與導盲犬做個 FRIEND

上上星期日應 "香港導盲犬服務中心" 的邀請，帶大頭妹去銅鑼灣參與 "與導盲犬做個 FRIEND" 活動。

其實我對導盲犬的認識並不是太深，我只是知導盲犬就好似是會活動的 "盲公竹"，但今次有機會同香港第一隻導盲犬 GOOGLE的使用者 DAVID傾計，先知道原來對使用者來講就大大不同﹗

首先導盲犬識得認路，使用者只需要講指令，例如: MTR/ 飲茶/ OFFICE/ 大家樂，導盲犬就識帶主人去指定的地方，但如果是要去新地方，都是要靠使用者自己認路。其次是導盲犬可以帶住使用者靈活咁避開人，使用者係街上行的時間會比較方便。最後一樣算是 BONUS，DAVID話用咗導盲犬之後，認識咗好多朋友，而且個人比以前開心咗，出街都多咗﹗

本港唯一獲認可的導盲犬訓練員 RAYMOND講解導盲犬的貢獻﹗


大頭妹少接觸狗仔，一開始有少少緊張﹗其實佢好鍾意狗仔架﹗

GOOGLE係香港第一隻導盲犬﹗HEHEHE...佢同大頭妹一樣都是 3歲，又一樣返咗學 1年，不過GOOGLE已經開始 "返工" 啦﹗

導盲犬工作的時間是唔會出聲，大多數時間只是安靜咁坐係度﹗

佢地係受過專業的訓練，係街上的時候，是唔會隨意大小便，亦唔會隨便接受主人以外的人的食物﹗

呢一隻是二師姐 IRIS﹗

 

香港導盲犬服務中心於2012年1月11日成立，為香港政府註冊之非牟利團體，專門提供導盲犬的培育和訓練，以及將培訓成功的犬隻免費提供與有需要而又合適的視障者使用；並會進行配對訓練及提供日後的跟進服務，支援視障人士；同時，推廣保護導盲犬及防止配對後被遺棄或虐待的機會。 另外，更培訓本地導盲犬訓練員和導師，以延續此項服務，希望能薪火相傳，最終使這項服務本地化。希望藉着推廣導盲犬，可以增進社會互助精神及愛護動物之風氣，促進港人對弱勢社群的重視及瞭解身心障礙者的需求。

香港導盲犬服務中心: http://www.seeingeyedog.org.hk