我: 其實你覺得男人想不想結婚和女人有沒有關係呢？
阿旺: 我覺得男人想結婚就會結婚﹗同女人沒有關係。
我: 會不會有一些女人有一些特質，會令男人覺得適合做太太呢？？例如: 識煮飯/ 煲湯/ 鍾意小朋友...男人不會對自己將來的太太有期望嗎？
阿旺 (個樣好認真): 會﹗ 期望每朝早起身一吻紅的臉，共回味情夢最甜...啦啦啦...
唉... 沒有一次正正經經回答我的問題...
最近我地再開始睇樓，阿旺就成日用尺度下地﹗睇下電視同梳化的距離，令我諗起之前我地買電視的對話﹗
我: 買32寸得啦﹗我地屋企咁細﹗
阿旺: 好似37寸好啲喎﹗
我: 下﹗買咁大做咩呀﹗
阿旺: HEHE...男人揀電視，同女人的胸部一樣﹗幾時都係越大越好架啦﹗如果夠位我想要42寸添呀﹗
我: ...(想打爆佢個頭﹗)
最近我沉迷於網上購物，買衫仔比大頭妹﹗有一日，
我: 老公買TUTU比大頭妹好唔好？
老公: 比幾多歲架﹗呢啲要大個啲著先得意架喎﹗
我: 幾多歲都有架﹗3個月至2歲，再大啲都有架 (心諗: 我咁大都有架﹗)﹗
老 公: 咁最少都買歲半啦﹗
我: 哦﹗
老公: 老婆 呀﹗BB衫唔係股票呀﹗長揸都唔會升架﹗依家買定歲半嘅衫做咩呀？
我: ... (唓...即是唔買得啦﹗)
最近我不方便換床單﹗每次都要叫阿旺好耐好多次，佢先會換一次﹗由以前2星期一次，到之後1個月1次，到依家2-3個月一次﹗
我: 老公呀﹗啲 "塵蟎" 咬死我啦﹗你幾時先換床單呀？
阿旺: 哈...哈...哈﹗塵蟎是我的朋友﹗佢叫阿蟎﹗佢又是姓 "塵"，我又是姓 "陳"﹗哈...哈...哈﹗
我 (令轉身瞓覺): ...(心諗...好彩今次佢唔話改個女個名做 "陳滿" 咋﹗)
阿旺最近鍾意睇YOUTUBE的ANNOYING ORANGE，仲成日扮個ORANGE同我講野﹗一朝早就碌大對眼同我講 "HEY﹗APPLE" ，望住我個肚就講 "HEY﹗WATERMELON﹗"，上次睇到標晒眼淚水，仲成身紅晒 (有圖為證...不過佢一見我影佢，佢就扮正經)﹗大家有興趣的話都可以睇下 ﹗
沒有留言:
張貼留言