小丸子14個月

哈哈哈，又唔記得寫小丸子的成長誌﹗其實不是偏心，不過真是太忙，有 2個小朋友的時間好難分配。
14個月啦﹗今個月26.6磅，大頭妹都係得27.2磅，唔知下個月會唔會追過家姐啦﹗不過似乎都係遲早的事﹗
食野方面: 同上個月無咩分別﹗仍然未叫工人姐姐mark返個 time table (我真是好失敗)﹗
TIME TABLE (我的指示): 7:00 早奶; 10:00 早餐 (麵包/ 芝士/ 生果); 12:00 午餐; 4:00 下午奶; 6:00 晚餐; 8:00 呃2 啖飯/ 生果; 10:00 睡前奶﹗

講野方面: 終於學識咗叫婆婆，仲係唔識叫姨姨，但阿姨有野食的時候，佢就識叫阿姨﹗最常講的係 DADA (工人姐姐)，一唔見咗工人姐姐，就大叫DADA。又成日講打打 (呢個囡成日喊打喊殺，仲真係會打人)﹗依家有時想去洗手間會講 SHU SHU。
行為方面: 今個月係PLAYGROUP學識咗 "鞠躬" (THANK YOU )，叫佢自己丟垃圾，同去完街放返好鞋仔都識做。暫時都未認人/ 認地方﹗

活動方面: 今個月算識得自己行啦﹗最 近放工返屋企，如果時間同天氣許可，我都盡量帶大頭妹去下公園玩一陣，今個星期仲帶埋小丸子，因為覺得成日留低佢一個係屋企好慘﹗佢依家見我返屋企，同家 姐換衫，自己會 9秒9行去門口，如果家姐開咗鞋櫃，佢仲識去攞自己對鞋 "自己著" (當然著唔到啦，不過真係認得自己對鞋，唔會攞咗家姐個對)﹗

係KIDSQUARE LEARNING CENTRE第 2堂 PLAYGROUP的相:

每次係 MISS HO手上接野都要同MISS HO鞠躬，之後我地返屋企都要佢繼續做，依家已經學識咗，但當然未去到自動自覺啦﹗

坐定定都係學習的一環﹗


有人發難啦﹗﹗﹗

我發現小丸子都幾鍾意做勞作/ 畫畫﹗

次次做勞作都好開心﹗

係PLAYGROUP都要自己丟垃圾架﹗不過呢樣係屋企我就一向都有要佢做，所以上次丟埋我個IPHONE囉﹗

仲要自己搬櫈，當然唔係真搬啦﹗

搬枱﹗我覺得幾好，可以訓練合作性﹗

豪邁丸﹗