啲乾瑤柱煮粥比自己食，好味又唔浪費。


牛肉烏東🍲

咖喱雞扒飯🍛、蒸水蛋、青豆

呢個日式方便咖哩，是我懶惰時的好幫手！大頭妹鍾意食咖哩，所以佢都經常出現。

茄汁肉碎、青豆、海帶麵豉湯

西冷牛扒、車厘茄、薯蓉、藍莓🫐 

大頭妹小丸子便當 （17/04/23-21/04/23）

我覺得以我懶惰的情度，我一星期出一次blog應該是可以的！其實都不是懶，是真的很忙，兩個女越來越大，功課都越來越忙，加上小丸子今年都呈分，所以都要再努力加油！

一星期的午餐🍱

星期一：煎無骨雞翼、西蘭花、車厘茄、湯烏東

星期二：蛋包飯、炸雞、腸仔、西蘭花、車厘茄

星期三：牛扒、粟米、薯絲、車厘茄、藍莓

星期四：西蘭花炒蝦仁、蒸水蛋

星期五：韓式吞拿魚飯卷、獅子狗、橙、熊仔餅

星期一：煎無骨雞翼、西蘭花、車厘茄、湯烏東

我的沒有烏東，加了我最愛的酸蕎頭😋


星期二：蛋包飯、炸雞、腸仔、西蘭花、車厘茄

星期三：牛扒、粟米、薯絲、車厘茄、藍莓

星期四：西蘭花炒蝦仁、蒸水蛋

小太子忽然話食中菜，好彩雪櫃仲有一包蝦仁。


蒸水蛋帶到返學校變了豆腐花😆

星期五：韓式吞拿魚飯卷、獅子狗、橙、熊仔餅

我自己都有份，因為真是好好味😋。

今次我終於買齊韓國麻油、牛蒡！




希望可以keep到啦！Bye bye！

大頭妹便當：照燒雞扒烏東 （附食譜）

2023年2月2日

其實帶飯我幾鍾意煮烏東，朝早放鰹魚湯包煲滾水，放烏東煮幾分鐘就煮好！

雞扒我在Apita買的 S Pure，$120有 7塊，貴是比一般貴，但又真是比較乾淨，亦都好有雞味。

好多人問我照燒雞扒食譜，唔記得之前有冇寫過，其實日本人煮食一般有固定份量，所以日本家庭料理比中菜容易掌握，照燒雞扒的份量就是1塊雞扒，豉油、清酒、味醂各1湯匙，糖1茶匙。無味醂其實都唔緊要，用清酒代替，再加多少少少少蜜糖都可以。

解凍之後！

早一晚醃定。


第二朝煎一煎就搞掂，其實都唔洗幾多時間。




呢份是先切成一口大小再煎，我想睇下分別。




無印呢個袋真是好用！

大頭妹小丸子便當：牛肉湯烏冬 牛肉冷烏東

2023年3月27日（星期一）

是的，有時我自己都唔明點解2個女都是我生，但喜好完全唔一樣！一個要食冷烏冬，一個要食熱烏冬！

冷烏東其實以方便，20分鐘就煮好，一煲水煮完烏冬，再煮牛肉。

中間是冷麵汁，$12店買的盒仔。


Hehe…我又買咗新角落生物飯盒，呢款有保溫，連埋我最近在Franc Franc買的貓貓壺，小丸子話返到學校湯同烏冬都是熱的！我覺得可能因為個壺容量少，200ml容量，剛剛就是一碗湯，無咩多餘空間，所以特別保溫，小丸子話返到學校仲出煙，終於食到熱的湯麵。






我用呢款烏冬，短身同快熟，只需要轉5-6分鐘，在City Super有售。


熱湯有時我偷懶，就咁用即沖的麵豉湯。

Apita呢款火鍋肥牛都唔錯，$99分到3份，1份係2人份（大頭妹細食），但我覺得就算男仔份3-4份都夠，一餐都是30幾。


其實我煮完覺得個湯好香，不過唔知可唔可以用嚟做湯底。






上次係 ig 見啲人教斜切橙、檸檬，啲核就會係晒面，可以好容易挑走。